一个可爱个新西兰瓜农 作者：王胜扬 改编：丁迪蒙 朗读：牛美华 摄影：汤高扬

辣拉新西兰个第一大城市奥克兰，品尝了交关好吃个新西兰水果。

比较下来啊，最爽口、好吃个要算是红瓤哈密瓜搭子黄瓤西瓜了。迭个两种瓜只要切开来，色泽鲜艳，瓜香扑鼻，一口咬下去，既松脆香甜又勿腻。吃到了，就会得一直想着伊。

朋友告诉我，介好吃个瓜侪是出自新西兰个瓜农Vincent（文森）之手。文森今年已经70岁了，伊有一手种好瓜个技术，更加叫人服帖个，是伊采瓜、选瓜个本领。无论是阿里种甜瓜、西瓜、哈密瓜，伊只要用手一掂，一拍，用耳朵一听，就可以辨别出瓜个生熟搭仔好坏。伊凭迭一手超人一等个本领，保证瓜园里送出去个每一只瓜果侪是高质量个。所以啊，伊个果园辣新西兰市场浪向声誉极好，瓜果始终供勿应求，新西兰个蔬果批发市场天天有交关人争先恐后地抢购伊个产品。多少年来，文森老先生始终是坚持只能让优质瓜上市个原则。按照伊个理念，伊个瓜园勿好有一只瓜对勿起吃客。

朋友告诉我，辣拉新西兰，具备文森迭能样子种瓜本领个人还是勿少个，但具备文森迭能样子挑瓜选瓜本领个人还是极少个，而始终坚持“勿让一只瓜对勿起吃客”理念个，则是少之又少了。

一边品尝瓜个味道，一边听文森个故事，勿由得对迭位身浪体现工匠精神个新西兰瓜农产生了恭敬、敬佩之情。