འབྲེལ་ཚད་བདེ་བ་ཅན་དུ་འདྲེན་པའི་ཞལ་བཞེས་སྒྲ་ཡིག་གཉིས་ལྡན།

འབྲེལ་ཚད་བདེ་བ་ཅན་དུ་འདྲེན་པའི་ཞལ་བཞེས།

ཆོས་རྗེ་བླ་མ་ཡིད་བཞིན་ནོར་བུས་གསུང་།

ཨོ་རྒྱན་ཆེན་པོ་དང་བླ་མ་མི་ཕམ་པས་ཀྱང་ངས་འགྲོ་དོན་ཆེན་པོ་ཡོང་གསུངས་ཡོད་ཀི   འབྲེལ་ཚད་བདེ་ཆེན་ཞིང་ལ་སྐྱེ་འགྲོ་གསུངས་ཡོད་ཀི  ལྷག་ཏུ་ལོ་གཉིས་བརྒྱའི་སྔོན་ཞིག་ནས་རྡོ་གྲུབ་རྒན་ཟེར་བའི་བླ་མ་ཞིག་གིས།  བླ་རུང་གི་སྨད་ན་རྔ་ལ་སྟག་རྩེ་དང་སྟོད་ན་དམ་ཅན། དེ་ནས་ཤིང་གི་ལྷ་མོ་དང་བླ་རུང་ཟེར་རྒྱུའི་ས་ཆ་འདི་དང་ཆོས་སྡེ་ཁག་བཞིའི་དགེ་འདུན་པ་རྣམས་དང་ང་རང་བཅས་ལུང་གསལ་པོར་བསྟན་ཡོད་ཀི  གཞན་ཡང་ལས་རབ་གླིང་པས། རྫུ་མེད་ཆོས་ལྷས་ཟེར་ས་ཞིག་ན་འཇིགས་མེད་ཕུན་ཚོགས་ཟེར་བའི་ཡབ་པདྨ་དང་ཡུམ་གཡུ་མཚོ་གཉིས་ཀྱི་བུ་ལོ་སྙིང་བྱ་ལོ་བ་ཅན་ཞིག་ལུས་ངག་ཡིད་གསུམ་ན་རྟགས་མང་པོ་ཡོད་པ་དེས་ཆོས་ཀྱི་འཁོར་ལོ་བསྐོར་ཏེ་སྙིགས་མའི་རྒུད་པ་དབྱིངས་སུ་ཞི་ནས་ཀུན་ཀྱང་བདེ་ཆེན་ཞིང་དུ་འདྲེན་འགྲོ་གསུངས་ཡོད་ཀི  དེས་ན་ཁོང་རྣམ་པའི་རྫུན་ནི་གསུང་རྒྱུ་མ་རེད། ང་མ་སྐྱེས་པའི་ཡར་སྔོན་ཡར་སྔོན་ཞིག་ནས་གསུངས་པ་རེད་མ་གཏོགས་ང་སྐྱེས་ཚར་རྒྱབ་ཡིན་ན་ད་བླ་མ་དག་གིས་ཁ་ཡག་བཤད་པ་ཡིན་སྲིད་ཀྱང་དེ་འདྲ་ཞིག་མ་རེད། ད་དུང་ལུང་བསྟན་མང་པོ་ཡོད་ཀི ངས་རྫུན་བཤད་ནི་མིན། ང་བཟང་ཆེད་དུ་ཡང་བཤད་པ་མིན།ཁྱེད་རྣམ་པ་དགའ་བའི་ཆེད་དུ་བཤད་པ་ཡིན། དེས་ན་ཁྱེད་རྣམས་པས་ཀྱང་དགའ་དགའ་སྤྲོ་སྤྲོའི་ངང་ནས་བདེ་བ་ཅན་དུ་སྐྱེ་བའི་སྨོན་ལམ་ཐོབ། ད་ཐེངས་ཀྱི་ཆོས་ཚོགས་འདིར་ཐོན་ཡོད་པ་རྣམས་ཀྱིས་དད་པ་དང་ཁས་ལེན་ཡག་པོ་གྱིས། དམེ་མ་བྱེད། རྐུ་མ་བྱེད་དང་ཁྱེད་ཚོ་གཅིག་ཀྱང་མི་ལྷག་པར་བདེ་བ་ཅན་དུ་སྐྱེ་ཨེ་འགྲོ་བསམ་རྒྱུ་ཞིག་གསུངས་ཡོད་ཀི  ང་ཤི་ལ་ཁད་ཀྱི་དུས་འདི་འདྲ་ཞིག་ལ་འདི་ལྟར་རྒོད་རྒོད་བྱེད་འདུག་རྒྱུ་དེ་ཡང་ལུང་བསྟན་འདི་ཚོ་ལ་འཁྲུལ་བ་ཡོད་རྒྱུ་མ་རེད་འདོད་པས་ཡིན།  ངས་ཀྱང་འགྲོ་དོན་རྒྱ་ཆེན་པོ་ཞིག་ཡོང་ས་རེད་བསམས་ནི་ཡིན། དེས་ན་ཁྱེད་རྣམ་པས་འོད་མཚན་བྱེ་ཆུང་རེ་ཐོན་དང་ཆོས་སྤངས་ཀྱི་ལས་ངན་པ་རེ་བསགས་མེད་ན་ཤི་མ་ཐག་ཏུ་བདེ་བ་ཅན་ལ་སྐྱེ་རྒྱུ་ངས་རྒྱལ་བ་སྲས་དང་བཅས་པ་དཔང་པོར་བཞག་ནས་ཁག་ཁུར་ནི་ཡིན། སྐད་ཆ་འདི་ལ་ཐེ་ཚོམ་དང་ཡིད་གཉིས་མི་དགོས། 

ཆོས་རྗེ་དམ་པ་ཡིད་བཞིན་ནོར་བུས།

ཕ་རྒན་བྱ་རྒྱལ་རྒོད་པོ་མཁའ་དབྱིངས་སུ་བསྐྱོད་ནས། །

སྤྱི་རྒྱ་རླབས་ཀྱིས་གཅོད་པའི་ལྟད་མོ་ཞིག་བསྟན་ཡོད། །

རྩལ་ཕྲུག་ནར་དུ་སོན་པའི་བུ་རྒྱུད་འདྲ་ཡོད་ན། །

རྟོགས་པའི་གཤོག་རྩལ་འགྲན་བཞིན་ཡར་ཡར་ལ་ཕེབས་ཤོག །

像大鹏鸟一样的上师，已经展开雄健有力的智慧翅膀，展示着遨游天际的精彩舞姿。若有羽翼丰满、力量成熟的幼子，也应借着证悟的翅膀，冲向法界虚空，与上师一起，演绎比翼双飞的绝唱。

ཡ་གི་བདེ་བ་ཅན་གྱི་ཞིང་ཁམས་ཀྱི་བཀོད་པ། །

གྲངས་མེད་འཇིག་རྟེན་མང་པོའི་ཆོད་པ་རུ་གྲགས་ཀྱང་། །

ལས་སྨོན་སྒྱུ་མའི་འཕྲུལ་གྱི་རྩེད་འཇོ་ལ་མཁས་ན། །

གནས་ཡུལ་བསྐལ་དོན་མི་འདུག་དམ་ལྡན་གྱི་སློབ་ཚོགས། །

具备誓言的弟子们啊！虽说上方极乐世界的美妙庄严，远在无量众多世界之外，但对通达善业胜愿幻化境界的人儿来说，此等景象，其实并非遥远。 

སྒྱུ་ལུས་རྣག་གི་ཕུང་པོའི་རྒོང་རྒྱ་འདི་རལ་ཚེ། །

རིག་པ་མི་སྡོད་ནུབ་ཕྱོགས་མཁའ་དབྱིངས་སུ་འཕུར་འགྲོ། །

ཨ་མའི་མངལ་ནས་གཤོག་དྲུག་མཐའ་ནས་རང་རྒྱས་ཕྱིར། །

ཉམ་ངའི་གཡང་སར་མི་ལྷུང་དཔའ་གདེང་ཞིག་ཡོད་དོ། །

当舍弃此等如幻蕴身躯壳的时候，

我的明觉心识将直接飞往西方极乐。

因为在母胎中，我的羽翼已经丰满成熟，有了不再坠落凶恶之地的把握。

འབྲེལ་ཚད་བདེ་ཆེན་དག་པའི་ཞིང་མཆོག་ཏུ་ཁྲིད་པའི། །

བསླུ་མེད་རྡོ་རྗེ་གསུང་གི་དབུགས་དབྱུང་དེ་ཐོབ་ནས། །

ཚེ་གཅིག་ཡིད་ལ་བརྣག་པའི་འདོད་དོན་གྱི་རི་མོ། །

གེགས་མེད་མངོན་དུ་གྱུར་བའི་ལས་ལྡན་ང་སྐྱིད་པ། །

获得了能引导结缘众生往生极乐的无欺金刚语之授记安慰，在内心描绘了一生的宏伟蓝图，已经有了可以无碍现前的缘分。我，是多么的幸福啊！ 

 ———法王如意宝：

བྱམས་བརྩེའི་འོད་ཁྱིམ་འཕྲིན་སྟེགས།

ང་ཚོ་འགྲོ་བ་མི་ཡིན་པ་དང་སྤྱི་ཚོགས་ལ་བརྟེན་ནས་གནས་ཡོད་པས།   མི་རེ་རེར་སྤྱི་ཚོགས་དང་འགྲོ་མིའི་བདེ་སྐྱིད་ཀྱི་ཆེད་དུ་ཡང་དག་པའི་བྱ་བ་བྱེད་རྒྱུའི་འགན་ཡོད།   གང་ཞེ་ན།   འབྱུང་གྱུར་གྱི་མིའི་རང་གཤིས་བཟང་པོ་ཞི་བདེའི་ཚོར་སྣང་ལྡན་པ་ཞིག་བྱུང་ན་ཚང་མ་ལ་ཁེ་བཟང་ཆེ་བ་སྨོས་མི་དགོས་མོད།  དེའི་ཕྱིར་ངེད་༼བྱམས་བརྩེའི་འོད་ཁྱིམ་༽གྱིས་བརླན་པའི་འཇིག་རྟེན་གསར་པའི་འཕྲིན་སྟེགས་ནང་(དུས་རབས་ཀྱི་ཅོང་བརྡས་)ཞིང་འབྲོག་གཉིད་ལས་སློང་ངེས་ན་འདིར་ཕེབས་པར་དགའ་བསུ་དང་གུས་འདུད་གྲངས་མེད་ཞུ་བཞིན་ཡོད།

གསལ་བཤད།

སྤྱི་སྟེགས་འདིར་རིན་ཐང་ཆེ་བའི་གཏམ་བཤད་དང་། ལོ་རྒྱུས་ངོ་སྤྲོད། གསོ་རིག་ལས་འཕྲོས་པའི་གལ་ཆེའི་འཕྲོད་བསྟེན་ཤེས་བྱ།  ཡུལ་ལུང་གོམས་སྤྱོད་ངོ་སྤྲོད།   ཡུལ་སྐོར་ཟིན་ཐོ། ཡ་མཚར་དངོས་བྱུང་སྐོར། ནང་ཆོས་དང་མཚན་རིག་ལས་འཕྲོས་པའི་ཀུན་སྤྱོད་དང་ལྟ་གྲུབ་སྐོར།  ད་དུང་འཆད་ཁྲིད་གལ་ཆེན་སོགས་འགོད་ཀྱིན་ཡོད་པས་རིན་ཐང་ཅན་རེ་ཡིས་རྒྱབ་སྐྱོར་ཡོང་བར་བཀའ་དྲིན་སྙིང་ནས་ཞུ།

འཕྲིན་སྟེགས་གཙོ་སྐྱོང་པས།

སྤྱི་སྟེགས་སུ་མི་སྒེར་དང་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ།  མྱུར་དུ་ང་ཚོར་འབྲེལ་གཏུགས་གྱིས་དང་དྲྭ་ངོས་ནས་བསུབ་ངེས་ཡིན།

版权为原著所有，著有侵犯到您的权益，请您与我们联系，我们将立即删除

སྤེལ་ཟིན་པ་དག་ལ་གཟིགས་འདོད་ན།⬇️