པད་མ འུ་གཉིས་འདི་ཕྱི་གཉིས་རེད།

སྔོན་གླེང་།

     ངའི་མིང་ལ་སྦྱིན་པ་ཟེར།  གེའུ་ཡང་ཟེར།  སྙན་ངག་འབྲི་མཁན་དག་ལ་བག་ཆགས་ཅུང་ཙམ་ཡོད་ཀྱང་སྲིད།   ཡི་གེ་རྣམས་ཐང་མར་བརྡལ་ཚེ་མི་ཉིད་སྐྱིད་པ་དང་མི་སྐྱིད་པ།  མཁའ་རུ་འཕགས་པ།  ས་རུ་བརྡབས་པ།   བར་སྣང་དུ་གཡོ་བ་ལ་སོགས་པའི་ཚོར་བ་འབྱུང་།    ང་ཡང་རང་ཚོད་ཀྱིས་མི་ཡི་གཟུགས་ཤིག་ཡིན་སྣང་སྐྱེ།   འཁྲུལ་བ་ཡིན་ནམ་ཅི་ཆ།  ད་ནས་ངས་ཁྱེད་ཅག་ལ་ཡི་གེ་འབྲི་འདང་ཡིན།  སྙན་ངག་ཡིན་ནམ་ཅི་ཆ།

             གློག་བརྙན༼གསའ༽རྒྱལ་ཡོངས་སུ་གཏོང་རན་ཁར་སྙན་ངག་ཅིག་འབྲི་འདོད་སྐྱེས།

གསའ་བསླེབས་པ་དང་མཉམ་དུ

མི་མང་བོ་རྡོག་ཐོན་བརྒྱབ་བྱུང

མདུན་གྱི་མཚོ་ཆུང་ནོར་བུ་རང་འབྱུང་ལས

ཉ་རྣམས་མཁའ་རུ་རྩེན་སོང

འདི་རུ་ཆག་ཆེ་ཉམས་ང་བཟློག་ཏུ་མེད

མིའི་ལས་དབང་གི་སྐྱ་ལམ་རིང་མོ

ས་འདི་ནས་བསྲིངས་ཏེ་ཕར་ཀའི་གད་པ་སྐྱ་བོ་རུ་འཐེན

མི་རྣམས་གཉིད་རྗེས

བས་མཐའ་འདི་རུ་སྐར་མ་འདར་འདར་འགུལ་བྱུང

ངའི་ཕོར་བའི་ནང་གི་ཁ་ཧྥེ་འཁྱག་པ་རྡོ་རུ་གྱུར

ཀློག་གིན་པའི་སྒྲུང་གི་མི་སྣ་འཆི་བར་གདོང་ཐུག་བྱས

ངས་ནི་ཁྱོད་ཀྱང་ལོ་གཉིས་ཀྱི་རྗེས་སུ

ཤི་འཕོས་གྱུར་ཏེ་ང་ཚོ་བཞག་ནས་བུད་འགྲོ་འདང་མ་བྱས

ཡོད་ཚད་མི་རྟག་པ་འདིས་མི་ཉིད་སྡོད་བཟོད་མེད་པ་བཟོས

ངས་གསའ་འདི་གཏོང་འདང་ཡོད་ཀྱང

སྙིང་ནད་བརྩད་ནས་ཚར་བ་མེད་ཀྱང

ཞེ་སྤོ་གཏིང་ནས་ལངས་པར་སེམས་གསོ་མཛོད་དང

མི་སེམས་ཆུ་རུ་ཟགས་ཏེ

ལྷུང་ལྷུང་རྒྱ་མཚོར་བབས་འགྲོ་ཨང  སྙིང་ཉེ་བ་དག   

དམག་འཁྲུག་མཚམས་ཞོག་དང

མདེའུར་ཟད་པ་མེད་ཀྱང

ངུ་སྐད་དམའ་བར་མཛོད་དང

ཞེ་འདང་རི་མོ་གསལ་ཡང

གསའ   ག་བར་ཕྱིན་ན་ཡང

ང་ཡི་ཁྱིམ་མཚེས་རེད་དོ

2024.4.1པེ་ཅིང་ནས་བྲིས།