《兮洋小文》------乘风凉 作者：徐亦 改编：晨音、张林龙 朗读：牛美华

“乘风凉”迭个词啊辣我伲生活当中一眼眼谈出了；现在个人，一到夏天啊，就迓辣屋里相孵空调了；也难怪，我伲60后搿一代人，小辰光还呒没看到过空调，更何况伊个辰光，天好像还呒没介热。

老早辰光，“乘风凉”是大热天上海街头夜里个一道风景线：弄堂里，小区楼底下，一到傍晚辰光，太阳西沉，就有穿着汗衫平脚短裤个“头势”清爽个爷叔，端一盆水，辣辣门前个水泥地浪，或者依树而立，沷水净尘降温。

三三两两，东家个爷叔、西邻个小囡们，抬桌搬櫈，团团摆开。

待等太阳完全没了，东家个男小人赤着上身，湿露露个窜上櫈子；西家个小姑娘甩着头发梢上个水珠，文静个坐到椅子浪。

张家姆妈端菜拿碗，招呼着屋里个人；李家爸爸索性托着蓝边大碗，尖尖个白米饭浪堆着豇头茄子，手里还拿着印有“抓革命，促生产”搭单位名称个大号搪瓷杯子个茶水，边吃、边看、边东家-西家个茄山河。

气性大个，边吃边嘴巴里勿停个，交关本色；脾气性温个，糯糯个招呼着隔壁邻舍来尝尝小菜味道，交关温婉；大大列列个则是东家一挟，西家一筷，边吃边啧啧称赞；难得，碰着落雨了，气性大个，往往抢着先搬邻居屋里个台子凳子咾啥冲进楼，最后再来拿自家淋湿了个椅子咾啥回转去。

吃着，聊着，整栋楼、一条弄堂，三五成堆个侪出来坐了。

夏夜初临，风拂气爽；有大人取出冷水浸过个西瓜，一刀一块，坐者人人有份；小弟弟、小妹妹们开心个跳来蹦去，传递着西瓜；“噢唷，勿够嘛，小民姆妈，还有两只一道拿来”，切瓜个说；“小民阿爸，勿要了”，大人辣回应；小囡们却是团团个围辣小民阿爸边浪；于是，两只、三只，切光了事。

大部份辰光，姆妈们收拾好餐具，让小小囡睏辣椅子里，摇着蒲扇，有一搭呒一搭个茄山河。

有高年级学生仔，团团围起，每日故事会就开始了；有成绩好个、偏文科个、或者看了勿少书个男同学开讲：西游、水浒、聊斋；语言稚嫩，却也绘声绘色；讲着讲着，停了下来，作一个嘴巴干个样子，马上就有故事迷快快个送上一瓶盐汽水，拿过来，大口大口个灌下去，边上人咽着馋唾水，等着快点开讲；盐汽水吃光，嘴巴一揩，空瓶一还，交关豪爽，故事继续讲下去。

有个小姑娘怕难为情个拉着小姐妹一道听，听到妖女书生个人鬼情未了情节，满面个憧憬搭惊悚；男小人则是拉牢讲故事人，非要辩清孙悟空搭牛魔王到底啥人更加厉害。

夜深了，星星出来了；有调皮个小家伙嚎叫：鬼来了！只听见搿些小囡齐刷刷个尖叫：“啊”！

“小赤佬，吓人做啥”，阿爸姆妈必然会大声训斥调皮捣蛋鬼。

星星满天了，三三两两个，乘风凉人陆续侪回去了；还辣乘风凉个人，有个睏着了，有个声音低低个还辣讲闲话；难得有汽车开过，睏熟个人勿醒，轻睏个抬起头，看汽车尾灯闪跳着打只弯勿看见了，放下头，又睏了。

草丛里、树浪向，勿晓得名字个昆虫辣拉轻声细语；好像催眠曲，乘风凉人侪摇摇晃晃个起身，收起桌椅，拾净地面，回屋去。

地面浪又像沷水净尘一样个干净了。

第二日，依旧重复上演着同样个故事，倒是勿厌倦，也勿疲倦。

交关想念少年辰光个迭个一道风景线。

或者，当大家辣陌邻个水泥钢筋当中，华丽奢侈个生活着个辰光，是勿是会想念老早“乘风凉”夜里个风景呢？

也或许，交关无奈。

但我想，一定会有人期待着。

只要期待，就有希望。

                                    写于2017年夏

普通话版：《兮洋小文》------乘风凉

作者：徐亦

曾几何时，“乘风凉”这个词己经不在生活中出现了；现在的人，一到夏天，便躲进家中孵空调了；也难怪，我们60后这一代人，年少时还没见过空调，更何况那些年，天好像还没这么热。

那时候，“乘风凉”是夏日上海街头夜晚的一道风景线：弄堂里，小区楼底下，一到傍晚时分，太阳西沉，就有穿着汗衫平脚短裤的“头势”清爽的爷叔，端一盆水，或门前的水泥地面、或依树而立，沷水净尘。

三三两两，东家的爷叔、西邻的小男孩，抬桌搬櫈，团团摆开。

待斜阳没了，东家小子赤着上身，湿湿的窜上櫈子；西家女孩甩着发梢的水珠，文文的坐到椅上。

 张家姆妈端菜拿碗，招呼着家人；李家爸爸索性托着蓝边大碗，尖尖的白米饭上堆着豇头茄子，就着印有“抓革命，促生产”和单位名称的大号缸的茶水，边吃、边看、边东家西家的聊。

气性大的，边吃边骂骂列列的，很本色；气性温的，糯糯的招呼着邻家来尝菜，很温宛；大列列的则东家一挟，西家一筷，边吃边啧赞；偶而，遇着下雨了，气性大的，往往搬了邻家的桌椅东西先进楼，最后了，才骂骂列列的拿着自家淋湿了的东西回家去。

吃着，聊着，整栋楼、一条弄，三五成堆的都出来坐了。

是时，夏夜初临，风拂气爽；有大人取出凉水浸久的西瓜，一刀一块，坐者有份；男孩女孩蹦跳着，传递着西瓜；“赤那，勿够嘛，小民姆妈，还有两只一道拿来”，切瓜者说；“小民阿爸，勿要了”，大人答；小童鞋们却巴巴的围在小民阿爸边上；于是，两只三只，切光了事。

大部份时候，姆妈们收毕餐具，让小小孩子躺在椅中，摇着蒲扇，有一搭呒一搭的聊。

有高年级童鞋，团团围起，每日故事会便开始了；或成绩好的、或偏文科的、或看了不少书的男童鞋开讲：西游、水浒、聊斋；语言稚嫩，却也绘声绘色；讲着讲着，便停了下来，作口渴状，便有故事迷快快的递上盐气水，接过，大口猛猛的灌，迷们咽着唾沫，急急的等着开讲；喝光，抹嘴，递瓶，童鞋很豪气，继续讲故事。

涩涩的女孩拉着小女伴一起听，听到妖女书生的人鬼情未了的情节，满面的憧憬和惊悚；小男孩则是扯住讲故事人，非要辩清悟空和牛魔王到底谁更厉害。

夜临了，星星出来了；有调皮的小家伙嚎叫：鬼来了！只闻男女童鞋齐齐尖叫：“啊”！

“小赤佬，吓人做啥”，调皮鬼的爸妈必厉声斥道。

星星满天时，三三两两的，乘凉人录续回家了；还在乘凉的人，有的睡着了，有的低低的语；偶而的有车驶过，重睡的不醒，轻睡的抬起头，看尾灯闪跳的拐弯不见了，放下头，又睡了。

草间、树上，不知名的昆虫低低的呢喃；仿佛催眠般，乘凉人都摇摇晃晃的起身，收起桌椅，捡净地面，回家。

地面如沷水净尘时一样的净。

次日，依旧重复演绎着同样的故事，却不厌倦，也不疲倦。

很怀念少年时的这一道风景线。

或者，当人们在陌邻的水泥钢筋中，华丽奢侈的生活时，会想念老早旧时“乘风凉”的风景么？

也或者，很无奈。

但我想，一定会有人期待着。

只要期待，就有希望。

写于2017年夏