秋日的无花果树 作者：高明昌 改编：杨张悦 朗诵：高佩明 摄影：成鋆、张文海

真勿晓得母亲啥辰光种了一棵无花果树，晓得个辰光阿，是母亲往我手里向塞无花果个辰光。母亲讲，自家种个，自己个树浪生个。我问母亲为啥要种无花果，母亲讲是我讲过欢喜吃无花果个闲话。迭个闲话讲过勿讲过我是彻底忘记脱了，但是母亲记牢了，记牢了不算数，还种了，种了不算数，无花果真个是开花结果了，现在是辣辣吃了。

也就辣辣埃个辰光才晓得：即使儿子六十岁了，辣辣母亲眼光里向，儿子还是小囡，是不管岁数大小个；而伊则永远是个大人，也是不论岁数大小个。

晓得脱明白迭个道理，觉着自己个一生是邪气个幸福，同时觉着母亲一世忒辛苦了。

今年个深秋，父亲住医院了。住院个父亲特别想念母亲，伊对我讲，去接侬母亲来（口+伐），我去接了。走到客堂个门口，看见八仙桌浪向有得几只圆润而又鲜红个无花果，散松个装辣辣薄薄个保鲜袋里向，我问母亲，是侬采个？母亲讲，嗯。母亲哪能晓得我会得回来个呢？母亲淡淡个一笑，儿子来勿来屋里厢，做娘个心里一定是清爽个。

后来个一次回去阿，我对母亲讲，我自己去采，母亲同意了。我去了，跨过场角，看见了无花果树，迭个是一棵碧绿生青个树，辣辣满是蔬菜个田园里向还真个分辨不出来。无花果树个树叶脱仔象形个“山”字差不多个样子，伊拉朝天张开着，上下参差不齐，一叠一叠个，密密麻麻，遮住了树根，侬是看不到树根个。其实，树根不重要，因为枝条浪向生满了青色脱殷红个无花果，伊拉像一只饱满个花铃子，稳稳地贴辣枝条个边浪向，呒没半点声响，连同伊拉个影子，一同让树叶盖住了，风吹过，树叶抖动了，无花果个身浪向才掠过几丝阳光。

无花果一批又一批个成熟了，今朝看上去青色个果子，明朝就成了淡红颜色了，所以辰光邪气重要，也可以吃很长个时间，但摘下一只无花果，树浪向就少了一只无花果，迭个也是事实。摘与不摘，多还是少，无花果树却依旧碧绿，树叶依旧常青。

我特地弯腰看了看无花果树个根，根勿粗，比枝条粗一半，颜色蜡黄，有点地方像是铁锈个斑痕，越是离地近个根阿越是粗，颜色越是钝。钝得像一根嶙峋个树干，弯弯曲曲，粗粗细细，一眼也不好看，但到了枝条地方就是绿色个枝，就伸直起身体，一直向上生长。我有点怀疑，迭根去哪能够托举起枝条，还能让枝条横生出交关美丽个果实呢？

看到迭个一些树，望着眼前个无花果，转身看到了忙碌个母亲，母亲问：侬采到了呒没？我高声回答：采了交关。母亲叮嘱我讲：嗯，生个无花果让伊拉再辣树浪向多长几天！

突然觉着母亲迭个一句“生个无花果让伊拉辣辣树浪向再多生长几天”个话当中有得交交关关个含义啊。

《秋日的无花果》首发于2016-11-17《新民晚报》“夜光杯”，后多家纸媒竞相转发，2017年奉贤区第三次语文模拟试卷“现代文阅读题”选用了《秋日的无花果》。

文章来源： 高明昌原创散文（公众号：gmcdswsj）

作者简介：高明昌，上海市奉贤区青村镇海边村人，中学语文高级教师，奉贤区第二届名教师，上海市作家协会会员，散文作家。出版散文集《鲜花开在远方》《你是我今生的宝藏》；教育教学时文《高明昌教学散论》；文学评论《读你千遍不厌倦——中学生六行诗评注》；作文指导丛书《阅读借鉴模仿创作》（初中生作文进步方法论）。2013年起单篇散文在《解放日报》、《文汇报》《新民晚报》等报刊杂志发表。部分作品相继被《意林》《读者》《阅读文摘》《北京文摘》和《人民日报海外版》等报刊转载和编入丛书，10余篇散文入选中学生语文阅读命题。