དྲ་ཐོག་ཏུ་ཉེན་རྟོག་པར་དམའ་འབེབས་གཏོང་མཁན་བསྟན་ཆེ་གེ་མོར་……

    ལྷ་ས་གྲོང་ཁྱེར་གྱི་དྲ་བའི་བར་མཐོངས་ཞི་མཐུན་བརྟན་ལྷིང་ཡོང་བར་འགན་ལེན་བྱ་ཆེད། སྤྱི་བདེ་པུའི“2023ལོའི་དྲ་བ་གཙང་སེལ”གྱི་ཆེད་དོན་བྱ་སྤྱོད་ཀྱི་བཀོད་སྒྲིག་གཞིར་བཟུང་། ཉེ་ཆར། ལྷ་ས་གྲོང་ཁྱེར་སྤྱི་བདེ་ཅུས་དྲ་བའི་བདེ་འཇགས་སྡེ་ཚན་གྱིས་ཁྲིམས་ལྟར་དྲ་ཐོག་ཏུ“ཉེན་རྟོག་པར་དམའ་འབེབས་གཏོང་བའི”ཆ་འཕྲིན་སྤེལ་མཁན་ཞིག་ལ་ཆད་པ་བཅད་པ་རེད།

    2023ལོའི་ཟླ་12ཚེས་31ཉིན། བསྟན་ཆེ་གེ་མོ་དང་ཁོ་པའི་རོགས་པ་རླངས་འཁོར་བཏང་ནས་ཕྱིར་སྐྱོད་སྐབས། འགྲིམ་འགྲུལ་ཁྲིམས་འགལ་གྱི་བྱ་སྤྱོད་ལྡན་ཡོད་པར་འགྲིམ་འགྲུལ་ཉེན་རྟོག་སྡེ་ཚན་གྱིས་ཆད་པ་བཅད་པ་རེད། དེ་རྗེས། བསྟན་ཆེ་གེ་མོས་འགྲིམ་འགྲུལ་ཉེན་རྟོག་སྡེ་ཚན་གྱིས་ཆད་པ་བཅད་པར་མི་འདོད་པར། 2024ལོའི་ཟླ་1པའི་ཚེས་4ཉིན་དྲ་བའི་སྟེགས་བུ་ཞིག་ཏུ་འགྲིམ་འགྲུལ་ཉེན་རྟོག་པར་དམའ་འབེབས་གཏོང་བའི་ཆ་འཕྲིན་སྤེལ་ཏེ། ཉེན་རྟོག་པར་མི་འདོད་པའི་རྣམ་འགྱུར་བསྟན་ཡོད།

    2024ལོའི་ཟླ་1ཚེས་5ཉིན། ལྷ་ས་གྲོང་ཁྱེར་སྤྱི་བདེ་ཅུས་དྲ་བའི་བདེ་འཇགས་སྡེ་ཚན་གྱི་མི་དམངས་ཉེན་རྟོག་པས་ཁྲིམས་ལྟར་བསྟན་ཆེ་གེ་མོ་བརྟག་དཔྱད་དང་ལེན་བྱེད་པར་ཡོང་དགོས་པའི་འབོད་འགུག་བྱས་པ་རེད། དེར་བརྟེན་བསྟན་ཆེ་གེ་མོས་རང་ཉིད་ཀྱིས“ཉེན་རྟོག་པར་དམའ་འབེབས་གཏོང་བའི”ཁྲིམས་འགལ་བྱེད་སྤྱོད་སྦ་གསང་མེད་པར་ངོས་ལེན་ཞུས་པ་དང་། དྲ་བའི་བདེ་འཇགས་སྡེ་ཚན་གྱིས་ཁྲིམས་ལྟར་བསྟན་ཆེ་གེ་མོར་སྲིད་འཛིན་བཀག་ཉར་གྱི་ཆད་པ་བཅད་པ་རེད།

    མི་དམངས་ཉེན་རྟོག་པས་ཁྲིམས་ལུགས་དྲིལ་བསྒྲགས་དང་སློབ་གསོ་བརྒྱབ་པ་བརྒྱུད། བསྟན་ཆེ་གེ་མོས་རང་ཉིད་ཀྱི་ནོར་འཁྲུལ་ལ་ངོས་འཛིན་གཏིང་ཟབ་བྱུང་བ་དང་འབྲེལ་རང་ཉིད་ཀྱི་བྱ་སྤྱོད་ལ་འགྱོད་སེམས་ཆེན་པོ་སྐྱེས་ཏེ། ནོར་འཁྲུལ་དེ་རིགས་བསྐྱར་དུ་མི་ཐོན་པ་བྱས་ནས་ཡ་རབས་ངང་དྲ་བར་ཞུགས་ཀྱི་ཡིན་ཞེས་བརྗོད།

འོས་སྦྱོར།
‍

ལྷ་སའི་འཐུས་མི་ཚོགས་པའི་གྲོས་ཞིབ་ནང་ཞུགས་སྐབས་ཝང་ཅུན་ཀྲེང་གིས……

གཟིགས་དང་། ད་ལོ་བོད་ཀྱིས“དོན་ཆེན་བཞི”འདི་ལྟར་སྒྲུབ་རྩིས་འདུག

གཞི་རིམ་ནས་ཕེབས་པའི་འཐུས་མི་ཁོང་རྣམ་གཉིས་ཀྱིས་གསུངས་དོན་……

རྩོམ་སྒྲིག་པ་གཙོ་བོ། བསྟན་འཛིན་རྒན་པ།འགན་འཁུར་རྩོམ་སྒྲིག་པ། ཆོས་བཟང་།ལག་བསྟར་རྩོམ་སྒྲིག་པ། ཚེ་རྡོར།


རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།[e-mail]