【有声】听吴语话聊斋—《宦娘》,别样的感动|吴语公众号
吴语区全图
什么是吴语？吴语是一门历史悠久的语言，通行于上海、浙江、江苏南部、皖东南+赣东北边界。其中上海、浙江北部大部分、江苏南部大部分，同属吴语最大的一个分片：吴语太湖片。（图上所有泛蓝色地区）。包括了苏州话、上海话、宁波话、常州话、绍兴话、无锡话等一系列子方言。
吴语公众号已经开通了评论和赞赏功能。如果您有想说的，可以在本文最下方评论哦。如果您喜欢，可以点本页最下方的"喜欢作者"并且点右上角分享本文到朋友圈
吴语话聊斋
《宦娘》别样生嗰感动
文、读、音频制作： 岑然周
下方文本有吴语文版和国语文版。国语文版在吴语文版下方。
吴语文本
（本段吴语文对应上头录音内容全文，使用吴语上海闲话之规范书面语书写）
上海闲话讲聊斋：别样生嗰感动
《宦娘》，宦娘搭齐天大圣嗰内心独白
聊斋，多数朋友应该听了弗要听看了弗要看了。作为一个上海人，我想从自家角度，面皮老老用上海闲话再搭大家拿聊斋讲一讲。先打声招呼，我看聊斋嗰角度有眼“少有出见”：我嗰人生煞就搭东方神秘主义传统搭西方现代灵学一套物事、就像上海江南延续数千年嗰“关亡（通灵降神上海江南叫法）”老啥传统来得嗰有数（关系亲密），高老：聊斋写出来嗰灵异世界鬼狐故事，我也是当成功真实灵异事件记录而弗是啥虚构神话故事看嗰。有种朋友要讲来：派派也读过书嗰，哪能介迷信介无知无识法子？我只好讲：“迷信”嗰灵异世界，是世界少弗脱嗰一块，弗关侬信菩萨信耶稣信科学信马克思……箇另外嗰世界存在一眼没还价嗰事实侬揩弗脱嗰。经常性会得有朋友拿孔老先生掮出来：啥怪力乱神弗要讲老……孔老先生顶买账啥人？周公，周公多少“迷信”法子？：通过孔老先生自家手传下来嗰《尚书》老啥周朝资料讲了再清爽没了……实质哴，探讨另外嗰世界连得孔老先生也弗排斥嗰，只不过老先生实实无啥精神好好叫探讨了。
我解读聊斋每一篇侪从“真实灵异事件”嗰总经出发、经常性会得借题发挥、搭界着（关联到）其他古今中外灵异事件、故事、理论研究老啥……望伊好畀大家一个无没好叫信仰嗰、迷信灵异嗰上海人眼睛里看出来嗰活生生嗰聊斋世界。
箇么啥道理用“别样生嗰感动”只台头、外加还什出来嗰齐天大圣乃？先摆记噱头，大家先听 《宦娘》
温如春，陕西大人家出来嗰。从小欢喜弹琴，欢喜得来性命一样，连得出远门也掼弗脱只琴要身边带牢是。有趟伊山西去，经过只老古时代嗰庙，就拿马庙门口头缚好，自家暂时性庙里落落脚。一进门，看到庙里有个着布衫嗰道士，两只脚绞花，隔弄地哴坐嘞，墙头哴隑嘞根竹头拐杖，块花布头里裹了只琴。箇记碰着个讲得来嗰了，温如春上去就问：“箇位师傅也蛮会得弹琴嗰伐？”。道士讲：“弹了弗老鬼，想寻个弹了好嗰再学学”。乃么就布头解开来拿琴畀温如春看，温如春一看：琴身木头纹理头挑一级，随手一弹，声音清爽得来吓坏人。乃是开心煞了，豪稍弹了只短曲子畀道士听。道士笑笑，像煞觉着弹了弗哪能，乃么温如春只好一家一当本事统统拿出来再弹畀道士听。道士笑眯眯讲：“蛮好蛮好，不过做我师傅么还嫩了眼”。温如春想侬掼我啥浪头？侬弹只看看叫！乃么调转来请道士弹琴。道士琴接过来脚馒头哴摆好，刚刚弹了一记，就觉着春风一阵阵吹得来；又过脱歇，楞千上百种鸟一群群飞得来，庭子里一棵棵树哴侪停足势盈。温如春呆脱了，豪稍拜师傅。道士又弹了三遍，温如春耳朵竖起用心听，稍微学会了眼节奏。道士让伊学了弹弹看，一头弹一头指导，弹发弹发，道士讲：“像侬箇歇弹嗰，天下世界已经没人好抓出侬嗰了”。温如春乃么开始一门心思练琴，弗多工夫就练成功了道士教嗰琴技。
山西回来路哴，温如春走到离屋里还有筛（数）十里路快辰光，天一记头暗下来落阵头雨了，想寻只地方迓一迓也寻弗着。温如春看到路边头有只小村庄，豪稍奔过去，正好有家人家门开嘞头，伊也没来得及仔细看，就来煞弗及冲进去。进到客堂间，一看里向没人。过脱歇，跑出来个小姑娘，岁数十七八岁横里，样子生了像煞神仙一样，一抬头看到温如春，吓了逃进去了。温如春箇辰光老婆还没讨，乃么看相人家小姑娘来。又过脱歇，一个老太跑出来搭温如春打招呼，温如春讲清爽自家名字来路，求老太让伊住一夜到。老太讲：“住一夜到是弗碍嗰，就是屋里床铺少着眼，假使先生弗嫌鄙地哴龌龊，好摊眼稻杂困嘞地哴”。弗多歇工夫，老太蜡烛拿得来，稻杂透开来地哴摊好，巴结了弗得了。温如春问老太姓啥？老太回头伊“姓赵”。伊又问老太：“刚刚嗰小姑娘是侬啥人？”，老太讲：“伊叫宦娘，是我老太婆嗰侄囡”。温如春豪稍讲上去：“贸贸然问一声弗要见怪，我也还没成家，侬看是弗是好亻那（你们）侄囡嫁畀了我？”。老太眉头一皱讲：“弗好意思箇桩事体实实没办法答应侬”。温如春心弗死盯牢老太问为啥道理，老太回来回去就是回头伊句讲弗清爽无啥多问头，看看实在没花头了温如春只好算数，弗盯牢老太了。等到老太进去，温如春看到地哴稻杂烂糟糟湿搭搭，根本困弗得，只好一家头坐嘞头弹琴，解解厌气。弹脱歇雨弗落了，外头天还没亮伊就急了回去了。
温如春住嗰地方有个退下来嗰部长葛老爷，老先生欢喜结交文人。温如春有趟正好去拜访伊，老爷老早晓得温如春琴弹了一级，就喊伊弹琴，弹嗰辰光，温如春看到门厅帘子后头像煞迓嘞个女嗰，大概葛家屋里向人，嘞偷听伊弹琴。箇辰光突然吹得来阵风拿帘子吹开来了，温如春一看帘子后头立了一个十六七岁嗰小姑娘，弹眼落睛登样了吓坏人。原来小姑娘是葛老爷囡儿，小名叫良工，诗词文章写了来得嗰好，卖相也好得来出名。乃好来，温如春又看相人家了，豪稍转去搭娘商量，要请媒人上门求亲……
阿拉停一停好伐：交关女性朋友屏弗牢来要发调头来：亻那（你们）看看叫诺男人是物事伐？！，只温如春前头刚刚看相人家宦娘硬劲要讨伊，别转屁股一看人家良工好看，好来老早拿宦娘忘记得来清清爽爽，一门心思又要讨良工来……虽然讲我自家作为一个男嗰，不过对女性朋友介到位嗰分析，也只好统统吃进：咸，男人是弗是物事，箇啥人叫天老爷让男人生煞脱就是箇幅吞头势乃？箇哪能办法子乃？从古代到今朝，一代代男人对箇点传统倒真嗰一眼心没变脱过来得专一……
好来无轨电车弗要开了，再回转来伐：想葛家做侬亲家啊，曷里搭介便当？人家葛家一看温家老早败落了，介推板条件，一口就回头脱了，乃么温如春又弗着杠。但是东头弗亮西头亮：良工小姑娘自从伊日听了温如春弹琴，魂灵头就弗嘞身哴跟牢温如春跑脱了，心心念念就想再听伊弹琴。温如春乃，因为求亲又弗着杠，挖塞了弗得了，也无啥心向再上葛家门去了。
一日天，良工花园里散步，拾着张旧嗰信纸，上头写了首《惜余春》词：“因恨成痴，转思作想，日日为情颠倒。海棠带醉，杨柳伤春，同是一般怀抱。甚得新愁旧愁，刬尽还生，便如青草。自别离，只在奈何天里，度将昏晓。今日嗰蹙损春山，望穿秋水，道弃已拚弃了！芳衾妒梦，玉漏惊魂，要睡何能睡好？漫说长宵似年，侬视一年，比更犹少：过三更已是三年，更有何人不老！”。良工横读竖读读了筛（数）四遍，欢喜得了弗得了，生怕畀爷看着，豪稍亢了胸口头袋袋里，亢到自家房间里再摸出来，道道地地嗰抄了一遍，抄好台子哴摆嘞，人跑开了，过脱歇再回来发觉抄好张纸头没了，随便哪能寻弗着，良工想要么是畀风吹脱了。箇辰光眼眼调葛老爷从伊房间门口头跑过，看到地哴有张纸头，就是良工刚刚抄嗰篇物事。老爷拾起来一读推板眼昏过去，要死哪能写了介下作法子，但介好文笔除脱良工还有啥人写的出来？乃么豪稍纸头烧脱，桩事体没搭任何人讲，生怕畀人家晓得，坍自家囡儿招势。伊一想囡儿多数是写畀了温如春嗰，急了：再弗拿良工嫁脱，慢叫囡儿自说自话跟牢只瘪三跑脱乃闯穷祸了
巧也巧，隔壁头镇哴有个地方官姓刘，有个儿子还没结婚，老早听到过良工名气，就上葛家门来搭儿子求亲。箇记葛老爷来得正好，豪稍拿囡儿寻只好人家嫁嫁脱太平。不过答应刘家前头，还是想先看看叫刘家少爷人哪能？乃么刘家少爷就上门了，葛老爷一看人家刘家拉少爷衣裳着了挺刮弗讲、人又清秀卖相又好，弗晓得掼温如春几十条横马路了，乃是焐心煞脱了，横招呼竖招待，热情了弗得了。万万没想着等到刘家少爷跑脱以后，发觉伊刚刚坐只座位下头竟然有只女人绣花鞋子！乃葛老爷一记头跳起来了：想侬只花花公子实实贼大胆竟敢带了外头弗二弗三女人嗰鞋子上门来求亲！亻那（你们）刘家门忒瞎来来了伐！拿囡儿嫁畀亻那（你们）要么我眼乌珠瞎脱了！豪稍就让媒人刘家去亲事回头脱。刘家拉儿子么穷喊冤枉，讲根本就弗晓得有啥女人鞋子佬，也从来没外头七搭八搭啥女人过。葛老爷哪能会得相信伊乃，坚决搭刘家断交断脱。
讲到箇搭，大家就发觉事体开始蹊跷来：哪能眼眼调就嘞良工搭温如春事体刚刚黄脱嗰“敏感时期”，会得畀良工嘞自家屋里拾着箇篇弗晓得啥人写嗰《惜余春》，外加刚刚抄好《惜余春》张纸头眼眼调又会得畀葛老爷拾着，介巧法子？更加有劲嗰是人家刘家少爷脑子再没，上门求亲哪能会得带只女人鞋子嘞身哴，还神志糊知落嘞位子哴？疑问肚皮里先摆嘞，阿拉讲下去。
先头，葛家种了一种绿颜色嗰菊花，稀奇了弗得了，葛家当宝货一样从来弗肯畀外头人带出去嗰。后头良工拿绿菊花种到自家房间里。怪来，就嘞同时辰光，温如春屋里园子里两朵菊花突然之间也变绿了。朋友拉听到温如春屋里有绿菊花，侪过来看西洋镜。弗要讲得温如春也宝贝绿菊花宝贝的来弗得了。一日早哴，温如春园子里去看菊花，嘞花坛边头拾着张信纸，上头写嗰就是《惜余春》，伊反复读了两遍，吃弗准信纸到底何里头来嗰。外加《惜余春》搭自家名字里正好侪有个春，温如春更加觉着蹊跷，但伊也老欢喜箇篇《惜余春》，就摆嘞自家台子哴，嘞边哴写了交关评论感想，写的来蛮弗入调嗰。眼眼调碰着眼眼调，箇辰光葛老爷因为听到温家菊花也变绿了，随便哪能弗相信，就自家冲到温如春屋里想来拆穿西洋镜，正好看到书房间里温如春坐嘞台子门前嘞看封信，葛老爷就弗声弗响跑到温如春背后头，拿过来信就看。温如春当啥人寻伊开心来，别转头一看魂灵头推板眼吓脱，要死快来葛老爷空降下来啊？刚刚自家写嗰介弗二弗三评语畀只老头子看到还了得啊？豪稍抢过来纸头揉碎脱。葛老爷就读着一两句，但也有数目了，就是前头良工门口头拾着嗰箇篇《惜余春》，乃伊是更加吃准了：《惜余春》就是囡儿写畀温如春嗰、绿菊嗰种也是伊偷偷叫送畀温如春嗰！只小姑娘昏脱了！葛老爷也弗去关温如春了，要紧转去关照老太婆，喊老太婆逼牢良工交代，良工随便哪能弗承认，讲再逼我就死畀亻那（你们）看。夫妻两家头想想也是：又没人亲眼看到，也弗好吃牢讲自家就一眼没搞错脱？不过小姑娘箇能介下去也弗是生意经，早晏点事体穿帮人家侪晓得。葛太太横考虑竖考虑，讲：老头子要么只好箇能介了：索介将计就计，拿良工嫁畀温如春算了，囡儿吃煞脱箇只小赤佬，就是阿拉硬劲拦牢也没用场，慢叫小姑娘作死作活真嗰拿条命作脱，乃阿拉两家头跳黄浦去啊？葛老爷想想道理也有，算了，一塌刮子一个囡儿，欢喜嫁畀啥人，随便伊去了。夜长梦多，豪稍托人带闲话畀温如春：今朝阿拉两家门敲定婚事。
讲到箇搭，乃估计大家肚皮里疑问屏弗牢了：哪能侪会得介巧法子：葛家有绿菊花，温家菊花就也变绿了？良工自家花园里拾着《惜余春》、温如春就也会得自家花园里拾着《惜余春》，外加正好温如春名字里还有个“春”？两家头拾着嗰《惜余春》又侪畀葛老爷撞着？。。。。。。专门眼眼调碰着眼眼调，也忒眼眼调了伐？要么是天老爷安排好嗰巧合，要么就是有人存心制造“巧合”，外加所有眼“巧合”像煞就是为老促成末脚良工温如春嗰姻缘。箇么到底是天老爷安排还是有人从中促成乃？好了，谜底就要拆穿快了。
一听葛家讲今朝敲定婚事，乃温如春开心得来下巴也落脱快了，真真叫做梦也想弗着介好事体。当日天，温家急弗煞就酒水摆起来了，请亲眷朋友拉上门来吃酒水赏绿菊，又烧香是又弹琴，闹猛煞了，一直搞到成更半夜再歇角。等到大家侪困觉去了，书童突然听到书房里温如春只琴响起来了，上来书童当是是屋里向佣人老啥嘞寻开心弹白相，跑到书房门口头一看，书房间里除脱只琴根本就没人，自家嘞响，乃吓煞了，晓得只琴多数弗是人嘞弹，豪稍奔的去关照东家。温如春么当是书童胆子小夜里又看弗清爽，高老嘞大惊小怪。乃么自家跑到书房间门口头一看，呀？只琴真嗰自家嘞响伊讲！伊仔细一听，发觉发出来琴声是嘞模仿自家弹过嗰曲子，但是又学弗像，弹得来咯咯楞楞嗰。哪能桩事体？到底是啥人迓嘞房间里学琴还是哪能？温如春迓迓叫蜡烛点烊，一记头冲进去，拿只房间照了程程亮，一看房间里清清爽爽：弗要讲人来赤佬也没一个。乃么温如春只好拿只琴闶脱，好了太平弗响了。温如春肚皮里想多数是啥狐狸精嘞作怪，蛮吓老老嗰。但又想想连得狐狸精也介诚心想跟牢自家学琴，说明弗要讲阳间了，连的阴间也晓得我只琴弹了哪能了，骨头又轻了。乃么开始每日天照牌头一到夜快，候牢狐狸精来，就嘻格格弹只曲子畀狐狸精听，弹好仔，只琴存心留了书房间里挺畀狐狸精练，自家迓嘞外头听伊弹。咸侬弗要讲，箇能狐狸精学了来的快，到第六第七嗰夜快，弹了已经交关像腔，就是温如春作为师傅也觉着好听听了。狐狸精教出师，温如春也蛮焐心嗰，不过大事体还没了脱，良工还没讨进门，总归心吊吊。
心横吊竖吊总算吊到了婚礼箇一日，温如春照牢规矩上葛家门，拿良工接回温家，新娘子再也跑弗脱了，乃算心定了。乃么两家头开始讲起来前头一连串怪事体了，一碰么好来，两家头更加看出来了：假使弗是发生箇一连串巧合，阿拉弗要讲要婚结成功来，根本连只头也碰弗着，哪能会得介巧？要么天老爷相帮要么啥人嘞暗相帮阿拉，箇到底天老爷还是啥人乃？！温如春想起来狐狸精每夜来学琴嗰事体就告诉良工，良工就等到狐狸精又来学琴辰光，也去迓嘞外头听，一听就搭温如春讲：“弗是狐狸精，因为伊弹出来只调头凄惨得来，像箇种只有鬼再弹的出来”。温如春嘴巴哴弗讲，良工刚刚讨进门，肚皮里想侬女人又弗领市面懂啥物事，狐狸精么狐狸精来，赤佬会的弹琴啊。良工轧出苗头有数目温如春弗买伊账，就搭温如春讲：自家娘家传下来面古镜，灵光了吓坏人，弗关侬鬼赤佬狐狸精一照就清清爽爽。第二日天，良工派人娘家箇面古镜拿得来，候牢只琴又开始响嗰辰光，掮了镜子搭蜡烛冲进房间，一照，真嗰有个女嗰嘞房间里，畀面镜子吓的来穷迓，实在没地方好迓了只好退嘞角落头。温如春仔细一看：咦，箇女嗰弗是上趟路哴避雨箇家赵家嗰宦娘吗？一记头吃弗准了，啥路道啊？乃么就逼牢宦娘穷问伊。宦娘哭出污拉讲：“我搭亻那（你们）两家头做媒人，总归弗是害亻那（你们）伐，啥体要箇能介逼我法子乃？”。媒人？箇闲话哪能更加听弗懂了啦？乃好来弗是温如春了，连得各位耐性听到此地嗰朋友也侪弗肯放宦娘过门了，今朝是板要伊讲讲清爽了，到底哪能桩事体？！温如春一看镜子照牢仔宦娘吓的来根本没办法好叫讲闲话，就一头让良工镜子先摆脱，一头搭宦娘讲好：镜子摆脱可以，但侬也弗许再迓起来。宦娘也肯嗰，良工就用块布头拿镜子裹起来了。宦娘坐嘞远开夫妻两家头什什远，嗲悠悠开始讲起来：
慢，先停一停，大家注意到箇只细节了伐：啥道理宦娘要坐嘞远开夫妻两家头什什远，是看到镜子吓？弗是，镜子已经盖牢摆脱了，离了近老远牢侪弗碍着啥。是生怕夫妻两家头阳气忒足伤着伊自家鬼身阴气？咸，接近了，就是齐巧反脱了：是宦娘生怕自家阴气伤着夫妻两家头！“赤佬会的介好人啊！”，有种朋友跳出来要问了。好，阿拉马上听宦娘讲，到底赤佬会的介好人伐？
“其实我活嘞海辰光是一个太守嗰囡儿，十几岁还没来得及嫁人就生毛病死脱了，从我死脱到乃已经一百年快了。我小辰光就欢喜弹琴弹古筝，古筝是已经弹了蛮老鬼了，就是只琴弹了弗哪能也一直没拜着师傅好叫学学伊，直到死脱地下头去了，还是觉着遗憾弗过，心心念念想学琴。没想到伊日子温公子侬避雨正好避到阿拉屋里……
再停一停，“阿拉屋里”？，又有朋友听弗懂来。古代文言文写文章嗰，就像蒲老先生，字用起来侪“刮皮”弗过：多用一个字也弗肯，高老也就导致：聊斋里交关要紧嗰细节问题侪省脱没交代。哪能办乃只好我来搭蒲老先生一只只洞补伐：大家应该也有眼数目了：宦娘、赵家老太侪是死脱嗰鬼，但死脱嘞阴间里也要过日脚也要做人家侪跟牢阳间一套，就像经常性有得人讲阳间文化大革命，阴间一道跟牢触霉头，听听戏话，眼眼调是事实。赵家老太就拿宦娘当自家囡儿一直照顾。所谓屋里是变戏法变出来嗰，一般性侪是借埋了自家尸骨嗰坟变出来嗰，像《婴宁》里也是箇能，当然咾变戏法方面鬼到底要比人笳（强）交关。温如春实质哴是嘞赵家老太嗰坟里避了一夜雨。
阿拉再让宦娘讲下去伐：……伊日夜里侬弹了一夜天琴，我听了一夜天，我从来没听着过介好听嗰琴声，魂一记头就畀侬勾得去对侬动心了，外加听到侬对老娘讲也看中我了还想求亲，更加一门心思想嫁畀侬了。但再一想自家已经死脱是鬼了，哪能嫁畀侬活人乃？老娘也晓得根本弗现实嗰事体，高老伊回头侬……
弗好意思又要打断宦娘了，还是有只问题板要讲讲：只要对比聊斋“鬼新娘子”题材各篇就会得发觉：聊斋里有种鬼新娘子像聂小倩直接嫁畀人一眼问题也没，还好养小囡。有种鬼新娘子像小谢先要投人生变人再好嫁畀人。有种鬼新娘子乃像伍秋月自家肉身复活嫁畀人。顶罪过种鬼新娘子就像宦娘，没办法嫁畀人。啥道理吃弗准来？鬼分好嫁畀人弗好嫁畀人两种？还是哪能……？箇只问题聊斋从头到末脚，蒲老先生一个字也没解释过！要么古代箇是种常识？但像阿拉畀科学汏过脑子嗰现代人就山东人吃麦冻一懂弗懂了，洞我也没本事补了。
好了豪稍听宦娘继续讲：……没办法嫁畀侬，我还是想为侬做眼啥，报答侬对我嗰一片真情（女性朋友又要跳出来来：“帮帮忙哦，别转屁股就欢喜人家去了，还一片真情伊讲……”，好了好了，辰光来弗及了，就当一片真情算来）。看到侬搭良工相互之间侪蛮有意思嗰，就动脑筋随便哪能要成全亻那（你们），箇一连串巧合：刘家少爷座位下头嗰女人鞋子、亻那（你们）两家头拾着《惜余春》、葛老爷嘞良工门口头拾着《惜余春》、温家院子里绿菊花，侪是我安排好嗰，《惜余春》也是我写嗰（弗得了，介挺刮只笔头，良工想我只好买账呀）。乃亻那（你们）侪清爽了，我箇能报答温公子侬嗰老师，应该讲也算得卖力了伐”。夫妻两家头听伊讲好么，感激是感激来也弗晓得讲啥好了，只有横嗰谢谢竖嗰谢谢穷谢宦娘嗰媒人恩人。宦娘对温如春讲：“侬弹琴嗰工夫，我已经学到一半了，但还没领会透里向嗰神韵搭妙理，请侬为我再弹一曲好伐？”。温如春就照伊嗰请求又弹了一曲，弹好又耐心嗰指导宦娘每一只技法、要点。宦娘多少聪明，一教就会，开心来西讲：“我已经侪学会了”，乃么就立起身来要告辞跑了。良工喊牢伊，讲自家也一直欢喜弹古筝，听侬讲古筝弹了老好嗰，想听侬弹一弹。宦娘也老实弗客气，只古筝拿过来就弹，弹出来曲调、音色老啥感觉，明显弗是人间水准好搭脉嗰、弹出来种凄凉味道更加是活人工夫再高也弹弗出嗰。良工一头听宦娘弹，一头打拍头，穷讲弹了好。乃么弹好良工就请宦娘教伊弹古筝，宦娘问伊讨了支笔，搭良工写了十八章古筝乐谱，写好又立起来要告别，夫妻两家头弗肯放伊跑横留竖留（除脱为报宦娘嗰恩，想留牢宦娘应该还有种考虑：就是宦娘留下来也嫁畀温如春。弗关现代人觉着哪能弗可思议法子，事实哴照当时嗰价值观伦理观，良工可能比温如春还要想留牢宦娘：伊觉着箇能对温如春好、对宦娘好，对伊自家也好。《封三娘》里阿拉再深入讨论箇只争议性问题）。宦娘伤心来西讲：“亻那（你们）夫妻两家头就像琴搭瑟能要好，相互又是知己知音。我命薄弗过，何里搭有像亻那（你们）介好嗰福气啊。假使阿拉还有缘分，箇么下一世再搭亻那（你们）碰头！”，宦娘拿出一卷卷好嗰图画交畀温如春，讲：“箇是我嗰画像，假使没忘记脱我为侬做过媒，就拿画像挂嘞房间里，心想好嗰辰光，就点根香，对牢画像弹一曲，我也就会的听到侬弹嗰曲子了”，讲好宦娘就跑出门去，眼睛一眨就弗见脱了。
事体虽然讲到此结束，但阿拉话题还结束弗脱，先解决宦娘开始“交代”头哴有种朋友提出嗰质疑：“赤佬会得介好人啊？”，应该用弗着我再多讲了，大家听了宦娘嗰“交代”，随便哪能也领笨了：宦娘箇个赤佬弗但就是介好人，外加好好叫比人还好！又有朋友弗买账要质疑来：侬讲伊好人，也只不过对温如春良工来讲，但为咾帮温如春良工，伊做出来牌事体侪是弗作兴嗰，特别是装人家刘家少爷榫头，害得人家白白里吃冤枉官司，甚至好讲就是硬劲拆散刘家少爷搭良工嗰姻缘，哦，为咾帮自家欢喜嗰男人，就好弗择手段拉？要回答箇只伦理问题是蛮头晕嗰，宦娘装刘家少爷榫头是事实。我只好讲：宦娘人为安排嗰一系列巧合，包括拿刘家少爷撬脱，面哴看看侪是伊“人为安排”嗰，但背后头是有天数嗰：天数老早就定好让温如春良工做夫妻，再会得让宦娘一系列“人为安排”成功，假使天数是刘家少爷搭良工做夫妻，箇么宦娘本事大到天边也弗可能成功嗰。做夫妻是温如春良工嗰天数、相帮温如春良工做夫妻是宦娘嗰天数、畀宦娘撬脱是刘家少爷嗰天数……。当然咾箇种“马后炮宿命论”里呛眼“存在就是合理”嗰什样锦理由有眼淘浆糊，枉理十八条强调理由弗讲，还没正面回答宦娘撬脱刘家少爷到底对咾弗对。但我也只好回答到淘浆糊程度了。就是蒲老先生自家也没本事回答，为此《宦娘》末脚没写“异史氏曰”也就是伊自家嗰评论。
最末脚，阿拉再回过头来看标题：“别样生嗰感动”，应该大部分朋友还是好理解嗰：宦娘对温如春一片痴心，非但没因为嫁弗成功温如春而咬弗得良工，反过来还千方百计成就良工嫁畀温如春，用心良苦，确实蛮让人感动嗰。外加箇份感动跨越了阴阳两界，更加溻上了别样生嗰色彩。不过阿拉也会得觉着：感动是感动，但也无啥好稀奇。虽然讲阿拉经常性碰着种人心态是自家得弗着就也弗让人家得着、特别嘞轧朋友哴、挖空心思破坏自家欢喜嗰人搭别人家嗰感情。但阿拉身边也弗少像宦娘能自家得弗着非但弗去破坏人家反过来还成就人家嗰人，现在行句闲话叫“欢喜伊就畀伊幸福”。生活当中“宦娘”捞捞一大把，有啥好多稀奇头势乃？乃么我再来回答为啥蛮好嘞讲宦娘哪能又什出来个齐天大圣乃？因为我就是想借对“同病相怜”嗰宦娘搭《大话西游》里齐天大圣两家头嗰内心描绘，让宦娘带来嗰箇份感动再“稀奇”一眼。《大话西游》相信年纪轻嗰朋友侪看过，电影末脚段感动了弗弗少少人：孙悟空经过城楼，看到高头一对冤家对头男女僵嘞头，侪弗肯开软档。伊肚肠梗痒了，就附到男嗰身哴去抱女嗰，乃么冤家对头变成功了爱人。多数人侪认为：因为箇女嗰像紫霞应该是紫霞转世，高老孙悟空借箇男嗰去抱抱紫霞。道理也有。但我觉着：就算箇女嗰弗像紫霞弗是紫霞转世，孙悟空也会得让箇男嗰去抱伊，成就伊拉。一样嗰：就算弗是看到自家欢喜嗰温如春搭有情人分离，只要看到天下任何一对有情人受分离之苦，宦娘也会得千方百计成就伊拉。阿拉立时三刻就想着生活当中也有弗少欢喜当月老嗰，特别是阿姨妈妈，看到单身男女就想撮合。宦娘、孙悟空应该就是也欢喜当月老咾？还弗是，宦娘、孙悟空内心有一种缺憾、弗甘心、甚至恨：恨自家再没办法去拥有男女爱情，乃么拿自家箇种没办法拥有嗰缺憾去寄托嘞成就人家嗰爱情哴，讲穿了就像今朝交关家长自家愿望没办法实现就寄托了小囡身哴一样，还是一眼折头弗打嗰自私心态。但也就因为箇种自私嗰缺憾，宦娘、齐天大圣……还有得交交关关搭伊拉“同病相怜”嗰人，会得比月老拉更加热切、无私嗰去成就天下每一对有情人，因为某种程度哴，就是嘞成就自家。弗关哪能，比起只想成就自家欢喜嗰人嗰小爱，成就天下世界所有相爱相恋有情人，也好讲是种大爱了。当然就弗要讲搭佛、耶稣……能正正式式无私嗰大爱搭脉了，就是搭普通月老拉嗰大爱相比，箇种大爱高度还是低着眼。但我还是想对宦娘、孙悟空……翘大节头、用上海人顶欢喜嗰一个词讲声“模子”，也就是北方人讲嗰“好样的”！
我乃，也扎记台型，好白相拿眼流行歌曲嗰歌名歌词七拼八拢拼成功了一首“歌词什样锦”，作为最末脚宦娘、齐天大圣……嗰内心独白，送畀大家，大家假使有心向也好寻寻看里向接了何里眼歌：
苏三离别了家园，将身来到相思河畔，但见双双爱侣在对岸，翩翩聚散两依依。弗在乎情关路苦痛在所难免，未曾就此止步弗前。离苏三爱情是箇能远，唯有悠悠望对岸。河里浪与浪也偷偷望，望穿多少相思，又望尽多少迷惘。苏三踏上命运嗰站台，一个人去一个世界。只欠伊爱情一个约定，缘未了秋水天涯。恨今生难相偿却，誓来生定当报还。
过往嗰恋人，请听苏三言：但愿人长久，千里共婵娟。。。。。。。。。。
上海话讲聊斋：别样的感动
《宦娘》宦娘和齐天大圣的内心独白
聊斋，多数朋友应该听了不要听看了不要看了。作为一个上海人，我想从自己角度，脸皮厚厚用上海话再为大家拿聊斋讲一讲。先打声招呼，我看聊斋的角度有点“少有出见”：我个人天生就和东方神秘主义传统和西方现代灵学一套东西、就像上海江南延续数千年的“关亡（通灵降神上海江南叫法）”等传统特别的有数（关系亲密），所以：聊斋写出来的灵异世界鬼狐故事，我也是当成功真实灵异事件记录而不是什么虚构神话故事看的。有的朋友要讲了：好坏也读过书的，怎么这么迷信这么无知无识法？我只好讲：“迷信”的灵异世界，是世界少不掉一块，不管你信菩萨信耶稣信科学信马克思……这另外个世界存在一点没还价的事实你擦不掉的。经常性会有朋友拿孔老先生搬出来：什么怪力乱神不要讲之类……孔老先生顶买账谁？周公，周公多少“迷信”法？：通过孔老先生自家手传下来的《尚书》等周朝资料讲的再清楚不过了……实质上，探讨另外个世界连孔老先生也不排斥的，只不过老先生实在无什么精神好好探讨了。
我解读聊斋每一篇都从“真实灵异事件”的总经出发、经常性会借题发挥、搭界着（关联到）其他古今中外灵异事件、故事、理论研究等……望它好给大家一个没好好信仰的、迷信灵异的上海人眼睛里看出来的活的聊斋世界。
那么什么道理用“别样生个感动”这个台头、而且还冒出来一个齐天大圣乃？先摆下噱头，大家先听 《宦娘》
温如春，陕西大人家出来的。从小欢喜弹琴，欢喜得像性命一样，连出远门也扔不掉这只琴要身边带着。有趟他山西去，经过一个老古时代的庙，就拿马庙门口头缚好，自己暂时性庙里落落脚。一进门，看到庙里有个着布衫的道士，两只脚盘着，走廊地上坐着，墙上靠着根竹头拐杖，一块花布头里裹了一只琴。这下碰到个讲得来的了，温如春上去就问：“这位师傅也蛮会弹琴的吧？”。道士讲：“弹了不熟练，想找个弹的好的再学学”。于是就布头解开来拿琴给温如春看，温如春一看：琴身木头纹理出挑一等，随手一弹，声音清楚得吓坏人。这下是开心死了，赶快弹了只短曲子给道士听。道士笑笑，好像觉着弹的不怎么样，于是温如春只好一家一当本事统统拿出来再弹给道士听。道士笑眯眯讲：“蛮好蛮好，不过做我师傅么还嫩了点”。温如春想侬吹什么大话？侬弹个看看！于是调转来请道士弹琴。道士琴接过来膝盖上摆好，刚刚弹了一下，就觉着春风一阵阵吹来；又过了会，成千上百种鸟一群群飞来，庭子里一棵棵树上都停满。温如春呆掉了，赶快拜师傅。道士又弹了三遍，温如春耳朵竖起用心听，稍微学会了点节奏。道士让他学着弹弹看，一头弹一头指导，弹着弹着，道士讲：“像你这会弹的，天下世界已经没人好超出你的了”。温如春于是开始一门心思练琴，不多工夫就练成功了道士教的琴技。
山西回来路上，温如春走到离家里还有数十里路快时，天一下暗下来落阵雨了，想寻个地方躲一躲也寻不到。温如春看到路边有只小村庄，赶快奔过去，正好有家人家门开在那，他也没来得及仔细看，就急着冲进去。进到客堂间，一看里头没人。过了会，跑出来个小姑娘，岁数十七八岁左右，样子生的像神仙一样，一抬头看到温如春，吓的逃进去了。温如春此时老婆还没讨，这下看中人家小姑娘了。又过了会，一个老太跑出来和温如春打招呼，温如春讲清自己名字来路，求老太让他住一夜。老太讲：“住一夜到是不碍的，就是家里床铺少了点，假使先生不嫌地上龌龊，好摊点稻草睡在地上”。不多会工夫，老太蜡烛拿来，稻草透开来地上摊好，殷勤的不得了。温如春问老太姓啥？老太回他“姓赵”。他又问老太：“刚刚那个小姑娘是你什么人？”，老太讲：“她叫宦娘，是我老太婆的侄女”。温如春赶紧讲上去：“贸贸然问一声不要见怪，我也还没成家，你看是不是好拿你家侄女嫁给我？”。老太眉头一皱讲：“不好意思这桩事体实在没办法答应你”。温如春心不死盯住老太问为什么道理，老太回来回去就是回他句讲不清楚没什么多问头，看看实在没花头了温如春只好算了，不盯住老太了。等到老太进去，温如春看到地上稻草烂糟糟湿搭搭，根本睡不了，只好一个人坐在那弹琴，解解闷。弹了会雨不落了，外头天还没亮他就急着回去了。
温如春住的地方有个退下来的部长葛老爷，老先生欢喜结交文人。温如春有趟正好去拜访他，老爷老早晓得温如春琴弹的一流，就喊他弹琴，弹的时候，温如春看到门厅帘子后头像是躲着个女的，大概葛家家里人，在偷听他弹琴。这时突然吹来阵风拿帘子吹开来了，温如春一看帘子后头立了一个十六七岁的小姑娘，光彩照人标志的吓坏人。原来小姑娘是葛老爷女儿，小名叫良工，诗词文章写的特别好，相貌也好得出名。这下好了，温如春又看中人家了，赶快回去和娘商量，要请媒人上门求亲……
我们停一停好伐：很多女性朋友忍不住了要发话了：你们看看诺男人是东西伐？！，这个温如春前头刚刚看中人家宦娘硬要讨她，转屁股一看人家良工好看，好了老早拿宦娘忘记得干干净净，一门心思又要讨良工了……虽然讲我自己作为一个男个，不过对女性朋友这么到位的分析，也只好统统吃进：对，男人是不是东西，那谁叫天老爷让男人天生生死就是这幅样子呢？那怎么办法呢？从古代到今朝，一代代男人对这点传统倒真的一点心没变掉过特别专一……
好了无轨电车不要开了，再回过来伐：想葛家做你亲家啊，哪里有这么容易？人家葛家一看温家老早败落了，这么差条件，一口就回绝掉了，这下温如春又落空。但是东头不亮西头亮：良工小姑娘自从那天听了温如春弹琴，魂灵就不在身上跟着温如春跑掉了，心心念念就想再听他弹琴。温如春呢，因为求亲又落空，郁闷的不得了，也没什么心思再上葛家门去了。
一天，良工花园里散步，拾着伊张旧的信纸，上头写了首《惜余春》词：“因恨成痴，转思作想，日日为情颠倒。海棠带醉，杨柳伤春，同是一般怀抱。甚得新愁旧愁，刬尽还生，便如青草。自别离，只在奈何天里，度将昏晓。今日个蹙损春山，望穿秋水，道弃已拚弃了！芳衾妒梦，玉漏惊魂，要睡何能睡好？漫说长宵似年，侬视一年，比更犹少：过三更已是三年，更有何人不老！”。良工横读竖读读了四五遍，欢喜得不得了，生怕给父亲看到，赶快藏在胸口头口袋里，藏到自己房间里再摸出来，道道地地的抄了一遍，抄好台子上摆着，人跑开了，过了会再回来发觉抄好那张纸头没了，随便怎样寻不着，良工想要么是给风吹掉了。这时正巧葛老爷从她房间门口头走过，看到地上有张纸头，就是良工刚刚抄的那篇东西。老爷拾起来一读差点昏过去，要死怎么写的这么下作法，但这么好文笔除掉良工还有谁写的出来？于是赶快纸头烧掉，这桩事情没和任何人讲，生怕给人家晓得，丢自家女儿脸。他一想女儿多数是写给温如春的，急了：再不拿良工嫁掉，慢点女儿自说自话跟着这个瘪三跑掉那不闯大祸了
巧也巧，隔壁头镇上有个地方官姓刘，有个儿子还没结婚，老早听到过良工名气，就上葛家门来为儿子求亲。这下葛老爷正中下怀，赶快拿女儿寻个好人家嫁嫁掉太平。不过答应刘家前，还是想先看看刘家少爷人怎么样？于是刘家少爷就上门了，葛老爷一看人家刘家的少爷衣裳穿的光鲜不讲、人又清秀相貌又好，不晓得甩温如春几十条横马路了，这下是心满意足死了，横招呼竖招待，热情的不得了。万万没想着等到刘家少爷走掉以后，发觉他刚刚坐的座位下头竟然有一只女人绣花鞋子！这下葛老爷一下子跳起来了：想你这个花花公子实在贼大胆竟敢带着外头不三不四女人的鞋子上门来求亲！你们刘家太乱来了吧！拿女儿嫁给你们要么我眼珠瞎掉了！马上就让媒人刘家去亲事回掉。刘家他们儿子么拼命喊冤枉，讲根本就不晓得有什么女人鞋子之类，也从来没外头勾三搭四什么女人过。葛老爷怎么会相信他呢，坚决同刘家断交断掉。
讲到这里，大家就发觉事情开始蹊跷了：怎么偏偏就在良工和温如春事情刚刚黄掉的“敏感时期”，会给良工在自己家里拾到这篇不晓得谁写的《惜余春》，而且刚刚抄好《惜余春》这张纸头偏偏又会给葛老爷拾到，这么巧法？更加有意思的是人家刘家少爷脑子再没，上门求亲怎么会带只女人鞋子在身上，还稀里糊涂落在位子上？疑问肚皮里先摆着，我们讲下去。
先头，葛家种了一种绿颜色的菊花，稀奇的不得了，葛家当宝货一样从来不肯给外头人带出去的。后来良工拿绿菊花种到自己房间里。怪了，就在同时时候，温如春家里园子里几朵菊花突然之间也变绿了。朋友们听到温如春家里有绿菊花，都过来看西洋镜。不要讲的温如春也宝贝绿菊花宝贝的不得了。一天早上，温如春园子里去看菊花，在花坛边拾到张信纸，上头写的就是《惜余春》，他反复读了几遍，吃不准信纸到底哪里来的。而且《惜余春》和自己名字里正好都有个春，温如春更加觉着蹊跷，但他也很欢喜这篇《惜余春》，就摆在自己台子上，在边上写了很多评论感想，写的蛮不规矩的。无巧不成书，这时葛老爷因为听到温家菊花也变绿了，无论如何不相信，就自己冲到温如春家里想来拆穿西洋镜，正好看到书房间里温如春坐在台子前在看封信，葛老爷就不声不响走到温如春背后，拿过来信就看。温如春当谁开他玩笑呢，转头一看魂灵差点吓掉，要死快了葛老爷空降下来啊？刚刚自己写的这么不三不四的评语给这个老头子看到还了得啊？赶快抢过来纸头揉碎掉。葛老爷就读到一两句，但也有数了，就是之前良工门口头拾到的这篇《惜余春》，这下他是更加吃准了：《惜余春》就是女儿写给温如春的、绿菊的种也是她偷偷送给温如春的！这个小姑娘昏头了！葛老爷也不去管温如春了，要紧回去关照老太婆，喊老太婆逼着良工交代，良工随便怎样不承认，讲再逼我就死给你们看。夫妻两人想想也是：又没人亲眼看到，也不好认准讲自己就一点没搞错掉？不过小姑娘这样子下去也不是生意经，早晚点事情穿帮人家都晓得。葛太太横考虑竖考虑，讲：老头子要么只好这样子了：索性将计就计，拿良工嫁给温如春算了，女儿爱死掉这个小赤佬，就是我们硬拦住也没用场，慢点小姑娘作死作活真的拿条命作掉，那我们两人跳黄浦去啊？葛老爷想想道理也有，算了，一共才一个女儿，欢喜嫁给谁，随便她去了。夜长梦多，马上托人带话给温如春：今天我们两家门敲定婚事。
讲到这里，这下估计大家肚皮里疑问憋不住了：怎么都会这么巧法：葛家有绿菊花，温家菊花就也变绿了？良工自家花园里拾着《惜余春》、温如春就也会自家花园里拾着《惜余春》，而且正好温如春名字里还有个“春”？两人拾着的《惜余春》又都给葛老爷撞到？。。。。。。专门无巧不成书，也太巧了吧？要么是天老爷安排好的巧合，要么就是有人存心制造“巧合”，而且所有这些“巧合”好像就是为了促成最后良工温如春的姻缘。那么到底是天老爷安排还是有人从中促成呢？好了，谜底就要拆穿快了。
一听葛家讲今天敲定婚事，这下温如春开心得下巴也落掉快了，真叫做梦也想不到这么好事情。当天，温家急着就酒水摆起来了，请亲眷朋友们上门来吃酒水赏绿菊，又烧香是又弹琴，热闹死了，一直搞到深更半夜再歇息。等到大家都睡觉去了，书童突然听到书房里温如春那只琴响起来了，一上来书童当是家里佣人什么在瞎闹弹着玩，跑到书房门口头一看，书房间里除掉这只琴根本就没人，自家在响，这下吓死了，晓得这只琴多数不是人在弹，赶快跑去关照东家。温如春么当是书童胆子小夜里又看不清，所以在大惊小怪。于是自己跑到书房间门口头一看，呀？这只琴真的竟然自己在响！他仔细一听，发觉发出来琴声是在模仿自己弹过的曲子，但是又学不像，弹得一卡一卡的。怎么回事？到底是谁躲在房间里学琴还是怎样？温如春偷偷的蜡烛点燃，一下子冲进去，拿这个房间照的程程亮，一看房间里清清楚楚：不要讲人了赤佬也没一个。于是温如春只好拿这只琴藏掉，好了太平不响了。温如春肚皮里想多数是什么狐狸精在作怪，蛮吓人的。但又想想连狐狸精也这么诚心想跟着自己学琴，说明不要讲阳间了，连阴间也晓得我这只琴弹的如何了，又得意了。于是开始每天照例一到傍晚，候着狐狸精来，就卖弄的弹一只曲子给狐狸精听，弹好了，这只琴存心留在书房间里任由狐狸精练，自己躲在外头听她弹。咸你别讲，这样狐狸精学的特别快，到第六第七个傍晚，弹的已经非常像样，就是温如春作为师傅也觉着好听听了。狐狸精教出师，温如春也蛮心满意足的，不过大事还没了掉，良工还没讨进门，总归提心吊胆。
心横吊竖吊总算吊到了婚礼这一日，温如春照着规矩上葛家门，拿良工接回温家，新娘子再也跑不掉了，这才算心定了。于是两人开始讲起来之前一连串怪事了，一对上么好了，两人更加看出来了：假使不是发生这一连串巧合，我们不要讲要婚结成功了，根本连个头也碰不着，怎么会这么巧？要么天老爷相帮要么谁在暗相帮我们，那到底天老爷还是谁呢？！温如春想起来狐狸精每夜来学琴的事就告诉良工，良工就等到狐狸精又来学琴时，也去多在外头听，一听就和温如春讲：“不是狐狸精，因为他弹出来这个调凄惨得很，像这种只有鬼再弹的出来”。温如春嘴巴上不讲，良工刚刚讨进门，肚皮里想你女人又不领市面懂什么东西，狐狸精么狐狸精来，赤佬会弹琴啊。良工看出苗头有数温如春不买他账，就和温如春讲：自己娘家传下来面古镜，灵光的吓坏人，不管你鬼赤佬狐狸精一照就清清楚楚。第二天，良工派人娘家这面古镜拿来，候着这只琴又开始响的时候，举着镜子和蜡烛冲进房间，一照，真的有个女的在房间里，被这面镜子吓的拼命躲，实在没地方好躲了只好退在角落头。温如春仔细一看：咦，这女的不是上趟路上避雨这家赵家的宦娘吗？一下子吃不准了，什么路道啊？于是就逼着宦娘拼命问她。宦娘哭着讲：“我为你们两人做媒人，总归不是害你们吧，为什么要这样子逼我法呢？”。媒人？这话怎么更加听不懂了啦？这下好了不是温如春了，连各位耐性听到此地个朋友也都不肯放宦娘过门了，今天使一定要她讲讲清楚了，到底怎么回事？！温如春一看镜子照住宦娘吓的根本没办法好好讲话，就一头让良工镜子先摆掉，一头和宦娘讲好：镜子摆掉可以，但你也不许再躲起来。宦娘也肯的，良工就用块布头拿镜子裹起来了。宦娘坐在远开夫妻两人远远的，嗲嗲的开始讲起来：
慢，先停一停，大家注意到这只细节了伐：什么道理宦娘要坐在远开夫妻两人远远的，是看到镜子怕？不是，镜子已经盖住摆掉了，离的近或远都不碍着什么。是生怕夫妻两人阳气太足伤着她自己鬼身阴气？对，接近了，就是正巧反掉了：是宦娘生怕自己阴气伤着夫妻两人！“赤佬会这么好人啊！”，有的友跳出来要问了。好，我们马上听宦娘讲，到底赤佬会这么好人伐？
“其实我活着时候是一个太守的女儿，十几岁还没来得及嫁人就生毛病死掉了，从我死掉到现在已经一百年快了。我小时候就欢喜弹琴弹古筝，古筝是已经弹的蛮老练了，就是一只琴弹的不怎么样也一直没拜着师傅好好学一下，直到死掉地下去了，还是觉着遗憾不过，心心念念想学琴。没想到那天温公子侬避雨正好避到我们家里……
再停一停，“我们加里”？，又有朋友听不懂了。古代文言文写文章的，就像蒲老先生，字用起来都“刮皮”不过：多用一个字也不肯，所以也就导致：聊斋里很多要紧的细节问题都省掉没交代。怎么办呢只好我来为蒲老先生一只只洞补吧：大家应该也有点数了：宦娘、赵家老太都是死掉的鬼，但死掉在阴间里也要过日子也要做人家都跟着阳间一套，就像经常性有人讲阳间文化大革命，阴间一道跟着触霉头，听听戏话，偏偏是事实。赵家老太就拿宦娘当自家女儿一直照顾。所谓家里是变戏法变出来的，一般性都是借埋着自己尸骨的坟变出来的，像《婴宁》里也是这样，当然咾变戏法方面鬼到底要比人强很多。温如春实质上是在赵家老太的坟里避了一夜雨。
我们再让宦娘讲下去伐：……那天夜里你弹了一夜琴，我听了一夜，我从来没听到过这么好听的琴声，魂一下子就被侬勾去对你动心了，而且听到你对老娘讲也看中我了还想求亲，更加一门心思想嫁给侬了。但再一想自己已经死掉是鬼了，怎么再嫁给你活人内呢？老娘也晓得根本不现实得体，所以她回绝你……
不好意思又要打断宦娘了，还是有只问题一定要讲讲：只要对比聊斋“鬼新娘子”题材各篇就会发觉：聊斋里有的鬼新娘子像聂小倩直接嫁给人一点问题也没，还好养小孩。有的鬼新娘子像小谢先要投人生变人再好嫁给人。有的鬼新娘子呢像伍秋月自己肉身复活嫁给人。顶可怜的鬼新娘子就像宦娘，没办法嫁给人。什么道理吃不准了？鬼分好嫁给人不好嫁给人两种？还是这样…？这只问题聊斋从头到末脚，蒲老先生一个字也没解释过！要么古代这是种常识？但像我们被科学洗过脑子的现代人就山东人吃麦冻一懂不懂了，洞我也没本事补了。
好了赶快听宦娘继续讲：……没办法嫁给你，我还是想为你做点啥，报答你对我的一片真情（女性朋友又要跳出来了：“帮帮忙哦，别转屁股就欢喜人家去了，还一片真情竟然……”，好了好了，时间来不及了，就当一片真情算了）。看到你和良工相互之间都蛮有意思的，就动脑筋随便这样要成全你们，这一连串巧合：刘家少爷座位下头的女人鞋子，都是我安排好的，《惜余春》也是我写的（不得了，这么漂亮一个笔头，良工想我只好买账呀）。现在你们都清楚了，我这样报答温公子你这个老师，应该讲也算是卖力了伐”。夫妻两人听她讲好么，感激是感激的也不晓得讲啥好了，只有横一个谢谢竖一个谢谢拼命谢宦娘这个媒人恩人。宦娘对温如春讲：“你弹琴的工夫，我已经学到一半了，但还没领会透里头得神韵和妙理，请你为我再弹一曲好伐？”。温如春就照她的请求又弹了一曲，弹好又耐心的指导宦娘每一歌技法、要点。宦娘多少聪明，一教就会，很开心的讲：“我已经都学会了”，于是就立起身来要告辞走了。良工喊住她，讲自己也一直欢喜弹古筝，听你讲古筝弹的很好的，想听你弹一弹。宦娘也老实不客气，这只古筝拿过来就弹，弹出来曲调、音色等感觉，明显不是人间水准好比及的、弹出来那种凄凉味道更加是活人工夫再高也弹不出的。良工一头听宦娘弹，一头打拍头，拼命讲弹的好。于是弹好良工就请宦娘教她弹古筝，宦娘问她讨了支笔，给良工写了十八章古筝乐谱，写好又立起来要告别，夫妻两人不肯放她走横留竖留（除掉为报宦娘的恩，想留住宦娘应该还有种考虑：就是宦娘留下来也嫁给温如春。不管现代人觉着怎么不可思议法，事实上照当时的价值观伦理观，良工可能比温如春还要想留住宦娘：她觉着这样对温如春好、对宦娘好，对她自己也好。《封三娘》里我们再深入讨论这只争议性问题）。宦娘很伤心的讲：“你们夫妻两人就像琴和瑟那样要好，相互又是知己知音。我命薄不过，哪里有像你们这样好的福气啊。假使我们还有缘分，那么下一世再和你们碰头！”，宦娘拿出一卷卷好的图画交给温如春，讲：“这是我的画像，假使没忘记我为你做过媒，就拿画像挂在房间里，心情好的时候，就点根香，对着画像弹一曲，我也就会听到你弹的曲子了”，讲好宦娘就跑出门去，眼睛一眨就不见了。
事情虽然讲到此结束，但我们话题还结束不掉，先解决宦娘开始“交代”头上有的朋友提出的质疑：“赤佬会这么好人啊？”，应该用不着我再多讲了，大家听了宦娘得“交代”，随便怎样也信服了：宦娘这个赤佬不但就是这么好人，而且远远比人还好！又有朋友不买账要质疑了：你讲她好人，也只不过对温如春良工来讲，但为了帮温如春良工，她做出来哪些事都是缺德的，特别是栽赃陷害人家刘家少爷，害得人家白白吃冤枉官司，甚至好讲就是硬拆散刘家少爷和良工的姻缘，哦，为了帮自己欢喜的男人，就好不择手段拉？要回答这只伦理问题是蛮头大的，宦娘栽赃刘家少爷是事实。我只好讲：宦娘人为安排的一系列巧合，包括拿刘家少爷撬掉，面上看看都是她“人为安排”的，但背后头是有天数的：天数老早就定好让温如春良工做夫妻，再会让宦娘一系列“人为安排”成功，假使天数是刘家少爷和良工做夫妻，那么宦娘本事大到天边也不可能成功的。做夫妻是温如春良工的天数、相帮温如春良工做夫妻是宦娘的天数、被宦娘撬掉是刘家少爷的天数……。当然咾这种“马后炮宿命论”里加点“存在就是合理”的什样锦理由有点淘浆糊，枉理十八条强调理由不讲，还没正面回答宦娘撬掉刘家少爷到底对还是不对。但我也只好回答到淘浆糊程度了。就是蒲老先生自己也没本事回答，为此《宦娘》最后没写“异史氏曰”也就是他自己的评论。
最末，我们再回过头来看标题：“别样的感动”，应该大部分朋友还是好理解的：宦娘对温如春一片痴心，非但没因为嫁不成功温如春而咬不得良工，反过来还千方百计成就良工嫁给温如春，用心良苦，确实蛮让人感动的。而且这份感动跨越了阴阳两界，更加涂上了别样生的色彩。不过我们也会觉着：感动是感动，但也没什么好稀奇。虽然讲我们经常性碰到有的人心态是自己得不着就也不让人家得着、特别在谈朋友上、挖空心思破坏自己欢喜的人和别人家的感情。但我们身边也不少像宦娘那样自己得不着非但不去破坏人家反过来还成就人家的人，现在流行一句话叫“欢喜他就给他幸福”。生活当中“宦娘”捞捞一大把，有什么好多稀奇的呢？现在我再来回答为什么蛮好在讲宦娘怎么又冒出来个齐天大圣呢？因为我就是想借对“同病相怜”的宦娘和《大话西游》里齐天大圣两人的内心描绘，让宦娘带来的这份感动再“稀奇”一点。《大话西游》相信年纪轻的朋友都看过，电影最后一段感动了不少人：孙悟空经过城楼，看到上头一对冤家对头男女僵在那，都不肯让步。他忍不住了，就附到男的身上去抱女的，于是冤家对头变成功了爱人。多数人都都认为：因为这女的紫霞应该是紫霞转世，所以孙悟空借这男的去抱抱紫霞。道理也有。但我觉着：就算这女的不像紫霞不是紫霞转世，孙悟空也会这男的去抱她，成就他们。一样的：就算不是看到自己欢喜的温如春和有情人分离，只要看到天下任何一对有情人受分离之苦，宦娘也会千方百计成就他们。我们立时三刻就想到生活当中也有不少欢喜当月老的，特别是阿姨妈妈，看到单身男女就想撮合。宦娘、孙悟空应该就是也欢喜当月老咾？还不是，宦娘、孙悟空内心有一种缺憾、不甘心、甚至恨：恨自己再没办法去拥有男女爱情，于是拿自己这种没办法拥有的缺憾去寄托在成就人家的爱情上，讲穿了就像今朝很多家长自己愿望没办法实现就寄托在小孩身上一样，还是一点折头不打的自私心态。但也就因为这种自私的缺憾，宦娘、齐天大圣……还有很多很多同他们“同病相怜”的人，会比月老们更加热切、无私的去成就天下每一对有情人，因为某种程度上，就是在成就自己。不关这样，比起只想成就自己欢喜的人的小爱，成就天下世界所有相爱相恋有情人，也好讲是种大爱了。当然就不要讲和佛、耶稣……那样正正式式无私的大爱相提并论了，就是跟普通月老们的大爱相比，这种大爱高度还是低了点。但我还是想对宦娘、孙悟空……翘大拇指头、用上海人顶欢喜的一个词讲声“模子”，也就是北方人讲的“好样的”！
我呢，也秀一秀，好玩拿一些流行歌曲的歌名歌词七拼八拢拼成功了一首“歌词什样锦”，作为最末宦娘、齐天大圣……的内心独白，送给大家，大家假使有兴趣也好寻寻看里头接了哪些歌：
苏三离别了家园，将身来到相思河畔，但见双双爱侣在对岸，翩翩聚散两依依。勿在乎情关路苦痛在所难免，未曾就此止步勿前。离苏三爱情是箇能远，唯有悠悠望对岸。河里浪与浪也偷偷望，望穿多少相思，又望尽多少迷惘。苏三踏上命运个站台，一个人去一个世界。只欠伊爱情一个约定，缘未了秋水天涯。恨今生难相偿却，誓来生定当报还。
过往个恋人，请听苏三言：但愿人长久，千里共婵娟。。。。。。。。。。
插曲1 1995 王靖雯 《君心我心》 （纪念邓丽君翻唱）
插曲2 1986 吕方 《小河在我心中飘过》（南北少林电影原声）
《君心我心》是我对原版带重新做了母带处理之后的版本，需要完整版的朋友可以加微信：cenranzhou
（全文完。欢迎在最下方评论或者点“喜欢作者”，支持吴语公众号）
点击左下方阅读原文，可查看吴语公众号的过往更新。
感谢你对吴语公众号的支持