བླ་མཚོ་དང་རི་སྐྱེས་སྲོག་ཆགས།
༢ བོར་སོང་བའི་ལུག་དེ་དག་གང་ལ་བུད་སོང་བ་ཡིན་ནམ།
ཕྱུགས་འཚོ་བ་ནི་འབྲོག་ཁུལ་དུ་རྒྱ་ཆེར་གནས་པའི་སྣང་ཚུལ་ཞིག་ཡིན།འབྲོག་པ་ཚོའི་བློ་ངོར་འབྲོག་ཁུལ་གྱི་ཁྱིམ་ཚང་སོ་སོ་ནས་ལུག་འཚོ་སྐྱོང་བྱ་དགོས་སྙམ།ཐེངས་འདིའི་བརྟག་དཔྱད་བརྒྱུད་ང་ཚོས་ཤེས་རྟོགས་བྱུང་བ་ནི་ཁྱིམ་ཚང་ཕལ་མོ་ཆེའི་ལུག་ཉུང་དུ་ཕྱིན་ཡོད་པ་དང་།ཐ་ན་ས་ཆ་ཁ་ཤས་སུ་ཕྱུགས་འཚོ་སྐྱོང་མི་བྱེད་པའང་བྱུང་འདུག་པས་ན།ལུག་ཚང་མ་གང་དུ་བུད་སོང་ངམ་ཞེས་ཐེ་ཚོམ་དང་བཅས་ཁྲུའུ་དང་པོའི་འབྲོག་པ་ལ་འཚམས་འདྲི་བྱས་རྗེས་ད་གཟོད་དྲིས་ལན་རྙེད་པ་སྟེ་མ་གཞི་ལུག་ཡོད་ཚད་ཚོང་རར་བུད་སོང་བ་རེད།
རྡོ་ཟོང་ཡུལ་ཚོ་བྱ་དར་སྡེ་བའི་ཨ་ཁུ་བློ་གྲོས་ཀྱིས་བཤད་རྒྱུར།བསྡོམས་རྩིས་བྱས་པ་ལྟར་ན།༢༠༡༢ལོར་རྨ་ལྷོ་སོག་རྫོང་ཡོངས་ལ་ལུག་ཁྲི༧༠ལྷག་ཡོད་མོད།ཉེ་བའི་ལོ་འདི་དག་གི་ནང་དུ་མར་ཆག་ནས་ཁྲི༢༠གཡས་གཡོན་དུ་ལྷུང་འདུགལུག་ཉུང་དུ་ཕྱིན་པ་ལ་རྒྱུ་རྐྱེན་གཉིས་ཡོད་དེ།དེ་ཡང་ཆེས་གལ་འགངས་ཆེ་བ་ནི་ང་ཚོའི་ཉེ་འཁོར་གྱི་སྤྱང་ཀི་ཡི་ཁ་གྲངས་ཇེ་མང་དུ་སོང་བས་ལོ་གཅིག་གི་གོད་ཀ་ཡང་འདི་ལྟར་མི་ཉུང་བ་ཞིག་ཡོད།མ་ཟད།མི་རྣམས་རྔོན་འཛིན་ལ་མི་དགའ་བས་ནོར་འཚོ་སྐྱོང་བྱེད་པ་ལས་ལུག་འཚོ་སྐྱོང་བྱེད་པར་མོས་མཐུན་ཡོད་མ་རེད།གཞན་རྩ་ཕྱུགས་དོ་མཉམ་ལམ་ལུགས་ལའང་འབྲེལ་བ་ཡོད་དེ།དེང་དུས་ཚད་བརྒལ་གྱི་ཕྱུགས་འཚོ་བར་རྒྱབ་སྐྱོར་མེད་པའང་གཅིག་རེད།མ་ཟད་ངལ་རྩོལ་ནུས་ཤུགས་ལའང་འབྲེལ་བ་ཡོད།ད་ལྟའི་དུས་སུ་བྱིས་པ་ཚང་མས་འོས་འགན་སློབ་གསོ་མྱོང་དགོས་པས།ཁྱིམ་ཚང་དུ་མི་མང་པོ་མེད་པ་དག་གིས་ལུག་བཙོང་རྗེས་ནོར་འཚོ་སྐྱོང་བྱས་པ་རེད།རྒྱུ་མཚན་ནོར་འཚོ་སྐྱོང་བྱེད་པ་ལུག་འཚོ་སྐྱོང་བྱེད་པ་ལས་ཅུང་ལས་སླ་བས་སོ།།
༣ ལྷ་མོའི་བླ་མཚོ། །
ལྷ་མོའི་བླ་མཚོ་ནི་རྨ་ལྷོ་སོག་རྫོང་གི་མདོ་གསུམ་ཡུལ་ཚོ་ཤར་ཏ་བ་སྡེ་བའི་མངའ་ཁོངས་སུ་ཡོད་ཀྱང་།ཡུལ་འདི་བརླན་གཤེར་གྱི་ས་ཁུལ་དུ་གཏོགས་པས་འདབ་ཆགས་ཀྱི་རིགས་མང་པོ་འཚོ་སྡོད་བྱས་ཡོད་པ་མ་ཟད།ཁྲུང་ཁྲུང་སྐེ་ནག་གི་འབབ་སྡོད་བྱེད་སའི་གནས་ཤིག་ཀྱང་ཡིན།ཤར་མདའ་སྡེ་བའི་ལས་བྱེད་པ་ཟླ་བ་དོན་འགྲུབ་དང་འབྲེལ་འདྲིས་བྱས་པ་བརྒྱུད་ང་ཚོས་ས་གནས་ཀྱི་མིས་འདབ་ཆགས་ཇི་ལྟར་སྲུང་སྐྱོབ་བྱེད་པའི་ཐད་རྒྱུས་ལོན་བྱུང་བ་ནི་འདི་ལྟར།
༼ བྱ་རིགས་མང་ཆེ་བར་དོན་དམ་དུ་ང་ཚོ་ལའང་སྲུང་སྐྱོབ་བྱ་ཐབས་དམིགས་བསལ་བ་ཅི་ཡང་མེད།རང་ངོས་ནས་བསམ་ཚུལ་ཞིག་ཡོད་པ་ནི་དེ་ཚོར་བར་ཆད་མི་བཟོ་རྒྱུ་ནི་ཆེས་ལེགས་པའི་སྲུང་སྐྱོབ་བྱ་ཐབས་ཤིག་རེད་འདོད།ས་གནས་ཀྱི་མི་མང་པོ་ཞིག་གིས་བྱ་རིགས་དེ་ཚོ་རིན་ཐང་ལྡན་པ་ཞིག་ཡིན་པ་ཕལ་ཆེར་མི་ཤེས་པ་དང་།ཆེད་དུ་སོང་ནས་པར་ལེན་པ་སོགས་དེ་ཚོའི་འཚོ་བ་ལ་བར་ཆད་བྱེད་པའི་གོམས་གཤིས་མེད་ལ་འཛིན་བཟུང་བྱེད་པ་སོགས་གནོད་པའི་ལས་ནི་དེ་ལས་ཀྱང་མི་བྱེད་ལ་བླ་མཚོའི་མཐའ་འཁོར་གྱི་མིས་ཀྱང་དེ་ལྟར་བྱེད་དུ་མི་འཇུག ཕ་མེས་ཡང་མེས་ནས་བརྒྱུད་ཡོང་བའི་འདུ་ཤེས་འཛིན་སྟངས་འདིས་ན་གཞོན་ཚོར་གནས་ལུགས་ལ་བརྩི་སྲུང་བྱེད་པར་ཕན་ནུས་ཆེན་པོ་ཐོན་བཞིན་ཡོད།གལ་ཏེ་མི་ཚང་མར་སྲུང་སྐྱོབ་བྱེད་པའི་བསམ་པ་བླ་ལྷག་ཅིག་ཡོད་ན།སྒྲིག་ཁྲིམས་དང་ལམ་ལུགས་ཤིག་བཟོས་ནས་ཚང་མར་དེས་ཚོད་འཛིན་མི་དགོས་པས།རེ་བར་གོམས་གཤིས་ཡག་པོ་མུ་མཐུད་དུ་རྒྱུན་སྐྱོང་རྒྱུ་དེའོ། ༽
ཤར་ཏ་བ་སྡེ་བའི་སྡེ་དམངས་ཀྱིས་རང་མོས་ངང་རུ་ཁག་རྩ་འཛུགས་བྱས་ཏེ་བླ་མཚོའི་མཐའ་འཁོར་དུ་གད་སྙིགས་འཐུ་བ་རེད།སྡེ་དམངས་ཀྱིས་བཤད་ན་༼ སྔོ་ཆད་གནས་འདི་ནས་གད་སྙིགས་འཐུ་བའི་སྲོལ་མེད་དེ་རྒྱུ་མཚན་མ་གཞི་ནས་གད་སྙིགས་མེད་པས་རེད།ད་ལྟ་བླ་མཚོའི་མཐའ་འཁོར་དུ་ཡུལ་སྐོར་སྒོ་འབྱེད་བྱེད་མགོ་བརྩམས་པས་འགྲོ་འོང་བྱེད་པའི་མི་ཇེ་མང་དུ་སོང་བ་དང་།ལམ་མཐའི་གད་སྙིགས་ཀྱང་རིམ་བཞིན་ཇེ་མང་རེད་ལ།སྲིད་གཞུང་གིས་གནས་ཚུལ་འདི་ལ་མཐོང་ཆེན་བྱས་ཏེ་སྡེ་བ་ནས་འཁོར་སྲུང་མི་སྣ་རྩ་འཛུགས་བྱས་ནས་གད་སྙིགས་ལ་བདག་དམ་བྱེད་པ་དང་།ཁོ་ཚོར་གླ་ཆའང་ཉུང་ཙམ་འདུག གཞན་པ་ཚོས་ཀྱང་གད་སྙིགས་ལ་སྣང་འཇོག་བྱེད་བཞིན་ཡོད་ལ།ཚང་མར་ཕ་ས་འདི་སྲུང་སྐྱོབ་བྱེད་པའི་འདུ་ཤེས་ཡོད་༽ཟེར།
ལྷ་མོའི་བླ་མཚོ།པར་ལེན་མཁན།སྟག་རྩེ་རྒྱལ། །པར་
མི་མང་བོ་ཞིག་གིས་མཛེས་ལྗོངས་དང་རི་སྐྱེས་སྲོག་ཆགས་སྲུང་སྐྱོབ་བྱེད་པ་དེ་སྒྲིག་སྲོལ་གང་རུང་ཞིག་ལག་བསྟར་བྱེད་པ་མ་ཡིན་ལ།ཕལ་ཆེར་མི་མང་བོ་ཞིག་གིས་ཆེད་དུ་དེ་ལ་བཟོས་པའི་སྒྲིག་ཁྲིམས་ཤིག་ཡོད་པའང་མི་ཤེས་སོ།ཁོ་ཚོ་ནི་རང་ལ་སློབ་གསོས་ཐེབས་པའི་ལྟ་བའི་ཤུགས་རྐྱེན་དང་རང་བྱུང་ཁམས་ཀྱི་བཀའ་དྲིན་བསམ་ནས་སྲུང་སྐྱོབ་ལས་ལ་བརྩོན་པ་ལགས་སོ།དེ་བས་སྒྲིག་སྲོལ་ལ་བརྩི་སྲུང་མི་བྱེད་མཁན་ཚོའང་ཤེས་རྒྱ་མེད་པ་མ་ཡིན་པར་དེ་ལྟ་བའི་བླ་མེད་ཀྱི་བསམ་བློ་མེད་སོང་བ་རེད།ས་གནས་ཀྱི་མིས་བཤད་པ་ནང་བཞིན།ལག་ལེན་གང་ལས་ཀྱང་ཁོ་ཚོ་ནི་སྲོལ་རྒྱུན་གྱི་ཡུལ་ལྷ་གཞི་བདག་དང་ལྷ་རི་བླ་མཚོ་སོགས་ཀྱི་འདུ་ཤེས་འཛིན་སྟངས་ཀྱི་སྲུང་སྐྱོབ་བྱེད་པའི་ཐབས་ཤེས་རྒྱུན་སྐྱོང་བ་དགའ།དེའི་མཇུག་འབྲས་ཀྱང་ང་ཚོ་མིའི་རིགས་དང་རང་བྱུང་ཁམས་མཉམ་གནས་ཀྱི་ལྟ་སྤྱོད་དང་མཐུན་པ་རེད།འདི་ནི་ང་ཚོ་ཚང་མས་རེ་སྙེག་བྱེད་བཞིན་པའི་དམིགས་འདུན་ཞིག་མ་ཡིན་ནམ།ང་ཚོས་སྒྲུབ་དགོས་པ་ནི་ལྟ་བ་ལེགས་པོ་དང་གོམས་གཤིས་བཟང་བོ།ཐབས་ཤེས་ཡང་དག་སོགས་མུ་མཐུད་དུ་གོང་སྤེལ་དང་རྒྱུན་འཛིན་བྱེད་རྒྱུ་ནི་ང་ཚོ་འཚོ་བའི་ས་ཆེན་གྱི་གོ་ལ་འདིའི་དྲིན་ལན་གཞལ་ཐབས་ལེགས་ཤོས་དེ་ཡིན་ངེས་སོ།
上篇翻译：李措吉，兴海县人，就读于青海师范大学藏英专业
如果您恰好是三江源当地老百姓或是本地兽医，希望你可以扫描下方二维码，参与野生动物救助的调查问卷，帮助我们找到最优的解决方案。
欢迎大家扫描填写【三江源地区野生动物救助的问卷调查】
也欢迎您扫码支持雪境的野生动物救助众筹项目
帮助我们让每一个生命都能共享雪山圣境
温馨提示：欢迎大家转发
转载或应用文字和图片请与我们联系！