པདྨ་བཀའ་ཐང་། ཞལ་འདོན་པ། མཁན་གང་བསམ་ལྷུན་གྲུབ། སྒྲ་དང་ཡི་གེ 56-57

关注👉🏼⏯ 藏家韵味 2021-07-10

56༽བསམ་ཡས་གཙུག་ལག་ཁང་གི་ས་བཙལ་བའི་ལེའུ།

57༽མཁན་པོ་བོ་དྷི་ས་ཏྭ་གདན་དྲངས་པའི་ལེའུ།

པདྨ་བཀའ་ཐང་། ཞལ་འདོན་པ། མཁན་གང་བསམ་ལྷུན་གྲུབ།
༥༦། བསམ་ཡས་གཙུག་ལག་ཁང་གི་ས་བཙལ་བ།

དེ་ནས་བསམ་ཡས་མཚོ་མོ་མགུལ་དུ་བྱོན༔ ས་དཔྱད་གཟིགས་པས་བི་རྗེའི་ཞལ་ན་རེ༔ ཧས་པོ་རི་ནི་དུང་སེང་གནམ་མཆོང་འདྲ༔ མེ་ཡར་དྲེའུ་རྟ་ཆུ་འཐུང་འདྲ་སྟེ་བཟང་༔ མཆིམས་ཕུའི་རི་འདི་གཡུ་སེང་གནམ་མཆོང་འདྲ༔ ཤར་རི་རྒྱལ་པོ་གདན་ལ་བཞུགས་པ་འདྲ༔ དགེ་རྒྱས་རི་འདི་རིན་ཅེན་སྤུངས་པ་འདྲ༔ མཆིམས་ཕུའི་ལུང་པ་པདྨ་ཁ་བྱེ་འདྲ༔ བྲག་དམར་བྱུ་རུའི་སེང་གེ་གནམ་འཕྱོ་འདྲ༔ དོལ་ཐང་དར་དཀར་ཡོལ་བ་བྲེས་པ་འདྲ༔ དབུ་ཚལ་རྫིང་བུ་མར་ཁུའི་གཞོང་པ་འདྲ༔ ལྷོ་ཕྱོགས་གཙང་པོ་གཡུ་འབྲུག་གྱེན་འགྲོ་འདྲ༔ སྤྱིར་ན་བྲག་དམར་ཟན་གཡང་ས་དཔྱད་འདྲ༔ རུས་སྦལ་ཁོག་པར་སྦྲང་རོ་གཏིབས་པ་འདྲ༔ཕྱོགས་བཞིའི་ས་སྤོས་མཚམས་བཞི་འགྲམས་ནས་འདུག༔ བོད་ཡུལ་རུ་བཞིའི་ནོར་རྣམས་འཕེལ་བའི་རི༔ ཆུ་བོ་རི་ནི་རིན་ཅེན་སྤུངས་འདྲ་འདུག༔ གྲུབ་ཐོབ་རྒྱུན་ཆད་མེད་པར་འོང་བའི་རི༔ འུ་ཤང་རྡོ་དང་སྐར་ཆུང་འདྲ་བ་འདུག༔ བོད་རྣམས་ཚེ་རིང་བདེ་བས་འཚོ་བའི་རི༔ གཙང་གི་རུ་ལག་གཞོན་པ་སྐྱེས་འདྲ་འདུག༔ བློན་པོ་རིག་པ་ཅན་མང་འོང་བའི་རི༔ འཕྱིང་བར་སྟག་རྩེ་གླང་ཆེན་འགྱིང་འདྲ་འདུག༔ སྟོན་ཆེན་འོང་རི་པི་ཝང་རྒྱུད་འདྲ་འདུག༔ བོད་ལ་སྐབས་སུ་འཁྲུག་པ་འོང་བའི་རི༔ རི་ནག་སོག་པོ་ཁྲོས་པ་འདྲ་བའང་འདུག༔ ཅེས་སོགས་བོད་ཀྱི་ས་དཔྱད་རྒྱས་པར་གསུངས༔ དེ་ནས་བསམ་ཡས་འོམ་བུ་ཚལ་དུ་བྱོན༔ བྲག་དམར་འོམ་བུ་ཚལ་དུ་རྨང་བཏིང་བས༔ བོད་ཀྱི་ལྷ་འདྲེ་གདུག་པ་ཅན་རྣམས་འདུས༔ ཉིན་པར་བརྩིགས་པ་མཚན་བཤིག་བརྩིག་མ་སྟེར༔ གཙུག་ལག་རྩིས་དང་པྲ་མོབྱས་པ་ཡིས༔ རྒྱ་གར་རྒྱ་ནག་ཟ་ཧོར་ལ་སོགས་ནས༔ ས་འདུལ་མཁན་གྱི་བླ་མཆོད་གདན་དྲངས་ནས༔ རྒྱལ་པོའི་ཐུགས་དགོངས་རྫོགས་པར་འོང་ངོ་གསུངས༔ ཨུ་རྒྱན་གུ་རུ་པདྨ་འབྱུང་གནས་ཀྱི་སྐྱེས་རབས་རྣམ་པར་ཐར་པ་རྒྱས་པར་བཀོད་པ་ལས༔ བསམ་ཡས་གཙུག་ལག་ཁང་གི་ས་བཙལ་བའི་ལེའུ་སྟེ་ང་དྲུག་པའོ༔ ༔
༥༧། མཁན་པོ་བོ་དྷི་ས་ཏྭ་གདན་དྲངས་པ།
དེ་ནས་རྒྱལ་པོ་ཁྲི་སྲོང་ལྡེའུ་བཙན་གྱིས༔ རྒྱལ་བའི་བློ་གྲོས་ལ་སོགས་དཔོན་གཡོག་གསུམ༔ ཟ་ཧོར་ཡུལ་དུ་གཏམ་མྱུལ་བ་ལ་བཏང་༔ སིངྷ་རཱ་ཛ་རྒྱ་གར་ཡུལ་དུ་བཏང་༔ གྲུ་གུ་ཨེ་བག་རྒྱ་ནག་ཡུལ་ལ་བཏང་༔ དེ་ནས་རྒྱལ་བའི་བློ་གྲོས་དཔོན་གཡོག་གསུམ༔ རྡོ་རྗེ་གདན་གྱི་ནུབ་བྱང་མཚམས་ཁ་གཏད༔ ཟ་ཧོར་ཡུལ་དུ་ས་ལམ་བགྲོད་པར་གྱུར༔ མི་རིགས་མི་འདྲ་སྐད་རིགས་མི་འདྲ་བས༔ མང་པོ་འདུས་ནས་སྣ་ལག་བཀབ་ཀྱིན་ལྟ༔ རིམ་པར་མཆེད་ནས་བཙུན་མོ་རྣམས་ཀྱིས་བལྟས༔ རྒྱལ་པོས་གསན་ནས་མི་གཞན་ཅི་ཡོད་འདྲི༔ ཕར་ཚུར་གཏམ་ནི་མ་གོ་དུད་འགྲོ་འདྲ༔ དེ་ནས་བགས་ཀྱིས་འདྲིས་ཤིང་གཏམ་གོ་ནས༔ ཆོས་རྒྱལ་གཅིག་དང་སྲིད་རྒྱལ་གཉིས་ཀྱི་འོག༔ ཟ་ཧོར་རྒྱལ་ཁམས་ཐམས་ཅད་འདུ་བ་ལ༔ཆོས་རྒྱལ་དེ་ཉིད་ཆོས་ལས་སྲིད་མི་སྲུང་༔ སྲིད་རྒྱལ་དེ་ཉིད་སྲིད་ལས་ཆོས་མི་འཆད༔ ཆོས་རྒྱལ་གོ་མ་དེ་བྱིའི་སྲས་པོ་ནི༔ སྐུ་གཅིག་མཚན་གསུམ་གྲགས་པའི་མཁན་པོ་ཞིག༔ ཆོས་ཀྱི་འཁོར་ལོ་བསྐོར་བའི་ཆོས་གྲར་ཕྱིན༔ གསུང་ནི་མ་གོ་སྐུ་ལ་མོས་པ་ཐོབ༔ བོ་དྷི་སཏྭ་ཤཱནྟ་དེ་བ་ཉིད༔ ཟ་ཧོར་ཡུལ་ན་རྩོད་མེད་ཆོས་སྨྲར་གྲགས༔ གཏམ་ཁུངས་ཆོད་ནས་བོད་དུ་འོངས་པར་གྱུར༔ རྒྱལ་པོའི་སྙན་དུ་གསོལ་བས་རྒྱལ་པོ་དགྱེས༔ དེ་ནས་སྦ་མི་ཛྙཱ་ན་ཤྭ་ར་དང་༔ གཉགས་པ་ཛྙཱ་ན་ཀུ་མཱ་ར་གཉིས་ལ༔ གཡོག་པོ་གསུམ་གསུམ་གསེར་ཕྱེ་བྲེ་རེ་བསྐུར༔ བཀའ་འཕྲིན་ཤུན་པའི་ལོགས་ལ་བཀོད་པ་ནི༔ བསྟན་པ་རིན་ཅེན་མཆོག་ཏུ་གདུགས་ཁེབས་པ༔ མཐའ་ཁོབ་མུན་པའི་གླིང་དུ་སྐར་ཙམ་མེད༔ ས་སྟེང་གནས་པའི་རབ་རིབ་ཉིད་ཀྱིས་སོལ༔ ལྷ་སྲིན་མ་བྱེ་འདྲེ་ཡིས་གཟིངས་པས་འཁུམས༔ ཞེས་པའི་བཀའ་ནན་ཆེ་བར་མཛད་ནས་སུ༔ མྱུར་མགྱོགས་པ་རྣམས་དགོངས་མཐུན་གཉིས་གཉིས་བསྡེབས༔ སྔ་ཕྱི་ཉི་མ་སྟེང་འོག་མགྲོན་ཚན་བཞི༔ སྔ་མའི་ཞལ་སར་ཕྱི་མས་གནས་མལ་འདུག༔ མགྲོན་ཚན་གཉིས་ནི་གཅན་འཕྲང་པ་ཡིས་བཅོམ༔ ཛྙཱ་ན་ཤྭ་ར་ཛྙཱ་ན་ཀུ་མཱ་ཡིས༔ ཟ་ཧོར་ས་ཆོད་མཁན་པོའི་དྲུང་དུ་སླེབས༔ བཀའ་འཕྲིན་གསེར་ཕྱེ་ཕྱག་ཏུ་ཕུལ་བ་ཡིས༔ མཁན་པོས་དགྱེས་པའི་ཞལ་མདངས་དཀར་བསྟན་ནས༔ མྱུར་མགྱོགས་པ་དང་བསྡོངས་ནས་བོད་དུ་བྱོན༔ བོད་དུ་ཕེབས་ནས་གསང་ཕུར་རྗེ་དང་མཇལ༔ ཟ་ཧོར་མཁན་པོས་རྗེ་ལ་ཕྱག་བཙལ་ནས༔ རང་དོན་འགལ་མེད་ཆེན་པོའི་རྣམ་ཐར་ནི༔ ཁུར་ལ་མི་རྩེག་ས་ཡིས་འཇིག་རྟེན་འདེགས༔ ཉི་མ་བས་ཆེན་རྟ་ཞོན་རྒྱུ་བར་བྱེད༔ གླང་ཆེན་རྒྱབ་ཁལ་རབ་ཏུ་བརྟན་པར་འཁུར༔ ཞེས་གསུངས་རྒྱལ་པོའི་ཕྱག་ལ་འཇུས་པ་ཡིས༔ ཡོན་མཆོད་ཐུགས་དགོངས་ཤིན་ཏུ་འདྲེས་པར་གྱུར༔ མཁན་པོས་བསྙེན་གནས་སྡོམ་པའི་ཆོ་ག་མཛད༔ དེ་ནས་བྲག་དམར་མགྲིན་བཟང་ཆག་ཕེབས་ནས༔ ཇོ་མོ་གཉིས་ལ་བསྙེན་གནས་ཆོ་ག་མཛད༔ ཨུ་རྒྱན་གུ་རུ་པདྨ་འབྱུང་གནས་ཀྱི་སྐྱེས་རབས་རྣམ་པར་ཐར་པ་རྒྱས་པར་བཀོད་པ་ལས༔ བོད་ཀྱི་རྒྱལ་པོས་མཁན་པོ་བོ་དྷི་ས་ཏྭ་གདན་དྲངས་པའི་ལེའུ་སྟེ་ང་བདུན་པའོ༔ ༔

བྱམས་བརྩེའི་འོད་ཁྱིམ་འཕྲིན་སྟེགས།

〖1〗༧ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་མཆོག་གིས་ལྗགས་ཁྲིད་མཛད་པའི་མདོ་སྡེ་མཛངས་བླུན་སྒྲ་『ཆ་ཚང་།』

〖2〗འདན་སྲས་གཡུ་འོད་འབུམ་མེའི་རྟོགས་བརྗོད།སྒྲུང་པ་སྐལ་བཟང་གྲགས་པ།〖ཆ་ཚང་།〗

〖3〗༄༅། །འཛམ་གླིང་སྐད་ཡིག་གི་སྐྱེ་འཆིའི་ལོ་རྒྱུས་བསྡུས་པ་ལུག་རྫི་རྒན་པོའི་ཀི་སྒྲ་ཞེས་བྱ་བ་བཞུགས་སོ། །༸མཁས་དབང་ཚུལ་ཁྲིམས་བློ་གྲོས་ཀྱིས་མཛད།སྐུ་ཉིད་ཀྱིས་ལྗགས་ཁྲིད་གནང་བའི་སྒྲ་〖ཆ་ཚང་།〗

མཁན་འཆི་མེད་རིག་འཛིན་གྱིས་གསུང་བའི་བདེ་ཆེན་ཞིང་གི་སྨོན་ལམ།【ཚ་ཚང】

ང་ཚོ་འགྲོ་བ་མི་ཡིན་པ་དང་སྤྱི་ཚོགས་ལ་བརྟེན་ནས་གནས་ཡོད་པས། མི་རེ་རེར་སྤྱི་ཚོགས་དང་འགྲོ་མིའི་བདེ་སྐྱིད་ཀྱི་ཆེད་དུ་ཡང་དག་པའི་བྱ་བ་བྱེད་རྒྱུའི་འགན་ཡོད། གང་ཞེ་ན། འབྱུང་གྱུར་གྱི་མིའི་རང་གཤིས་བཟང་པོ་ཞི་བདེའི་ཚོར་སྣང་ལྡན་པ་ཞིག་བྱུང་ན་ཚང་མ་ལ་ཁེ་བཟང་ཆེ་བ་སྨོས་མི་དགོས་མོད། དེའི་ཕྱིར་ངེད་༼བྱམས་བརྩེའི་འོད་ཁྱིམ་༽གྱིས་བརླན་པའི་འཇིག་རྟེན་གསར་པའི་འཕྲིན་སྟེགས་ནང་(དུས་རབས་ཀྱི་ཅོང་བརྡས་)ཞིང་འབྲོག་གཉིད་ལས་སློང་ངེས་ན་འདིར་ཕེབས་པར་དགའ་བསུ་དང་གུས་འདུད་གྲངས་མེད་ཞུ་བཞིན་ཡོད།

གསལ་བཤད།

སྤྱི་སྟེགས་འདིར་རིན་ཐང་ཆེ་བའི་གཏམ་བཤད་དང་། ལོ་རྒྱུས་ངོ་སྤྲོད། གསོ་རིག་ལས་འཕྲོས་པའི་གལ་ཆེའི་འཕྲོད་བསྟེན་ཤེས་བྱ། ཡུལ་ལུང་གོམས་སྤྱོད་ངོ་སྤྲོད། ཡུལ་སྐོར་ཟིན་ཐོ། ཡ་མཚར་དངོས་བྱུང་སྐོར། ནང་ཆོས་དང་མཚན་རིག་ལས་འཕྲོས་པའི་ཀུན་སྤྱོད་དང་ལྟ་གྲུབ་སྐོར། ད་དུང་འཆད་ཁྲིད་གལ་ཆེན་སོགས་འགོད་ཀྱིན་ཡོད་པས་རིན་ཐང་ཅན་རེ་ཡིས་རྒྱབ་སྐྱོར་ཡོང་བར་བཀའ་དྲིན་སྙིང་ནས་ཞུ།

འཕྲིན་སྟེགས་གཙོ་སྐྱོང་པས།

སྤྱི་སྟེགས་སུ་མི་སྒེར་དང་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ། མྱུར་དུ་ང་ཚོར་འབྲེལ་གཏུགས་གྱིས་དང་དྲྭ་ངོས་ནས་བསུབ་ངེས་ཡིན།

版权为原著所有，著有侵犯到您的权益，请您与我们联系，我们将立即删除

སྤེལ་ཟིན་པ་དག་ལ་གཟིགས་འདོད་ན།⬇️

རྒྱལ་སྲས་ལག་ལེན། ༧ཆོས་རྗེ་བླ་མའི་གསུངས། སྒྲ།【ཆ་ཚང་།】

ཆོས་རྗེ་བླ་མས་ཁེ་ན་ཏ་ན་གསུངས་བའི་ནང་པའི་ཆོས་ལུགས་དང་མཐུན་པའི་བཀའ་སློབ་མདོར་བསྡུས།༼བརྙན་ཆ་ཚང་།༽

ཆོས་རྗེ་དམ་པ་ཡིད་བཞིན་ནོར་བུ་དགོངས་པ་ཆོས་དབྱིངས་སུ་མ་རྫོགས་གོང་བླ་རུང་ཞིང་སྒྲུབ་ཀྱི་རྣམ་པ་དང་སྐྱབས་རྗེ་བླ་མའི་བཀའ་སློབ་དང་ཞིང་དབང་བསྐུར་བའི་བརྙན།