惠英红从俾人笑“乞衣妹”到成为三届影后，她做的只为“脱贫”
惠英红凭借《幸运是我》中“芬姨”一角获得第36届香港金像奖最佳女主角，讲获奖心情嘅时候有住对阿妈嘅愧疚同惋惜。
我拍呢部戏喺因为我妈妈，我妈妈是有十几年的老人痴呆。我希望俾我妈妈知道，我冇丢佢架，我妈妈啱走咗几个月，我第一次得奖，我爸爸走咗，我好希望有屋企人同我分享，我真喺好希望妈妈可以亲口同我说一句，以我为荣！
”幸运係我、係你，遇到了彼此。
一个逐渐失去记忆嘅孤寡老人，遇上一个无家可归嘅暴戾青年，係幸运嘅开始。
有时陌生人，比凉薄嘅血亲更加适合做你嘅亲人，惠英红同陈家乐之间，冇“我照顾你一世”、“我会对你好好”嘅豪言壮语，只有肩并肩一齐行、好好哋染一次头发、早餐煎好蛋冲好茶嘅生活小细节，好似身边都经常发生嘅小事，令人感到温暖真实。
后悔当年冇早D发现妈妈有老人痴呆呢个病，后悔当年对妈妈嘅不耐烦、不理解，后悔错过咗陪伴妈妈嘅最佳时光，亲口讲声“对唔住”。
因为曾经经历，所以演得真实。电影最后“芳姨”对住画释然一笑，生活继续，在身边，已经足够。
惠英红喺荧幕前演咩都“入形入格”，喺金像奖第三次攞奖依然激动落泪，因为佢话“我嘅一生，喺人哋嘅两世。”
原来风光无限嘅影后背后，有一段鲜为人知嘅坎坷人生。
1
坎坷人生路
惠英红喺满洲正黄旗人，山东名门望族，原本含住金锁匙出世嘅公主命碰上家族被清算，父亲带住妻妾同8个仔女偷渡到香港，后来父亲沉迷赌博，成副身家冇晒，一家人住喺山区木屋。
当惠英红3岁嘅时候，母亲就带住细路去酒楼拣剩饭剩菜食，住铜锣湾大楼楼梯底，向美国水兵兜售1毫纸嘅香口胶、喺街上乞讨维持生计。
10岁之前，惠英红一直混迹喺铜锣湾贫民窟同湾仔红灯区，见嘅嘢多咗令佢好快有成熟思想，佢唔想再俾人话喺“乞衣女”，但60年代嘅香港，所有人都喺穷嘅，冇学识冇家底唯一能发围嘅喺进入电影圈。
所以惠英红12岁就入咗一间夜总会做舞女，因为果度成日有人俾星探发掘做明星，而学舞学咗9个月惠英红去过美国、丹麦、澳洲表演，一跳就喺两年几，直到一日，佢俾导演张彻发掘，入行拍武打片。
2
唔怕死“打”出星路
80年代，喺香港武侠片最辉煌嘅时代。可以打嘅男演员好多，但喺肯挨打嘅女演员就少之又少。
惠英红第一部戏就喺邵氏出品的金庸剧《射雕英雄传》，出演女二号穆念慈的角色。
可以攞到呢嘅机会，只係因为佢肯挨打，以前嘅武打片全部都係真打，好多女演员俾人打咗一拳之后觉得太痛就放弃咗，得惠英红可以坚持，因为佢知道想令屋企过得好D，就只有呢一条路，捱唔过就无机会的了。
呢种坚持令惠英红喺《烂头何》做到第一女主角，同刘家辉对戏，有一场戏打到一半，佢跑咗出去呕，呕完继续再拍，大概打咗40几拳，只有好似ipad咁薄嘅剧本垫咗下肚，收工翻去都係片体鳞伤。
拍《八宝奇兵》时要求演员从16楼跳落去，替身吓到辞演，只好惠英红亲自上阵，落地时成个背部擦伤，血流不止。
之后惠英红签约邵氏，刘家良成为佢嘅伯乐。1982年，惠英红急性盲肠炎做完手术，拆线嘅第八日，就赶翻去片场拍《长辈》，正係呢部戏，令佢获得首届香港金像奖最佳女主角，当时嘅惠英红先22岁。
但果阵时，惠英红仲攞紧每个月500蚊嘅工资，同以前做舞女相比，少咗成千蚊，做唔到“脱贫”，屋企人都极度反对，但惠英红坚信拍戏先喺最好嘅出路。
3
攞奖衰三年
从来香港金像奖都有个魔咒，就喺影帝影后攞完衰三年，咁究竟攞奖喺喜喺悲？
攞到第一个金像奖，惠英红并冇太大感觉，反而心霖“如果个奖喺金做嘅就好了”。刘家良导演知道惠英红家境唔好，多番争取先可以将佢每月500提升到每部戏5万薪酬。
虽然成为咗“香港最红”、“第一打女”，每部戏都喺当时最卖座嘅，但喺惠英红并唔想标签自己，曾经自荐过做《靓妹仔》嘅坏女学生、做《男与女》嘅露点角色，但喺都俾公司拒绝。
公司唔愿意俾佢转型，因为惠英红打女形象太深入民心，既有大女人的英气逼人，又有小女人的娇羞妩媚，但喺却令所有人忽略佢嘅美貌。
24岁嘅惠英红同22岁嘅关之琳企埋一齐，气质样貌毫不逊色。
90年代，新浪潮导演进入香港，文艺片、爱情片崛起，武打片几乎消失晒，令转型失败嘅惠英红一夜之间无人问津。
长期嘅男装打扮，成日打打杀杀搞到周身伤，无人相信惠英红可以拍好“文片”，搵佢嘅导演都係叫佢演D三四线角色，甚至做人阿妈，拜托，果时佢30岁都未有！
狗急跳墙，惠英红唔理公司反对，放手一搏影咗一辑性感裸露嘅三级写真，轰动一时，但并冇为佢带嚟更好嘅片约。
90年代末期果几年成为惠英红人生中的惨淡期，由于强大嘅心理落差，佢得咗抑郁症。
果段时间，惠英红封闭自己，拒绝见人，甚至一度食安眠药自杀，好彩阿妈同妹及早发现，救咗佢一命。
我有钱有楼，乜都有，就喺冇咗地位喈，我可以自己再争取啊！既然上天今次唔收我，咁我就积极生存落去。
”4
一切从低做起
既然选择继续活下去，能救赎自身嘅就只有自己。
惠英红攞出当年做打女嘅毅力，开始喺香港中文大学报班上课，学英文，睇心理医生，仲考到治疗情绪病的牌照，做咗九个月嘅情绪病医师。
2003年惠英红重新低调进入娱乐圈，除咗继续参演电影三四线角色，仲加入TVB打开戏路，塑造咗好多经典角色令观众记住咗佢，更加有份提名第13届万千星辉颁奖典礼“最佳女配角”。
1997年，同关咏荷合作《苗翠花》，饰演又耿直武功又好的三姨太。
吴启华版《倚天屠龙记》嘅灭绝师太。
《宫心计》中俾人虾嘅谭司膳。
《搜神传》好彩妹的妈妈。
心态调整好，惠英红努力做好黄金配角，更放下架子打电话俾以前嘅朋友，争取拍电影机会，只要喺有意义嘅角色，就算要佢做茄哩啡都来者不拒。
2002年，许鞍华筹拍《幽灵人间》，一个母亲嘅角色搵到惠英红，惠英红即刻应承，虽然只係一个鬼片小角色，但喺令惠英红重回大银幕，拓展戏路。
《无间道2》中吴镇宇家姐，佢最经典嘅台词喺“出嚟行始终都要还嘅”。
《江湖》入面饰演演刘德华妈妈，通过一个长镜头，证明佢都可以演绎有深度的角色。
5
重回人生巅峰
惠英红等咗7年，做咗7年配角，2009年，终于俾佢等到一个做主角嘅机会。
《心魔》，一部小成本电影，佢饰演一个对个仔占有欲极强的单亲妈妈。
2010年香港金像奖颁奖之前，惠英红食咗镇静剂，防止先天心脏病发作。终于，佢第二次攞到影后殊荣。
第二次，佢终于知道攞奖嘅意义，领奖时佢泣不成声，终于有人知道佢识演戏了。
我好渴望攞呢个奖，28年了，我风光咗十几年，跟住唔知点解会跌到谷底，唔知点解冇人找我，唔怕丢架同你哋讲，我真係试过放弃生命，但喺我宜家好有信心，我喺属于电影嘅！
”今次攞完奖之后，对惠英红嘅生活轨迹并冇改变好多，接片完全遵从内心，演好戏喺她不变嘅标准，只要剧本好，零片酬佢都愿意。
2011年，为咗可以喺一部电视剧中出演武则天，她不惜自降片酬。
2014年，麦浚龙拍摄《僵尸》致敬经典，邀请惠英红演配角，因此获得金像奖最佳女配角。
曾经讲咗唔再拍武打片，但仲係接拍咗一部《Mrs.K》，因为导演喺《心魔》嘅导演，佢要感恩，结果拍戏过程中俾任达华踢伤胸骨。
到《幸运是我》嘅第三次获得影后，惠英红三次提名三次获奖，中奖率百分百，佢非常珍惜、感恩宜家嘅状态。
6
孤身一人
惠英红宜家已经57岁了，依然同妹妹相依为命。
喺码头卖香口胶嘅时候，有个混血水兵，好靓仔先十八、九岁，日日帮我买香口胶。佢去越南打仗的前一晚，问我‘I love you’中文点讲，我教佢，佢就同我讲：‘我——爱——你。如果有一日佢翻嚟，我一定要佢再讲多次。
”呢段未发生嘅青涩爱慕，一直喺佢心中萦绕，支撑住佢对爱情嘅信心。
直至佢开始咗另一段感情...
惠英红承认嘅恋情中有一位富豪嘅仔，但因为男友得知佢拍过裸露写真之后拒绝惠英红同自己好友食饭，令佢果断选择分手。
另一位喺相差七年的黄子扬，姊弟恋交往两年，依然未能开花结果。
虽然感情唏嘘不已，但喺佢依然觉得爱情入面应该保持自我，喺就喺，唔喺就唔喺，佢想托付一生，但唔愿意随便将自己拱手相让。
我经历过20岁嘅风华正茂，30岁的落魄流离，50岁嘅我，仍能再获成功，呢一切都喺上天最好的安排。60岁嘅自己，作为女人，我有自信，可以一直优雅老去。每个人，都是一个传奇。
”传奇嘅人生，佢从未真正放弃，上帝关咗你嘅门，但佢会开翻一扇窗俾你，你就喺你自己嘅幸运。
和长颈鹿吃早餐、看着极光入睡，人生目标之一就是把这些酒店都睡了！
食完进口牛肉回顾翻香港金像奖！林家栋挨足16年终于拿到影帝！
关注沛德福牛扒家宴
更多搞笑、正能量视频 、特价好福利
陆续有黎！