美馔新语（音频）｜关颖诗：肠粉（广州话）
由于微信公众号平台推出新功能，“语言资源快讯”左边显示的并非原作者，而是公众号管理者，原作者将于大标题和文末显示，感谢各位读者的谅解！
一条肠粉，一种传承，一份情怀
明记肠粉总店始创于1981年一直经营至今，系不折不扣嘅广州老字号，西关老铺。兰亭颖园系第4间分店啦。小编就住呢附近，必须“一尝究竟”。点解要开喺呢个地方？因为呢度前几手都系做肠粉店嘅，做街坊生意，比较亲民，老世自己都住呢附近，有归属感，都算系一种情怀。
明记肠粉以薄、滑、爽、鲜、和味著称，肠粉采用嘅系传统制法。米浆首先挑选糙cou3米充分浸泡然后再磨浆蒸煮，出来嘅粉质略带米黄，薄而不透，米香十足，口感爽滑。其肠粉嘅豉油为独家配方，酱油色深，鲜美，豉香十足。
而且分量劲够，其他地方半两肉，呢度畀足1两。呢份满足感，附近嘅x记x记，边个做到？！睇性价比，唔怕货比三家
食在广州，味出西关
我哋西关明记系土生土长嘅广州餐饮，都系四十年既西关老字号，好多老广州或者住响西关既街坊应该都会听过同埋食过。
街坊见到新明记一定会问，点解明记四十年，到宜家先开分店呢？
因为中国高速发展，互联网时代变迁，以及外来人口涌入广州，本土餐饮品类同品质到咗一个历史新高，钟意饮食嘅广州人自然系欢迎同包容。
有一次偶然既机会，我去到一间广东粤菜米其林星级餐厅，体验过后感触好大，无论系精致装修同埋稳定味道仲有礼貌嘅服务，都值得推荐朋友去体验，唯一令我觉得遗憾既系，无论系咨客，部长，服务员，厨房工，居然全部都系外地人，仅有听到既广东话就系音响里面播住既粤语歌。
我响度谂，点解我哋本土粤菜饮食文化系外地人嚟呈现，我地做唔到咩？
一直以来本地餐饮对广州美食同埋文化充满自信，认为好吃就够，忽视咗其他认真做餐饮嘅外来同行，我哋作为老字号，有责任维护本地美食，发扬光大，所以我哋与时并进，除咗装修更加讲究，将传承工艺现代化，不断学习，响平靓正既基础上，将味道和质量再加提高。
不断发展门店，加强自己品牌，我哋暂时唔开在商场，会先开响老广比较多既老城区，因为呢度系我哋长大既地方，希望明记既发展同街坊一齐见证。
所以都希望大家继续支持，多谢晒
以上系老世话斋↑↑↑
炸云吞系重头戏
“有传统（40年），无正宗”。
有八卦如我者，想知道“茶餐厅暗语"，係咪真系使得？
老世话咩“靓仔”系白饭啊之类嘅，就唔会抛呢啲书包，都系本地街坊熟识叫法。迟下会整返啲公公婆婆都睇得方便嘅菜牌出嚟。明记嘅工仔基本上都系本地人，会同街坊倾偈，而且会根据街坊嘅口味去做少少调整。
大家话啲豉油太淡，噉过阵，呢度啲口味可能就会相应调到咸啲啲。正所谓“适客”
春暖花开
老世推荐：
鸳鸯肠 五宝饭 炸云吞 炒牛河
柠檬茶，奶茶（调味配方拿过奖）
从开张嘅第一日算起，小编去咗不下10次。
第一次同妈咪去，妈咪作为60后老街坊代表，竖晒手指公。
彪哥作为80后粤语KOL，都畀咗个大大嘅like
本期编辑|关颖诗
本期录音|彪新粤意（一条肠粉，秘笈，适客）+肠粉店老板（食在广州）
本期审读|晓 婷
责任编辑|甘于恩
投稿邮箱| jnufyzx@163.com
●方言与景点（音频）| 罗菲：天然氧吧——阳明山，待君来！（江西崇义龙勾话）
●方言与景点（音频）| 田曼姝：梦里水乡——上犹陡水湖（上犹客家话）