རིག་སྟོང་བཙན་ས་ཟིན་པའི་རང་གདངས། པདྨ་རིག་འཛིན། ༡

རྫ་རྒྱལ་སྒྲ་མཛོད་འཕྲིན་སྟེགས།扎嘉音仓平台

མཛད་པ་པོ།

༧ཆོས་རྗེ་འཇིགས་མེད་ཕུན་ཚོགས་འབྱུང་གནས།

ལེན་མཁན།

པདྨ་རིག་འཇིན།

༄༅། །རིག་སྟོང་བཙན་ས་ཟིན་པའི་རང་གདངས་ཞེས་བྱ་བ་བཞུགས། །

ཨོཾ་ཧེ་ཧེ་ཏིཥྛ་ཏིཥྛ་བྷནྡྷ་བྷནྡྷ་དྷཱ་ར་ཡ་དྷཱ་ར་ཡ་ནི་རུནྡྷ་ནི་རུནྡྷ་ཨ་མུ་ཀ་ཨུརྞ་མ་ཎི་ཡེ་སྭཱ་ཧཱ། 

འཁོར་འདས་མཉམ་པར་བརྡལ་བའི་གཞི་ཀློང་དུ། །

རང་སྣང་སྐུ་གསུམ་རོལ་པ་འབྱམས་སུ་ཀླས། །

འཇི༵གས་མེ༵ད་གཟུངས་སྤོབས་ཏིང་འཛིན་སྒོ་བརྒྱ་འབྱེད། །

དོན༷་གཉིས༷་ལྷུན༷་གྲུབ༷་རྡོ༷་རྗེ༷་བ༷དུད་འཇོམ༷ས་ང་། །

རྣམ་དག་ཚུལ་ཁྲིམས་གཙང་མས་རྒྱུད་བསྡམས་ཤིང་། །

གཞན་ཕན་བྱང་ཆུབ་སེམས་ལ་མངའ་དབང་འབྱོར། །

རྡོ་རྗེ་ལྟ་བུའི་ཏིང་འཛིན་འཕྲུལ་འཁོར་གྱིས། །

ཉེས༷་ཚོ༷གས་ར༷ང་སར་གྲོལ༷་བ་ང་མིན་སུ། །

ནམ་མཁའ་མཛོད་ཀྱི་ཏིང་འཛིན་ཕོ་ཉ་ཡིས། །

ཕུན༵་ཚོ༵གས་སྡེ་བཞིའི་ཁྲི་ལ་མངའ་གསོལ་ཞིང་། །

འབྲེལ་ཚད་དོན་ལྡན་ཡིད་བཞིན་ནོར་བུ་དངོས། །

འདོ༷ད་རྒུ༷་ཀུན༷་གྱི་འབྱུང༷་གནས་ང་མིན་སུ། །

སྒྱུ་མ་ལྟ་བུའི་ཏིང་འཛིན་དང་འགྲོགས་པའི། །

ཐབས་གྲོལ་ཨུཏྤལ་དམར་པོའི་ཞགས་པ་ཡིས། །

རླུང་སེམས་ལྷ་མིའི་འདུ་བ་བྲན་དུ་ཁོལ། །

སྣང༷་སེམ༷ས་དབ༷ང་སྡུད༷་སྐལ་བ་བཟང་པོ་ང་། །

དཔའ་བར་འགྲོ་བའི་ཏིང་འཛིན་གྱིས་བོས་པའི། །

ཤེས་རབ་རལ་གྲིའི་འཕྲུལ་ཐབས་གཅིག་གིས་ཀྱང་། །

ཚར་གཅོད་རྗེས་སུ་འཛིན་ལ་དབང་འབྱོར་བའི། །

ཕྱོག༷ས་ལས༷་རྣམ༷་པར་རྒྱལ༷་བ་ང་མིན་སུ། །

སྔག༷ས་སྐྱེས༷་ཌཱཀིའི་རྟེན་འབྲེལ་ལ་བརྟེན་ནས། །

ཞིང༷་སྐྱེས༷་ཌཱཀིའི་ཚོགས་ལ་མངའ་དབང་བསྒྱུར། །

ལྷན༷་སྐྱེས༷་ཌཱཀིའི་དེ་ཉིད་མངོན་སུམ་མཐོང་། །

མཁའ་འགྲོའི་དབང་ཕྱུག་ཧེ་རུ་ཀ་དཔལ་ང་། །

ཤིན་ཏུ་བསམ་སྦྱོར་ངན་པའི་བདུད་རིགས་ཚོགས། །

བསྟན་དང་འགྲོ་ལ་གནོད་པ་དེས་ཆོག་གིས། །

ད་ནི་རང་མགོ་རང་གིས་མ་སྐོར་བར། །

ངན་སོང་ལམ་ནས་བཤོལ་ན་མི་ལེགས་སམ། །

ཐུགས་རྗེ་སྤྱན་ལྡན་རྩ་གསུམ་སྲུང་མའི་ཚོགས། །

ཕ་བཟང་བུ་ཡི་གྲོགས་སུ་ད་བྱོན་ལ། །

བར་ཆད་བདུད་ཀྱི་གཡུལ་ལས་རྒྱལ་བ་དང་། །

མཐུན་རྐྱེན་ལེགས་ཚོགས་ཆར་དུ་འབེབས་པར་མཛོད། །

དཀོན་མཆོག་རྗེས་སུ་དྲན་པའི་མདོ།

བུ་ཕྲུག་ཚོས་ཕ་མ་ལ་དྲིན་ལོག་མ་བྱེད་རོགས།

རྫ་རྒྱལ་སྒྲ་མཛོད་འཕྲིན་སྟེགས་སུ་ཕེབས་པར་དགའ་བསུ་ཞུ།