【港话】香港金融女的销售神器 —— 床单
最近准备同男朋友一齐住,咁当然要去睇日用品啦,其中一样要买嘅就系床单。
床单系中环都市传说,所谓床单并唔系你每日训个种,而系靠上床去拎一张订单。
每个人都有个价,有人会用二千万去卖初夜,对于我地讲好离地,但对中环人讲,只要有deal就合理,你点deal,无人理。
我公司楼上有间投行,江湖传闻其中有个女sales就系靠床单买到三层楼。
男友阿辉听完我讲一轮之后,佢又讲佢嘅故事,我都唔知点解佢会有咁多野讲……
“我以前做投行实习,同期有几个一齐做,大家一齐追个Target,讲真新入行边会追到,唯独是一个女仔,佢几个月已经爆咗几张大单返嚟。老板仲系成班同事面前赞佢,话第时一定要继续系度做。
一班新入职同事当然问佢有咩方法做到,而个女同事就话,我个方法你哋做唔到,俾我哋收风推测之下,都几肯定佢签嘅好多都系床单。
有日老板收到匿名电邮,有人话女同事签床单,然后老板拎咗封信出嚟讲:‘我唔理张单点签,有数返到我就欣赏,我理得你开几多晚通顶,呢度无人理过程,我哋只问成果。你个客有日见到投资回报唔得,你同佢解释几多都系废话,我哋只要Result!Okay?’
系,中环有好多easy deal,你叻仔又点?有个富二代世叔伯照住,佢食个饭就做到你辛苦n年都无咁成果。
投行请interns都要睇佢住边,你住南区同住北区,成绩一样面试屈机都唔会有机会,因为天生你就有本钱。
上司同老板唔会理你张单通几多晚顶去完成,即使你训一晚就有单返佢都唔会过问。
笑贫不笑娼系中环现实。
香港胜在有ICAC?有,好过无,当银码去到一个数目,你总有方法去用“合法”方式私相授受。
而床单就系其中一种无得捉嘅交易,一楼一都可以放蛇,“两情相悦”“情到浓时”然后被下体支配而作出选择,点拉?”
听完佢讲一轮之后,我好无奈咁讲句:“其实……我哋买张床单姐……唔驶咁认真吗?”我睇得出阿辉对呢个社会好大控诉,不过人在中环就系咁,所以佢亦唔再留系呢行。
二千万卖处,有人卖,有人买就是合理,或者每日社会都会发生无数类似嘅肮脏交易。
最恐怖系,有人将呢种事肮脏交易放上明面若无其事,呢点先令人可怕。
(完)
推荐文章:(点击图片即可阅读)
《一百蚊的温暖》
《我成日谂,香港人系咪真系忙到咁?》