ཨོ་རྒྱན་གསོལ་འདེབས་ཐུགས་དམ་གནད་བསྐུལ་འཇིགས་པ་ཀུན་སྐྱོབ་བཞུགས་སོ༔
༄༅༔ཨོ་རྒྱན་ཆེན་པོའི་གསོལ་འདེབས་ཐུགས་དམ་གནད་བསྐུལ་འཇིགས་པ་ཀུན་སྐྱོབ་བཞུགས་སོ༔
ཞལ་འདོན་པ།
རིག་དར།
ཨེ་མ་ཧོ༔
ཕྱོགས་དུས་རྒྱལ་བ་ཀུན་གྱི་ངོ་བོ་ཉིད༔
སངས་རྒྱས་གཞན་ལས་ཐུགས་རྗེའི་ཕྲིན་ལས་མྱུར༔
བོད་ཁམས་སྐྱོང་བར་ཞལ་གྱིས་བཞེས་པ་བཞིན༔
ཨོ་རྒྱན་རིན་པོ་ཆེ་ལ་གསོལ་བ་འདེབས༔
བཟོད་མེད་གདུངས་ཤུག་དྲག་པོས་སྙིང་ནས་འབོད༔
མི་མངོན་དབྱིངས་ནས་ཐུགས་རྗེའི་སྤྱན་གྱིས་གཟིགས༔
སྙིགས་མ་ལྔ་བདོའི་མཐའ་ལ་ཐུག་པའི་ཚེ༔
ཡུལ་ལྷ་ཡུལ་ཕུད་འབྱུང་པོས་ཤུལ་བཟུང་ན༔
གཞི་བདག་གནས་སུ་འཁོད་ཅིག་པདྨ་འབྱུང་༔
ནགས་ཕྱོགས་མི་དང་འདྲེ་བདུད་ཁ་དར་ན༔
དཀར་ཕྱོགས་དབུགས་དབྱུང་མཛོད་ཅིག་པདྨ་འབྱུང་༔
ཆོས་སྐྱོང་རྣམས་ཀྱི་དམ་བཅའ་བཏང་གྱུར་ན༔
དམ་ཚིག་ཕྱག་རྒྱས་ཆིངས་ཤིག་པདྨ་འབྱུང་༔
དམ་མེད་ཤི་འདྲེས་བར་ཆད་རྩོམ་གྱུར་ན༔
འདྲེ་རྒོད་དམ་ལ་ཐོག་ཅིག་པདྨ་འབྱུང་༔
སྐྱེ་འགྲོའི་ཤེས་རྒྱུད་བགེགས་ཀྱིས་བརླབས་གྱུར་ན༔
ཁ་ཁྲོལ་བགེགས་ཚོགས་བསྐྲོད་ཅིག་པདྨ་འབྱུང་༔
སྨོན་ལོག་དམ་སྲིས་བསྟན་ལ་བར་གཅོད་ན༔
དྲག་རྩལ་ཤུགས་ཀྱིས་སྒྲོལ་ཅིག་པདྨ་འབྱུང་༔
རྒྱ་འདྲེ་འགོངས་པོས་བོད་ཁམས་ཕུང་གྱུར་ན༔
མཐུ་སྟོབས་ནུས་པས་ཐུལ་ཅིག་པདྨ་འབྱུང་༔
མཐའ་བཞིའི་དམག་གི་མཚོན་ཁ་ལྡང་བ་ན༔
མཐའ་དམག་དུས་འཁྲུག་བཟློག་ཅིག་པདྨ་འབྱུང་༔
ལྷ་སྲིན་མ་མོའི་དལ་ཡམས་འཐིབས་པ་ན༔
ཐུགས་རྗེ་སྨན་གྱིས་སོས་ཤིག་པདྨ་འབྱུང་༔
འབྲོག་པ་ཕྱུགས་ཉེས་ཡུལ་བ་ལོ་ཉེས་ན༔
འབྲུ་ནོར་ལོངས་སྤྱོད་སྤེལ་གཅིག་པདྨ་འབྱུང་༔
ས་ཡི་བཅུད་ཉམས་སྐྱེ་འགྲོའི་གཡང་ཉམས་ན༔
བཅུད་གཡང་བྱིན་ཆེན་ཕོབ་ཅིག་པདྨ་འབྱུང་༔
བསྟན་དང་བསྟན་འཛིན་སྡེ་དང་བཅས་པ་རྣམས༔
དར་ཞིང་རྒྱས་པར་མཛོད་ཅིག་པདྨ་འབྱུང་༔
ཆོས་མེད་བདག་སོགས་འཁོར་བར་འཁྱམ་པ་ན༔
བདེ་ཆེན་ཞིང་དུ་དྲོངས་ཤིག་པདྨ་འབྱུང་༔
ལྟ་སྒོམ་སྤྱོད་པའི་གོལ་སར་འཕྱུགས་གྱུར་ན༔
དོན་དམ་རང་ངོ་སྤྲོད་ཅིག་པདྨ་འབྱུང་༔
འདི་དང་ཕྱི་མ་བར་དོ་ཐམས་ཅད་ལ༔
འབྲལ་མེད་ཐུགས་རྗེས་ཟུངས་ཤིག་པདྨ་འབྱུང་༔
མདོར་ན་ཐུགས་བསྔལ་ཉེས་ཚོགས་ཅི་བྱུང་ཡང་༔
རྟག་ཏུ་ཐུགས་རྗེས་སྐྱོབས་ཤིག་པདྨ་འབྱུང་༔
ཞེས་ཨོ་རྒྱན་རིན་པོ་ཆེའི་ཐུགས་བརྒྱུད་བསྐུལ་བའི་གསོལ་འདེབས་འཇིགས་པ་ཀུན་སྐྱོབ་མ་འདི་ནི་སྡེ་དགེ་རྒྱལ་པོའི་ཕོ་བྲང་ནས་དཔའ་བོ་ལས་རབ་རྩལ་གྱིས་སྦྱར་བའོ༔
དགེའོ༔
སྐྱབས་རྗེ་མཁན་ཆེན་པདྨ་དབང་རྒྱལ་ཀྱིས་ཞལ་གསུང་འཕོ་བ།
གཏེར་སྲས་རྡོ་རྗེ་དགྲ་འདུལ་གྱི་ཟབ་གཏེར་གུ་རུའི་བཀའ་བསྡུས།
མཁན་ཆེན་༧ངག་དབང་དཔལ་བཟང་གིས་རྣམ་ཐར་སྒྲ་ཆ་ཚང་།
ལྔ་བའི་བ་བཞིས་ལོ་རྒྱུས། ཨ་སྐྱབས་རྒྱལ་སྲས་ཚང་གིས་གསུང་།
སྙིགས་མའི་དུས་གསོལ་འདེབས་འདི་ལས་མི་ཟློག་པ་རྐྱེན་ངན་གང་ཡང་མེད།
དཔལ་སྤྲུལ་ནམ་མཁའ་འཇིགས་མེད་ཀྱི་ཟབ་གཏེར། ཡེ་ཤེས་ཐིག་ལེ་བཞི་བ།
རྫ་རྒྱལ་མཁན་ཆེན་འབུམ་པ་རིན་པོ་ཆེས་བཀའ་སློབས།
བླ་མ་རྒྱང་འབོད་མགུར། ༧ཆོས་རྗེ་དམ་པ་ཡིད་བཞིན་ནོར་བུས་མཛད།
རྫ་༧མཚམས་སྤྲུལ་རིན་པོ་ཆེས་ཞལ་གསུངས་བྱིན་ཅན།
མཆོག་སྤྲུལ་ལུང་རྟོགས་རིན་པོ་ཆེས་ཞལ་གསུངས་གནང་བའི་གཡང་འགུཊ་སོགས།
ཕ་བུའི་བརྩེ་དུང་གི་གཏམ་རྒྱུད།རྩོམ་པ་པོ་དང་གྱེར་མཁན།ཚེ་རིང་སྐྱིད།
གཅོད་ཡུལ་མཁའ་འགྲོའི་གད་རྒྱངས་རྒྱས་ཁྲིད་སྒྲ་ཆ་ཚང་།
གེ་སར་གསོལ་མཆོད་གསོལ་ལོ་རིང་མོ་བཞུགས།
དཀོན་མཆོག་རྗེས་སུ་དྲན་པའི་མདོ།
བློ་སྦྱོང་ཚིག་རྐང་བརྒྱད་མ་སྒྲ་ཆ་ཚང་། མཁན་ཚུལ་ཁྲིམས་བློ་གྲོས།
བདེ་སྨོན་ཆོས་ཁྲིད་པདྨ་རཱ་གའི་ཕྲ་ཚོམ་འཆད་འཁྲིད་སྒྲ་ཆ་ཚང་།
ཡུལ་མི་རྣམས་ལ་གཏམ་དུ་བྱ་བ་སྒྲ་ཆ་ཚང་།
བུ་ཕྲུག་ཚོས་ཕ་མ་ལ་དྲིན་ལོག་མ་བྱེད་རོགས།
སློབ་དཔོན་པདྨ་འབྱུང་གནས་གྱི་རྣམ་ཐར་བཀའ་བསྡུས་ཕྱོགས་སྒྲིག
གཙུག་ལག་ཁང་དུ་ལྷམ་གྱོན་པའི་རྣམ་སྨིན། འདི་ལ་གཟབ་མོ་ཉོན།
རྫ་རྒྱལ་སྒྲ་མཛོད་འཕྲིན་སྟེགས་སུ་ཕེབས་པར་དགའ་བསུ་ཞུ།