语言传承 | 予安欢喜苏州话：吴人云-传承方言随手发，苏筠儿与苏州话超话【转发】

吴人云-传承方言随手发，苏筠儿与苏州话超话

2019年到了，总觉得新的一年里应该有点新内容，想了又想，还是做成访谈形式吧，让大家听一听不同人口中的吴语故事！

吴人云  |  19年第04期  |  苏筠儿

我们能为方言做些什么？

这个命题很大又很小，也许你说只能从自己做起多说多讲，也许有人说我要创作一本方言作品出版普及。

今天我们一起来看看，苏筠儿和新浪微博苏州话超话的故事。

予安：大家好，我是予安，今朝呢又是伲吴人云个新个一期。今朝呢请着仔一位蛮特殊的嘉宾，让唔倷自家来介绍一下自家吧。

苏筠儿：大家好，我是新浪微博苏州闲话个主持人苏筠儿，我从小呢勒平江路长大个，对苏州闲话有种蛮深个感情。今朝非常开心可以有该个机会跟大家介绍一下伲个超话。

予安：欢迎欢迎。伲讲个是新浪微博个超话主持人，弗晓得有几化朋友晓得新浪微博个超话。勒海网络浪向有弗少个兴趣爱好个话题可以勒海一淘讲，苏州闲话也是当中个一个。虽然讲现在人弗多，但不过有人勒海做，该个呢伲也觉着蛮感动个。

予安：乃末想稍微问一下，倷大约摸张是从啥辰光开始做该个超话或者讲做这个苏州闲话保护个工作个呢？

苏筠儿：苏州闲话呢，我一直比较欢喜个。乃末正式做该个呢，也是今年，应该是今年年初个辰光开始做个。

予安：嗯，年初头过年个辰光。

苏筠儿：诶，对个。

乃末最近一枪大家应该侪听过或者看过搿个电视剧《都挺好》吧。电视剧是发生勒海苏州个故事，但是电视剧里除脱评弹，无不苏州闲话旁白。所以我觉着作为苏州人侪蛮遗憾该个一点，阿是啊。

乃末还有之前蛮热门个电视剧《延禧攻略》，搿个女主角魏璎珞，讲仔一段为仔讨太后娘娘欢心个闲话。但是根本就弗是苏州闲话，虽然讲是苏州闲话，之前苏白学堂还放过视频。

所以我觉着，作为一个苏州小姑娘，我想拿正宗个苏州闲话告诉大家，应该是捺亨样子个。

乃末还有一个比较严峻个就是，伲个下一代会的讲苏州闲话的是非常少个。我觉得传承率非常低，普及率也非常低，所以我觉得从该个现状开始，慢慢叫从新浪微博做苏州闲话保护。

乃末勒海该面点呢也希望有更加多个朋友可以加入进来，到伲个超话来关注伲，有啥讲啥吧。

予安：对，大家一淘来参加一下，乃末想问一下，到现在从倷参加到现在也有半年多点再，曾阿碰着过啥个大个问题呢？

苏筠儿：碰着个问题，我就觉着好像关注个人还弗是很多。因为像伲现在说法，就是有苏白学堂定期过来发，还有苏州公安俚笃个姑苏问早员点大V会定期来发。像民间个帖子比较少，还是希望有更加多欢喜苏州闲话个人可以加入进来，多来发发帖子，有啥讲啥。

予安：对，假使倷满欢喜孛相微博个说话呢，可以来关注一下伲。乃末也有弗少朋友勒海问，超话弗晓得从哪搭来进去，接下来伲也会做一只视频告诉大家捺亨来关注伲个超话个。

具体教程请看下方 阅读原文

予安：倷今年下半年啊有啥个想法，或者说今年、明年、后年，啊有啥新个打算了啥个呢？

苏筠儿：我是想要是人数能够越来越多个说法，想组织点面对面个活动吧。要是可以到社区或者各种大商场搞搞活动，让大家能够晓得伲该个苏州闲话超话，人数能够越来越多，该样子个说法，我觉得对于推广苏州闲话是比较有帮助个。该个是我有可能个计划吧，希望伲人数越来越多仔可以做成功。

最主要个还是希望能有更加多个人来加入到该个新浪微博个超话当中来。大家记牢是新浪微博-超话，里向个苏州闲话，叫“苏州话”。

予安：大家可以在超话里向发布物事，也可以圈伲，@大V，@主持人，侪可以个。伲帮唔笃把内容发过来也可以。有啥个新个内容登勒里向直接发布也可以个。

苏筠儿：对个，要是倷觉着“苏州闲话搿个字是捺亨讲个”，也可以来圈伲，伲也会得，因为伲侪是苏州人嘛，伲也会告诉倷最正宗个苏州闲话是捺亨讲个。

予安：嗯，新浪微博搭仔微信公众号有一个比较大个区别就是：新浪微博一日天可以发几化条，大家可以有一个比较好个互动个环节勒里向。弗像微信公众号，一日天只好发一条。勒海该种情况下头呢，对于伲个资料个收集、整理搭仔留存也是有蛮好个帮助个。

苏筠儿：对个。

予安：好，最后阿有啥个想搭大家讲一声个呢？

苏筠儿：希望能有越来越多个人加入进来吧，寻着伲个超话，关注伲。伲个超话也比较充满正能量，大家可以点开看看一看就晓得哉。

予安：好，搿末今朝就到该搭，谢谢大家。

苏筠儿：嗯，谢谢予安拨仔我该个机会，蛮开心。

予安：大家再会。

苏筠儿：再会。

总有人问我们，我想保护和传承方言，但是我可以做些什么呢？希望在这个栏目里你们的问题可以得到解答。

| 本栏目不定期更新，讲述我们身边的吴语故事 |

（转自“苏白学堂”公众号）

小编 | 闫倩

审读 | 韩玲

责编 | 老甘

扫码关注

语言资源快讯