方言与景点（音频） | 咩话？广州有几只石狮开口讲嘢！

（一）

最近，呢两只狮子兄弟好火

殊不知

陈家祠门口嗰两只石狮唔愤颈

“兄台，我地企佐咁耐，点解仲无人地火啊？”

其实佢地平时无咁百厌

样系生得有少少出奇

但喺欢迎游客和吓走牛鬼蛇神时

仲系好尽职尽责

不过陈家祠里面

头壳顶呢只就有滴凶神恶煞

“望咩望，未望过靓仔啊？”

而喺农讲所里面

呢只就得意好多

“铲屎的，还不给我吃的？”

不过喺中大

呢只石狮就生得比较喜庆

最主要系

佢好企唔企

企喺人地中山大学人类学系学院门口……

仲趷起个屎窟……

原来背后呢栋楼叫马丁堂

当年从一个旧庙中找来前面呢头石狮

此石狮为典型的“南狮”形象

采用圆雕、浮雕、线刻等技法

蹲姿回首，口含飘带，生动灵巧

（解释来源百度，有错唔关我事）

真系唔方唔生动灵巧……

综上所述

广州滴石狮

加上文案一样分分钟可以做表情包

（二）

好多外省朋友仔钟意粤语

好大程度上

系因为粤语充满市井味道

够晒盏鬼

北京路上有几座雕塑

话要教大家讲翻几句地道噶粤语喔

肥仔强倒转只锅话

“个天热到出汁咁，但只锅点解就不会出汁捏，好颈渴啊”

凉茶铺老王就话

“天口hing，整翻杯凉茶解下暑啦”

隔离明仔拎住大桶水

细细声讲

“等我担埋桶水就问妈纸拿3毫纸，去买糖仔食”

再过少少呢

有一幕就搞笑啦

有个外国朋友仔想买雀笼里面只雀，就问：

“How much is the bird?”

陈伯以为佢赞自己只鹦鹉

就牙刷刷啦：

“呢只鹦鹉好厉害噶！

识港free种话！

白话、煲冬瓜同埋鸡肠三种！

俾人仲叻！”

Em…真系鸡同鸭讲

既然识鸡肠

咁外国人同鹦鹉倾计算了

（三）

今日心情唔靓，一支公行去沙面散下步

之所以一支公

就系唔想俾人打扰，整理下情绪

喂喂，边个允许你影相噶

我知我型仔，都唔使咁猴擒吧

你……你老婆仔女喺后边睇住噶

家阵滴人，真系无眼睇了

弊家伙，三个靓女迎面而来

失策，失策

今日急急脚出门唔记得梳头

睇我唔到，睇我唔到

走人……

啊，又睇到青梅竹马噶画面

两小无猜，真系好

不过女仔隔离嗰只狗仔

眼神有滴唔妥……

好似喺度话：

“哼，抌低我呢只单身狗喺一边”

突然间我发觉，我同呢只狗仔好有共鸣

难道我地心有灵犀一点通？

（四）

广州仲有好多盏鬼噶景点

之所以整到咁得意

背后会有建筑师、艺术家

甚至城市规划者噶一番心血

摄于云台花园

生活喺呢个咁多姿多彩噶城市

喺广州仔噶骄傲

我地亦好欢迎世界各地噶游客

一起探寻越来越有味道噶广州风情

广州欢迎你~

摄于雕塑公园

作者：harry

审读：陈嘉乐

责任总编：老甘

图片来源网络，侵删

投稿邮箱：[e-mail]

往期热文：

语言资源快讯

没时间解释了，快长按左边二维码关注我们吧～～

苹果用户赞赏专用