ཉེ་ཆར། གསར་འགོད་པས་རང་སྐྱོང་ལྗོངས་ལུས་རྩལ་ཅུས་ནས་ཤེས་རྟོགས་བྱས་པར་གཞིགས་ན། 2023ལོར་རང་སྐྱོང་ལྗོངས་ལུས་རྩལ་ཅུས་ཀྱིས་སྒོར་དུང་ཕྱུར་3.45བཏང་ནས། སྡེ་ཁུལ་དང་ཤང་དང་གྲོང་རྡལ་གནས་ཡུལ་གྱི་སྤྱི་པའི་ལུས་རྩལ་སྒྲིག་བཀོད་འཛུགས་སྐྲུན་ལ་གཙོ་གནད་ཐོག་སྐུལ་འདེད་དང་། མཐའ་མཚམས་ཀྱི་འཐབ་ས་དང་པོ་དང་། ས་བབ་མཐོ་བའི་ས་ཁུལ། ཐག་རིང་ལུང་ཁུག་གི་ཞིང་འབྲོག་ཁུལ་བཅས་ལ་གཟིགས་སྐྱོང་བྱེད་ཤུགས་ཆེ་རུ་བཏང་བས། ལུས་རྩལ་ལུས་སྦྱོང་སྒྲིག་བཀོད་ཀྱི་གྲངས་འབོར་རྒྱུན་མཐུད་ངང་མང་དུ་ཕྱིན་ཡོད། 2024ལོར་རང་སྐྱོང་ལྗོངས་ལུས་རྩལ་ཅུས་ཀྱིས་ལུས་རྩལ་སྤྱི་གླིང་གི་རྣམ་གྲངས་འཛུགས་སྐྲུན་དོན་འཁྱོལ་ལ་མུ་མཐུད་ཤུགས་སྣོན་བརྒྱབ་ནས། 2024ལོ་དང་2025ལོར་ལུས་རྩལ་སྤྱི་གླིང་17སྐྲུན་རྒྱུའི་དམིགས་ཚད་ལས་འགན་ཚད་བརྒལ་ངང་ལེགས་སྒྲུབ་བྱེད་རྒྱུ་ཡིན་པ་མ་ཟད། སྤྱི་པའི་ལུས་རྩལ་ཁང་སྤྱི་ཚོགས་ལ་རིན་པ་མི་དགོས་པའམ་ཡང་ན་རིན་པ་དམའ་པོས་སྒོ་འབྱེད་པར་སྔར་བས་སྐུལ་འདེད་གཏོང་རྒྱུ་ཡིན་པ་རེད།