我们开发了一个广州足迹，随时完爆刷屏的西瓜足迹

呢两日，一个小程序喺朋友圈爆红，

叫西瓜足迹，

只要你喺上面填写你去过嘅城市，

就会自动生成足迹地图，

并显示你超越过几多网友。

呢啲可以展示优越感嘅方式，

朋友圈晒命狂魔点会唔中意，

所以，呢两日我嘅朋友圈

一直被各种足迹地图攻陷。

好多人都纷纷晒出自己去过嘅地方，

并配上一段怀念过去、升华人生嘅鸡汤。

建六编辑部睇完呢个小程序，

纷纷表示真系冇天理！

一个制作咁粗糙、创意咁随便嘅小程序

竟然都可以爆红？！！

我哋分分钟头脑风暴，

谂一个小程序都好过佢啦！

说时迟那时快，

心系广州人嘅建六编辑部

决定搞一个广州版嘅西瓜足迹，

于是乎，广州第一个足迹地图诞生啦！

本小程序无需授权，直接打开即可使用，

唔使担心泄露隐私，个人数据被收集！

本小程序除咗拥有原版功能

仲新增个性化定制地图功能。

只要你输入一些简单个人信息

（唔涉及个人隐私）

即可生成反映你嘅生活轨迹、行为习惯

同思想内涵嘅生活足迹地图

为此，我哋特登选咗几位自己友，

进行小程序内测，佢哋分别生成咗

专属于自己嘅生活足迹地图。

①号：小劳腰

标签：地胆、为食猫、80后、创业ing

②号：一姐不悦

标签：打工仔、租屋族、一脸不悦

③号：伍毛钱

标签：退休老人、广场舞一哥、出街狂热者

④号：古月木目

标签：90后房奴、上班八小时通勤两个钟

⑤号：西穷

标签：80后贫穷阶层，凑仔公、设计尸

⑥号：浣熊君

标签：快乐肥宅，足不出户

⑦号：吖鸭本鸭

标签：新媒体小编、为食猫、80后

所以边度先可以玩到

咁人性化，咁有创意嘅小程序呢？

只要你扫一下……

冇错，上边讲嘅所有嘢纯属虚构，

都系编辑部开嘅一个脑洞！

（如果整得出，早就发咗达啦！）

你系咪信到十足十呢？

点解会开呢个脑洞？

其实系因为我哋见到西瓜足迹刷屏嘅时候，有一种人嘅足迹地图特别特立独行，佢哋只填“广州”一个城市。

因为工作嘅忙碌、家庭嘅顾虑、经济嘅限制，并非每一个人都有时间有精力出外旅行，好多人可能每日就系公司、屋企两点一线，为养自己养屋企而疲于奔命。

佢哋足迹地图并不多姿多彩，只可以超过10%嘅用户，但佢哋值得被称为人生嘅旅行家。

生命有长短，但人生无优劣，无论你系选择前往诗与远方，定系拥抱生活嘅苟且，只要系脚踏实地、努力工作，每个人都系勇者。

最后大家开个脑洞

如果真系有一个广州版嘅足迹小程序

你嘅足迹地图会系点样？

你希望地图有咩功能？

（唔好因为畀我哋水咗，

就唔留言啊，我会绝交噶！）

↓如果你得闲冇嘢做，就点下呢度！