粵語卡通 | 醫生，個小朋友䟴ngan脚呀（數下廣東話嘅常見病症）
中級班睇影片步驟：
1.成篇睇一次，了解整體。試住複述一次主要內容。
2.重新睇一次，可以暫停，記住主要信息（每個病征及病嘅名，注意發音）。
好心機嘅同學，可以留言講下你覺得得意或者常見嘅症狀。都可以整理下中級班課本嘅詞彙發上嚟，自己寫過印象深刻好多嘅~
3.再整體第一次，詳細咁複述一下。
4.同同學講下呢啲症狀應該去睇咩科。
祝大家身體健康，冇病冇痛，百無禁忌。
呢啲生僻字點打？用粵語拼音輸入法，講咩就打咩，而且有聯想詞彙，容易打正確嘅字詞。
小朋友䟴腳呀
麥太：醫生啊，個小朋友䟴腳呀！醫生：吓? 麥太：我話個小朋友成日䟴腳呀! 醫生：咁...關我咩事呀? 麥太：你係醫生丫嗎！醫生：咁點呀? 麥太：咁咪醫囉！內外全科丫嘛你！... 醫生：唔好意思，內外全科,唔包䟴腳！麥太：吓?咁內外全科包D咩架? 醫生：一般嘢囉！麥太：點一般法呀? 醫生：普通病囉！麥太：點普通啊? 醫生：普普通通頭暈身興咁囉！麥太：仲有呢? 醫生：仲有小兒驚風、外感發冷、無名腫毒、外傷骨折、四時感冒、腰酸背痛、小便不暢、脂肪積聚、性慾減退、大頸泡、大眼肚咁囉！麥太：仲有冇呀? 醫生：仲有嗰D皮膚痕癢、精神緊張、健忘失眠、暗瘡、頭皮、飛滋、小腸氣、腎水不足、頭暈耳鳴、口乾舌燥、生蛇生鱔、屁股生瘡、尿頻、雞眼、胃酸過多、膽固醇過高、吐血嘔奶、鼻塞塞嗰D囉！麥太：仲有呢? 醫生：仲有發嘔竇、發雞盲、發瘟發ti騰、飛蚊症、發耳賺、口淡淡、面青青、生蟲生積、車胎肚、鬼祟肉、拜 拜肉、出水痘、生鼓脹、禿頭、大冇腦、大眼叮噹、蚊叮蟲咬、鴨那腳、䟴腳、主婦手、香港腳... 麥太：哦!你講左䟴腳！醫生：我幾時有講䟴腳呀? 麥太：我聽住你話䟴腳架啦！醫生：我先至唔會！麥太：拿你明明話發嘔竇、發雞盲、發瘟、發ti騰、飛蚊症、發耳賺、口淡淡、面青唇白、生蟲生積、車胎肚、鬼祟肉、拜拜肉、出水痘、生鼓脹、禿頭、大冇腦、大眼叮噹、蚊叮蟲咬、香港腳、鴨那腳、同埋䟴腳啵！
醫生：我點會咁講呀? 麥太：咁你講咩呀? 醫生：講緊D普通野囉! 點普通呀? 普普通通傷風咳嗽囉！麥太：仲有呢? 醫生：仲有嘔黃膽水、夜尿、打乞痴、流鼻涕、扁桃腺炎、腳丫痕癢、骨質疏鬆、胃腩下垂、打思it！麥太：好似仲有啵！醫生：仲有依個懵口懵面、戚眉戚眼、耳後見腮、尖寒尖凍、肌肉酸痛、姣C燉篤、風濕骨痛、喉嚨腫痛、冤頭縮頸、腰長腳短、心神恍惚、腳仔軟軟、柯爛bat、發牙痕、汗多潮熱、脫髮甩毛、前列腺發、大眼叮噹、發嘔竇、發雞盲、發瘟、發ti騰、飛蚊症、發耳賺、髀擘擘、眼啤啤、鬼祟肉、拜拜肉、痴孖筋、長短腳、鴨那腳、主婦手、䟴䟴腳、香港腳... 麥太：拿！又講䟴腳啦！又講啦！醫生：唔，我睇你真係發耳賺啵！
另外附上新冠肺炎嘅十大症狀。大家都可以複述一下。
而家可能會有新嘅變異。大家都注意身體，多鍛煉~
上面嘅影片係普通話字幕，正確學習粵語姿勢請睇↓↓↓
长按以下二维码，关注公众号，查看menu“一德路”海味干货一条街，粤语、音韵干货陆续有更新。如果你有干货，欢迎来稿。
另有“光辉岁粤”栏目，介绍广東的人和事。也欢迎大家来分享。
點擊圖片查看以下专辑，总有一款适合你。
粵語歌曲
粵拼大講堂
唐詩宋詞音韻
漢賢粵語漫畫
大數據推送以下鏈接畀你：
【粵音朗讀測試】外地人的粵語能學得多好？本地人就讲得好？
我們的征途是星辰大海