ཨ་གཏེར་བཀའ་བསྡུས། ཞལ་འདོན་པ། མཁན་ཆེན་རིག་འཛིན་དར་རྒྱས།

ཞལ་འདོན་པ། མཁན་ཆེན་རིག་འཛིན་དར་རྒྱས།

ཨོ་རྒྱན་རིན་པོ་ཆེའི་རྣམ་ཐར་བསྡུས་པ་

རིན་ཆེན་ཕྲེང་བ་བཞུགས་སོ༔

དཔའ་བོ་ཆོས་དབྱིངས་རྡོ་རྗེ།

 རྒྱ་གར་སྐད་དུ༔ ན་མོ་གུ་རུ་པདྨ་ཀ་རཱ་ཡ༔ བོད་སྐད་དུ༔ བླ་མ་པདྨ་འབྱུང་གནས་ལ་ཕྱག་འཚལ་ལོ༔ ཨེ་མ་ཧོ༔ ནུབ་ཕྱོགས་བདེ་བ་ཅན་གྱི་ཞིང་ཁམས་ནས༔ གསུང་མཆོག་ཆོས་སྐུ་སྣང་བ་མཐའ་ཡས་ཀྱིས༔ གཟིགས་སྟངས་ལྔ་བཅས་ལྗགས་ལས་འོད་འཕྲོས་པས༔ ཨོ་རྒྱན་ནུབ་བྱང་འོ་མ་ཅན་མཚོར་བབས༔ ཀླུ་རྒྱལ་འཇོག་པོའི་ཁང་སྟེང་པད་སྡོང་སྐྱེས༔ པདྨའི་སྦུབས་ནས་རང་བྱུང་སྤྲུལ་པའི་སྐུ༔ མཚོ་སྐྱེས་རྡོ་རྗེའི་མཛད་ཚུལ་དང་པོའོ༔ དེ་ནས་རྒྱལ་པོ་ཨིནྡྲ་བྷོ་དྷི་ནི༔ རྒྱ་མཚོར་ནོར་བུ་ལེན་དུ་ཕྱིན་པ་ལ༔ སྨོན་ལམ་དབང་གིས་སྤྲུལ་པའི་སྐུ་དང་འཕྲད༔ ཨོ་རྒྱན་ཡུལ་དུ་སྤྱན་དྲངས་གདུལ་བྱ་འདུལ༔ གུ་རུ་པདྨ་རྒྱལ་པོ་ཞེས་སུ་གྲགས༔ ཐབས་ཀྱི་བརྟུལ་ཞུཊ་སྤྱོད་མཛད་ཤར་ལྷོར་གཤེཊ༔ དུར་ཁྲོད་བསིལ་བ་ཚལ་དུ་སྒྲུབ་པ་མཛད༔ སྒྲུབ་པ་བཀའ་བརྒྱད་དངོས་གྲུབ་མཆོག་ཏུ་ཐོབ༔ གུ་རུ་པདྨ་འབྱུང་གནས་ཞེས་སུ་གྲགས༔ ཟ་ཧོར་རྒྱལ་ཁམས་ཆོས་ལ་བཙུད་པ་དང༔ ཚེ་དབང་ཕྱག་རྒྱ་ལྷ་ལྕམ་ལ་དགོངས་ནས༔ ཡུལ་དེར་བྱོན་ནས་མེ་དཔུང་མཚོ་རུ་བསྒྱུར༔ གཙུག་ལག་འཛིན་པའི་ཞྭ་བེར་རྒྱལ་སྲིད་ཕུལ༔ གུ་རུ་པདྨ་སཾ་བྷ་ཞེས་སུ་གྲགས༔ མཱ་ར་ཏི་ཀར་འཆི་མེད་རིག་འཛིན་ཐོབ༔ ཨ་སུ་ར་ཡི་ཕུག་པར་རབ་ཏུ་བྱུང༔ རྡོ་རྗེ་གདན་དུ་མཛད་པ་བཅུ་གཉིས་ཚུལ༔ རྫོགས་སངས་རྒྱས་པ་ཤཱཀྱ་སེང་གེར་གྲགས༔ ཟངས་གླིང་ལ་སོགས་མུ་སྟེགས་པ་ཡི་ཚོགས༔ ཞི་དྲག་སྣ་ཚོགས་ཐབས་ཀྱིས་འདུལ་བ་ཡི༔ མཐུ་ལྡན་གུ་རུ་སེང་གེ་སྒྲ་སྒྲོག་གྲགས༔ དུར་ཁྲོད་དཔལ་ཆས་དཔའ་བོའི་ཚུལ་དུ་བཞེངས༔ ཕྱོགས་བཞིའི་གནས་ཆེན་ཀུན་ཏུ་སྒྲུབ་པ་མཛད༔ གྲུབ་ཐོབ་མང་པོའི་གསུང་གི་བདུད་རྩི་ཐོབ༔ མཁྱེན་པའི་ཤེས་རབ་རིག་གནས་ཀུན་ལ་རྒྱས༔ མཁྱེན་རབ་ཐོགས་མེད་བློ་ལྡན་མཆོག་སྲེད་གྲགས༔ ཡུལ་གྲུ་བརྒྱད་ཀྱི་སེམས་ཅན་ཆོས་ལ་བཙུད༔ དགོངས་པ་མཐར་ཕྱིན་མངོན་ཤེས་གྲུབ་རྟཊ་མངའ༔ མཚན་དཔེའི་སྐུར་སྣང་ཉི་མ་འོད་ཟེར་གྲགས༔ མ་ཚོགས་མཁའ་འགྲོ་རྒྱ་མཚོའི་དབུས་ན་བཞུགས༔ དེ་ལྟར་རྒྱ་གར་ཡུལ་གྱི་པཎ་གྲུབ་མཆོག༔ པདྨ་འབྱུང་གནས་གདུལ་བྱ་འདུལ་བའི་ཕྱིར༔ གུ་རུ་མཚན་བརྒྱད་ཚུལ་དུ་སྐུར་སྣང་བ༔ པདྨའི་རྣམ་ཐར་རིན་ཆེན་ཕྲེང་བ་ལས༔ རྒྱ་གར་ཡུལ་བྱོན་ལེའུ་དང་པོའོ༔ ཨེ་མ་ཧོ༔ དེ་ནས་མཐའ་འཁོབ་བོད་ཀྱི་རྒྱལ་ཁམས་སུ༔ འཇམ་དཔལ་སྤྲུལ་པ་ཁྲི་སྲོང་ལྡེའུ་བཙན་གྱིས༔ བསམ་ཡས་བཞེངས་ལ་ས་མ་འདུལ་བ་དང༔ པྲེ་ཏ་པུ་རིའི་རྒྱལ་ཁམས་འདུལ་དགོངས་ནས༔ གནོད་སྦྱིན་རྫོང་བྱོན་ལྷ་འདྲེ་དམ་ལ་བཏགས༔ སེང་གེ་གནམ་རྫོང་ཡང་ལེ་ཤོད་སོགས་ནས༔ བར་ཆད་བགེགས་བསལ་སྡེ་བརྒྱད་བྲན་དུ་བཀོལ༔ རིན་ཆེན་གཏེར་སྦས་བསྟན་པ་རྒྱས་པར་མཛད༔ སྐྱེས་པ་བུ་བཞིའི་སྨོན་ལམ་མཐུ་བཙན་པས༔ བོད་དུ་གདན་དྲངས་བྱོན་ནས་ས་འདུལ་མཛད༔ བརྟན་མ་བཅུ་གཉིས་དགེ་བསྙེན་ཉེར་གཅིག་དང༔ མགུར་ལྷ་བཅུ་གསུམ་ལ་སོགས་གཞི་བདག་རྣམས༔ དམ་བཏགས་གཏེར་གཏད་བྲན་བགྱིས་མནའ་ཐོ་བོར༔ དམ་སྲི་སྤུན་དགུ་ལྷོགས་པ་ཀླུ་ལ་སོགས༔ དམ་བཏགས་སྲོག་སྙིང་ཕུལ་ནས་བཀའ་ལ་ཉན༔བོད་ཡུལ་དཀོན་མཆོག་གསུམ་གྱི་གཞི་མ་བཙུགས༔ ཁྱད་པར་གསང་སྔགས་ཐུན་མིན་སྡེ་རྣམས་གསུངས༔ མུན་ཁང་སྒྲོན་མེ་བཏེག་འདྲའི་བསྟན་པ་དར༔ གངས་བྲག་མཚོ་རི་སྒྲུབ་གནས་བྱིན་གྱིས་བརླབས༔ གྲུབ་རྟགས་མང་པོས་བོད་ཁམས་དད་ཅིང་གུས༔ སྐུ་ཚབ་དུས་བབ་སྤྲུལ་སྐུ་གློ་བུར་འབྱུང༔ གསུང་ཚབ་རིན་ཆེན་གཏེར་རིགས་བཅོ་བརྒྱད་སྦས༔ ཐུགས་ཚབ་དགོངས་པ་ཨ་ཏི་གསང་སྡེ་བཞག༔ ཡེ་ཤེས་མཚོ་རྒྱལ་བཀའ་བསྡུ་གཏེར་སྦས་མཛད༔ རྗེ་འབངས་གྲུབ་ཆེན་ལས་ཅན་བརྗོད་འདས་བྱུང༔ གུ་རུ་རྡོ་རྗེ་གྲོ་ལོད་ཅེས་སུ་གྲགས༔ བོད་ཀྱི་རྒྱལ་པོའི་ཐུགས་དགོངས་རྫོགས་པར་བྱས༔ པདྨའི་རྣམ་ཐར་རིན་ཆེན་ཕྲེང་བ་ལས༔ བོད་ཡུལ་བྱོན་ཚུལ་ལེའུ་གཉིས་པའོ༔ ཨེ་མ་ཧོ༔ དེ་ནས་ལྷོ་ནུབ་སྲིན་པོ་འདུལ་དུ་དགོངས༔ ལྷ་སྲས་ལ་སོགས་དག་པའི་འཁོར་རྣམས་ལ༔ གུང་ཐང་ལ་ཐོག་རིན་ཆེན་ཁྲིར་བཞུགས་ནས༔ རིཊ་དྲུག་གར་སྐྱེས་འཁོར་བའི་སྡུག་བསྔལ་གསུངས༔ བྱིན་རླབས་འཇུག་པ་བླ་མའི་རྣལ་འབྱོར་དང༔ དུས་རྣམས་ཀུན་ཏུ་པདྨ་ང་ཉིད་སྒོམས༔ སྙིང་པོ་གུ་རུ་སིདྡྷི་རྒྱུན་དུ་ཟློས༔ འགྲོ་དྲུག་གང་དུ་སྐྱེས་ཀྱང་ང་ཡིས་འདྲེན༔ དད་པ་ཅན་ལ་གང་དུ་མ་བཞུད་བཞུགས༔ གསོལ་བ་ཐོབ་དང་བྱིན་རླབས་རྟག་ཏུ་འཇུག༔ཅེས་གསུངས་ཤུགས་ལྡན་རྟ་མཆོག་སྤྲིན་སྔོན་སྟེང༔ བདུད་རྩི་སིམ་པའི་ཆར་དང་འཇའ་ཟེར་བཅས༔ མཁའ་འགྲོ་སྡེ་བཞིས་ཆིབས་ཀྱི་རྐང་པ་བཏེགས༔ དཔའ་བོ་སྡེ་བཞིས་རོལ་མོའི་སྒྲ་དང་བཅས༔ རྔ་ཡབ་གླིང་ཕྲན་སྲིན་པོའི་ཡུལ་དུ་གཤེགས༔ པདྨའི་རྣམ་ཐར་རིན་ཆེན་ཕྲེང་བ་ལས༔ སྲིན་པོའི་ཡུལ་བྱོན་ལེའུ་གསུམ་པའོ༔ ཨེ་མ་ཧོ༔ མི་བརྗེད་གཟུངས་ཐོབ་ཡེ་ཤེས་མཚོ་རྒྱལ་དང༔ ལས་ཅན་ལྷ་སྲས་མུ་ཏིག་བཙད་པོ་ཡིས༔ མ་འོངས་རྗེས་འཇུག་རྣམས་ལ་ཕན་པའི་ཕྱིར༔ པདྨའི་རྣམ་ཐར་རིན་ཆེན་ཕྲེང་བ་འདི༔ རྒྱ་མཚོའི་ནང་ནས་ཆུ་ཐིགས་ཉག་ཙམ་བྲིས༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ འབྲེལ་ཚད་ཐར་པའི་ཞིང་དུ་འདྲེན་གྱུར་ཅིག༔ 

ས་མ་ཡཱ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ ཟབ་རྒྱ༔ གུ་ཧྱ༔ དྷ་ཐིམ༔ ཞེས་པའང་རང་སློབ་དམ་པ་རིག་བཟང་གིས་དར་བཅས་བསྐུལ་ངོར། དཔའ་བོ་ཆོས་དབྱིངས་རྡོ་རྗེའི་གཏེར་བྱོན་དག་པར་ཕབ་པའི་ཡི་གེ་པ་ནི་འགྱུར་མེད་ཕྲིན་ལས་ཀྱིས་བགྱིས་པའོ། །དགེའོ།། །།

བྱམས་བརྩེའི་འོད་ཁྱིམ་འཕྲིན་སྟེགས།

ཆོས་རྗེ་འཇིགས་མེད་བླ་མའི་རྣམ་ཐར་རྒྱས་པར་བཀོད་པ་ཞེས་བྱ་བ། |ཆ་ཚང་།

ཆོས་རྗེ་འཇིགས་མེད་བླ་མའི་རྣམ་ཐར་རྒྱས་པར་བཀོད་པ་ཞེས་བྱ་བ། |ཆ་ཚང་།

ང་ཚོ་འགྲོ་བ་མི་ཡིན་པ་དང་སྤྱི་ཚོགས་ལ་བརྟེན་ནས་གནས་ཡོད་པས།   མི་རེ་རེར་སྤྱི་ཚོགས་དང་འགྲོ་མིའི་བདེ་སྐྱིད་ཀྱི་ཆེད་དུ་ཡང་དག་པའི་བྱ་བ་བྱེད་རྒྱུའི་འགན་ཡོད།   གང་ཞེ་ན།   འབྱུང་གྱུར་གྱི་མིའི་རང་གཤིས་བཟང་པོ་ཞི་བདེའི་ཚོར་སྣང་ལྡན་པ་ཞིག་བྱུང་ན་ཚང་མ་ལ་ཁེ་བཟང་ཆེ་བ་སྨོས་མི་དགོས་མོད།  དེའི་ཕྱིར་ངེད་༼བྱམས་བརྩེའི་འོད་ཁྱིམ་༽གྱིས་བརླན་པའི་འཇིག་རྟེན་གསར་པའི་འཕྲིན་སྟེགས་ནང་(དུས་རབས་ཀྱི་ཅོང་བརྡས་)ཞིང་འབྲོག་གཉིད་ལས་སློང་ངེས་ན་འདིར་ཕེབས་པར་དགའ་བསུ་དང་གུས་འདུད་གྲངས་མེད་ཞུ་བཞིན་ཡོད།

གསལ་བཤད།

སྤྱི་སྟེགས་འདིར་རིན་ཐང་ཆེ་བའི་གཏམ་བཤད་དང་། ལོ་རྒྱུས་ངོ་སྤྲོད། གསོ་རིག་ལས་འཕྲོས་པའི་གལ་ཆེའི་འཕྲོད་བསྟེན་ཤེས་བྱ།  ཡུལ་ལུང་གོམས་སྤྱོད་ངོ་སྤྲོད།   ཡུལ་སྐོར་ཟིན་ཐོ། ཡ་མཚར་དངོས་བྱུང་སྐོར། ནང་ཆོས་དང་མཚན་རིག་ལས་འཕྲོས་པའི་ཀུན་སྤྱོད་དང་ལྟ་གྲུབ་སྐོར།  ད་དུང་འཆད་ཁྲིད་གལ་ཆེན་སོགས་འགོད་ཀྱིན་ཡོད་པས་རིན་ཐང་ཅན་རེ་ཡིས་རྒྱབ་སྐྱོར་ཡོང་བར་བཀའ་དྲིན་སྙིང་ནས་ཞུ།

འཕྲིན་སྟེགས་གཙོ་སྐྱོང་པས།

སྤྱི་སྟེགས་སུ་མི་སྒེར་དང་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ།  མྱུར་དུ་ང་ཚོར་འབྲེལ་གཏུགས་གྱིས་དང་དྲྭ་ངོས་ནས་བསུབ་ངེས་ཡིན།

版权为原著所有，著有侵犯到您的权益，请您与我们联系，我们将立即删除

སྤེལ་ཟིན་པ་དག་ལ་གཟིགས་འདོད་ན།⬇️

དྲང་སྲོང་ལུངགི་ཉི་མའི་བཀའ་ཁྲིད་ཀྱི་ཟིན་བྲིས།[ཆ་ཚང་།]འཆད་ཁྲིད་པ། མཁན་པོ་ཁྱབ་བརྡལ།བཀའ་ཁྲིད་ཀྱི་ཟིབྲིས།【ཆ་ཚང་།】