[申情申音]老酒渳渳，味道嗒嗒

作者：罗建平 

改编、朗读：麦小姐

图片来自网络

[上海话版]

    表示欱茶、欱酒、欱水个动作，普通话里多用“喝彩”个“喝”，而上海人通常是讲“欱”。不过，上海言话里个“欱”，为了表现伊微妙个情态，还用到了一个勿大常见个字，就是“渳”。譬如讲，欱一口茶、水或者酒，上海人蛮多会讲成功“渳一口”，虽然讲了多，但写起来是阿里个字，就未必人人侪晓得了。“渳”个意思是小口品，而勿是大口饮，特别是辣吃茶个辰光。搿点倒是帮茶道勿谋而合，所谓品茶，就是通过品味，来达到品位个。

    葛末为啥上海言话里要用搿个有眼冷僻个“渳”字呢？让我从伊个形、音、义几方面，来帮大家一道研究研究看。“渳”从水，音弭，有消弭、静止个意思。而“弭”，从耳，其实是指弓个两侧固定弓弦个地方，像两只耳朵，还有眼翘法翘法个样子。“弭”个本义为弓末，由此引申为末端、结束、消弭等含义。

    问题是，“弭”加上三点水，为啥为变成欱水个意思呢？欱水是勒辣消弭眼啥个物事呢？阿拉可以来想想看小口欱茶个嘴唇动作：轻轻叫用嘴巴嗍一点点茶，然后上下嘴唇皮一脗，嘴角一压，自然生成了一条沟。搿辰光嘴巴个形态邪气像一张弓，尤其是上头个嘴唇皮，赛过是一张平放辣盖个弓，而嘴巴脗牢辰光嘴角压出来个沟纹，则像是搿张弓个耳朵一样。

    让阿拉再来看看“渳一口”个搿只嘴部动作，脱“弭”字所表示个收弓形态极其相似。“渳”之品茶，其品味之貌，沉思之状，栩栩如生，跃然纸上，真是忒形象了！外加“渳”搿个字，是唇音，体现了上下嘴唇咬合个画面感。埃张拨虚化个弓弦，对应了口腔里向“神秘兮兮”个舌头，借由“弭”搿只动作，做出品味个“裁判”。

    聊到此地，我又想到一个上海言话里向帮嘴唇咬合动作搭界个字，叫做“嗒”。比方，吃一小口老酒，阿拉讲“嗒眼老酒”；试一试小菜个味道，阿拉讲“嗒嗒味道”。“嗒”，表示轻微个舔尝，嘴巴稍为张开一眼，只舌头迓迓叫伸出来，不过基本浪向是看勿到个，因为伊拨上下嘴唇皮包牢了。“嗒”所表示个就是搿只动作，搿只意思。

    从字形高头来看，“嗒”，从口，当然是嘴巴个动作。伊个奥妙是辣辣右边个音旁----“荅”，同“答”，本义为小豆，借义为酬答。其音为合，回合、回答也。再深入展开一下，如果拿上下嘴唇皮看做“天地关系”，葛末“嗒”，是勿是还有种“天地之交，云雨之情”个意思呢？仔细想想，也是蛮有劲个唻！

    辣“嗒”个“天地关系”里，最为独特个，实际高头是“天地”之间个“人”，所谓天时地利人和。“人和”，即人合，合出味道来！而对应到阿拉嘴巴里个“小世界”，此地“人合”个代表，就是埃条“伟大个舌头”了！

    “渳”跟“嗒”搿两只“欱”个动作，辣上海言话里向，是互相关联、相辅相成个，生动细腻个体现了品味个过程脱情感，并且将茶道之道，融入其中。辣品茶之余，我勿由个感叹方言里向个文化魅力，以及埃种丰富深刻个心理原型。当阿拉讲“味道嗒嗒”个辰光，侬个嘴唇皮就是天地个张合，而“人合先生”于此间，舔天舐地，儒雅登场！

作者简介：

罗建平教授

1961年生于上海，哲学硕士，毕业于复旦大学哲学系。

现为华东理工大学社会学院教授，硕士生导师，公共管理与政策研究所所长；兼复旦大学心理研究中心梦心理专家、国际易学联合会国际交流部副主任、上海市生产力学会常务理事，曾为《中医文化》杂志专栏作者。

主要著作：

《全球战略管理》（1997）

《夜的眼睛—中国梦文化象征》（2005）

《汉字原型中的政治哲学》（2008）

《汉字中的身体密码》（2011）

《汉字情》（2016年）

[原文]

    喝茶、喝酒、喝水，通常都用【喝】。但是沪语中的喝，意蕴微妙，启用了一个不常见的字【渳】。譬如说，喝一口（水、茶或酒），沪语都说“渳一口”，想必大多数上海人不会写这个字（最多写成“咪”了）。渳一口，就是一小口的品味，不是大口喝，特别是喝茶时。这符合茶道。所谓品茶，通过品味达到品位的。

    为什么沪语要用这个有点生僻的渳字呢？这还得研究一下“渳”的字形音义。【渳】从水，弭音，有消弭，静止的意思。弭，从耳，其实是指弓的两侧固定弓弦的地方，像两个耳朵，微微翘起。弭的本义为弓末，由此引申为末端、结束、消弭等含义。

    问题是，弭加上水，何以变成饮水的意思呢？饮水在消弭什么呢？我们想象一下微微地呷一口茶的嘴唇动作：轻轻地用嘴巴汲取少许水或茶，而后上下嘴唇一闭，嘴角一压，自然生成一个沟。其时嘴巴之形非常类似弓形（尤其是上唇有如平放的弓），闭嘴时嘴角压出的沟纹如同弓两侧的耳。

    这样我们再来看渳一口的嘴部动作，与弭的收弓形态极其相似。“渳”之品茶，其品味之态，沉思之状，栩栩如生，跃然纸上，太确切了！。【渳】念mi，为唇音，体现了上下嘴唇咬合的态势。此刻，那个被虚化的弓弦，对应着口腔里神秘兮兮的舌头，它借着弭的动作，做出品味的“裁判”。

    嘴唇的咬合动作，沪语还有一个相关的字，叫【嗒】比如，嗒眼老酒（尝一小口老酒），味道嗒嗒（尝尝味道）。嗒，表示轻微的舔尝，嘴巴微微张开，舌头悄悄的伸出，但基本上看不到，被上下唇裹住了。嗒，表示的就是这个动作，这个意味。

    从字形上看，嗒，从口，当然是嘴巴行为，奥妙在于其右边的音——荅。荅，同答，本义为小豆，假借为酬答。其音为合，回合、回答也。在【嗒】字，则体现为上下嘴唇的回合、回答——砸吧砸吧的回味啊！如果把上下嘴唇看做天地关系，那【嗒】便是天地之交，云雨之情，多得意啊！

    【嗒】的天地关系，最为殊胜的，其实是天地之间的人，所谓天时地利人和。人和，即人合，合出味道来。好了，我们就请出那位人合先生——伟大的舌头！

   【渳】与【嗒】相辅相成，是沪语中相关联的啜饮动作，生动细腻地体现了品味的过程和情感。茶道之道，恐怕也在其中吧。在品茶之余，笔者不由感叹，方言中的文化魅力，那种丰富深刻的心理原型。当我们说【味道嗒嗒】时，你的嘴唇就是天地的张合，人合先生舔着天地的儒雅登场！

我们最近还发过：

【申情申音】本栏目以沪语朗读为主打，文字来源可原创，也可选取其他老师的优秀文章进行适度改编（尽量取得原作者的授意，如暂未能及时联络得上，也将尊重其原文著作）。

申音悠悠，好文共赏。

本公众号发布内容（包括音频及未注明“来源”的文字、图片）皆为原创，作者保留对作品的著作权。未经授权允许，不得擅自转载。

如有需要转载或其他工作邀约：

可添加微信号：Leslie_0207 

或邮件：[e-mail]

多谢您的支持和欢喜！