广州人，唔好再讲“装×”啦！
最近
建六编辑部新猪肉番瓜
同尊敬嘅妈子发生咗言语冲突
一开始番瓜唔明
点解同妈子好似贴错门神噉
后来明白
原来一切都系因为
番瓜不自觉嘅双语混合频道播放……
我：“呢个女配明明咁装逼，点解个男主角噉都睇唔出㗎？！”
妈子：“装咩逼啊？你讲咩嘢啊？”
我：……
我：“哇！隔离阿花帮我抢到老麦优惠券啊！双击666！”
妈子：“咩啊？你噏乜嘢啊究竟？”
我：……
我：“啊啊啊好靓仔啊！！为男二疯狂打电话啊！！”
妈子：“你有人哋电话咩？懒叻！”
我：……
对于小编嚟讲
“装逼”、“双击666”、“打call/打电话”
都系一啲经常使用嘅词语
尤其系喺网络上
更加成为全国各省友好交流嘅必备语言
冇谂到呢啲潮语
会令妈子咁难理解 怒火难收！
受到网络发展嘅影响
小编身边有唔少人都觉得广州话冇咩潮语
所以先会出现咁多双语混合播放嘅情况
其实讲到搞笑啜核
好多粤语潮语唔输畀网络潮语
比如我哋翻译咗以下潮语——
【电灯杉挂老鼠箱】旧时香港嘅灯柱会挂上一个老鼠箱，方便市民将发现嘅死老鼠放入箱里面，抑制病菌蔓延。初期嘅灯柱用木衫制造，所以称之为“电灯杉”。因为电灯杉极高，而老鼠箱相对矮细，两样嘢挂埋一齐形成强烈对比。通常用嚟形容情侣身高悬殊。
02
【水皮】苴皮，喺古人鞋里面嘅垫草；苴服，即系粗服。“苴”就被用嚟引申为糟粕、渣滓、贱物嘅意思。特别系苴皮，系差品之中嘅差品。粤音将苴皮读成“水皮”，所以“水皮”就有下等、次等嘅意思。
03
【蒸生瓜】未蒸熟嘅瓜咬落去唔软唔硬，广府人称之为“肾”。“肾”、“侲”系粤语里面同音，“侲子”有如神灵上身，表现出半疯半颠嘅神态。但系通常用嚟形容女子。
【少块膶】广府人钟情嘅及第粥里面嘅材料包括咗猪腰同猪肝，猪腰又叫猪肾，猪肝又叫猪膶。有时候粥店生意太好，猪膶好快卖晒，或者食客唔中意猪膶嘅苦味，要求唔落猪膶，店家就会增加猪腰嘅分量嚟替代猪膶，即系“少块膶，多咗肾（侲）”。
04
【乱噏廿四】“噏”指众人嘅声音，词语中表示说话。“廿四”指廿四史，中国古代历朝撰写嘅二十时部史书总称。廿四史被视作正统，唔可以乱噉讲——乱噏廿四。
05
【跴亲条尾】“跴亲条尾”出自《易经·履卦》，原意系人应该小心循礼而行，就好似跴喺虎尾上面而唔畀老虎咬到，先可以亨通。试想一下，如果你去跴老虎条尾，老虎梗系唔妥你啦！“跴亲条尾”就用嚟形容得罪人啦。
注：吃你家大米原本专门回怼说自己胖的人，后来引申到回怼什么事情都可以。
06
【二打六】一种说法系话“二打六”即系“二搭六”，“搭”指加上，“二打六”就等于二加上六等于八，未够十足十，引申为可有可无。另一种讲法系来自戏班，二打六加埋得八两，喺戏班里面，唔够斤两嘅人只可以演无关重要嘅角色。
07
【三分颜色上大红】以前嘅颜料色种系用自然物料嚟调制嘅，比如话调红色颜料，就要用朱砂，朱砂放得越多，颜色就越红。如果只用三成朱砂嚟调制，梗系冇可能调出大红色啦。
08
【豆泥】广府人做饼嘅馅料通常有莲蓉、豆沙同豆泥。豆沙系指用红豆去皮存沙做成嘅馅，豆泥则系用黄豆做成嘅馅。呢三种馅料中，莲蓉卖得最贵，豆沙次之，最平系豆泥。所以一啲唔上得台面嘅嘢就会被叫成“豆泥”。
△本文插画仅供羊城网使用！
因为时代更替，网络发展
一啲热门嘅网络流行语渗透到广州人生活中
好多小朋友 甚至系年轻嘅大朋友
“装逼”、“扯淡”张口就嚟
但系对于粤语里面嘅潮语就冇深究
甚至会出现一无所知嘅情况
如果社会嘅脚步再行得快啲
系咪越嚟越多嘅粤语潮语会被忽视？
如果时间再过得快啲
系咪越嚟越多嘅粤语潮语会被更多人遗忘？
香港资深历史掌故专家苏万兴老师
将流行于省港澳地区原汁原味嘅粤语俗语
整理成《老饼潮语》系列图书
书中收录咗一部分
19世纪30年代至20世纪80年代嘅
盏鬼粤语俗语以及背后嘅典故
用书籍承载粤语潮语
令下一代有更好嘅途径
去接触、了解当中嘅文化意义
用书籍传承粤语文化
将呢啲生动而精辟嘅俗语
更广泛地传播，更长远地流传
用书籍介绍潮语典故
广东人对俗语嘅认识唔再停留喺表面
而系“以字成画”
遨游到俗语背后嘅趣味故事中
细细体味当中嘅地道文化
只有“知其然且知其所以然”
先可以真真正正感受粤语俗语嘅特有韵味
《老饼潮语Ⅰ》、《老饼潮语Ⅱ》
一共收录咗243个地道又盏鬼俗语
包含“盏鬼历史”、“啜核粤语”、“招积饮食”等
十大主题
▲《老饼潮语》部分目录内容
读者除咗可以阅读书入面嘅文字内容外
仲可以通过书后嘅光盘及二维码
收听由粤语主播陈健光讲解盏鬼俗语嘅语音
苏老师仲为读者准备咗潮语课堂
只要扫面书前面嘅二维码
就可以听到苏sir潮talk潮语文化！
《老饼潮语Ⅰ》
+
《老饼潮语Ⅱ》
作者签名版现正热售！
想了解风靡一时嘅粤语潮语，
长按识别或点击阅读原文
即可进入羊记杂货铺进行选购！
↓点击阅读原文，即可购买！