其他
又一个「獨人」倉卒出逃
又多一個「獨人」走佬！曾在中大校園內以「支那」字眼辱罵內地學生、不斷宣揚「港獨」的前中大學生會會長周竪峰，昨日在Facebook發帖，承認自己上月25日已「倉卒出逃」離開香港，目前身處加拿大。
點解要「倉卒出逃」？唔知係巧合定係預先安排，「獨立媒體」昨日咁啱推出周竪峰逃亡前的專訪，當中提到周竪峰曾經在黑暴期間參與「7·1」衝擊立法會事件，事後還一度出逃至日本，躲避香港警方追捕，原本計劃在日本停留半年，最終逗留兩個星期左右便回港。而周竪峰亦在fb中承認，近日見到攬炒派譚文豪等人提堂而「感受萬千」，並反覆問自己：「如果坐喺被告席嘅係我，我又究竟會點樣抉擇？……好懦夫地，我寧願選擇走，都唔想去面臨一個咁樣嘅挑戰。」
講咁多，實情咪係畏罪潛逃！「很對不起各位兄弟，對不起各位手足，希望大家原諒我的懦弱。」周竪峰字裏行間流露出的蒼白無力、戰戰兢兢，同佢以前在同學面前的囂張跋扈、黑暴亂港期間暴力衝擊的形象，簡直判若兩人。
而就在上月15日即逃離香港前夕，周竪峰舉行「犯聚」結婚派對，多名畀面到賀的攬炒派區議員合共約28人都被警方當場票控。婚後不久就要背井離鄉，如今正如周竪峰自己所講，「短期內仍有一瓦遮頭三餐餬口」，淪落至此，又何必當初呢？
相關版面
往期推薦