咩都拆……廣州話原來都可以拆（請學好粵拼）
聽講之前亞運嘅時候廣州電臺播過。
第一次聽呢首歌，我要話你知，廣州話有bo po mo fo。
廣州話可以拆成聲母，韻母，聲調。點解唔講B P M F？
歡迎繼續嚟推薦中學生適合聽嘅歌，呢首歌，連“波”“樖”“魔”“科”都唔識，算反面教材啦。
知識點
1.廣州話有bo，po，mo，fo，加埋零聲母有20嘅聲母,唔好教壞細路
2.𠍁水 濕滯 孤寒 庹缩普通話點表達到 ？
a，𠍁水：勉強，𠍁man3，邊緣。
b，溼滯：麻煩。原指消化不良，引申爲麻煩嘅、難解決嘅事。
c，孤寒 庹缩：摳。
一齊唱翻一首屬於廣州人歌
我唔講多 我唔使嚕嗦 廣州文化絕對經得起考驗一直傳播 一齊唱翻一首屬於廣州話歌 我一齊拍和 唔講bo po mo fo
緊靠住珠江河 睇住萬家燈火 相信廣州話一定會繼續開花結果 等我話你聽乜叫做廣州話 九個聲度千年歷史絕對係冇花冇假 我唱呢一首歌唔係想講啲乜叉乜叉 只係想講粵語始終代表住廣州文化 雖然話而家好似搞到度度傷疤 但係呢個羊城一直都係我家 唔理係多噠瘌 定抑或充滿風沙 只要同心協力一定會再見到木棉花 2010亞運就到我都需要知道 到廣州呢度學兩句粵語都真係幾好
𠍁水 濕滯 孤寒 庹缩普通話點表達到
廣州話學得好 多得我老豆老母
東山洋樓西關大屋仲有機會睇到
而家宵夜仲可唔可以去返恩寧路
家陣行多兩步 都唔知身處邊度
如果連廣州話都埋 唉 點算
啦啦啦
一句一句的哼唱廣州話
一秒一秒的看廣州變化
英語普語穿梭著鬧市下 請不要忘記他啊
一句一句的說唱廣州話 請你不要講說它老化
整日改變充滿這大世代 這總算烙印吧
住廿年 突然 諗返起以前
屬于我廣州真係幾大轉變
三歲個年住係惠福西路旁邊
蛇羹同牛三星有相當懷念
後尾搬去中山四路住騎樓
添美食致美齋就係我屋企門口
一個係快餐先驅 一個專賣醬汁豉油
但係今時今日依然避唔開被人拆走
係咪搞好市容實要拆遷 辦好亞運真係唔拆唔掂 啲新聞仲報道啲工程用幾錢幾錢 用幾錢又點你又知唔知道 而家拆遷唔應該要整西 因為拆走曬我回憶 家陣講廣州話 都仲要被人挑剔 我真係想知你究竟受啲乜刺激 原來突然眨下眼 已經過廿年 以前果條楊箕村 遲係都拆成一片 每一年宣傳都話一年一小變 變 好似係多啲公廁小便 係我要求太高 定係有啲人事事做 有人仲加離譜 不停堅持推普 又話唔畀你推何必迫粵語走向一條絕路 而家細蚊仔 學校要講普通話 屋企唔講廣州話 難怪要借歪會話「吓」？一齊唱兒歌《落雨大》 家陣度度都水浸街 難怪外省朋友識唱果首「點解點解」 而家話度度都拆 連廣州話都要拆 街又要拆 最後變乜風格 唉 廣州呢個地方 經歷過太多滄桑 睇住呢條珠江 唱返兩句廣州兒歌 「月光光 照地堂 廣州話精彩 點會滅亡」 用呢首廣州話歌 送畀我廣州 廣州精神 勁啊
●初中粵語堂｜筆記簿1（語法、詞彙、拼音）
我們的征途是星辰大海