ཧ་ཅང་ངོས་ཟིན་བདེ་བར་སྒྱུ་འཕྲུལ་ཞི་ཁྲོའི་ལྷ་ཚོགས་ཚོམ་བུར་བཀོད་པ།

ཨ་ཙརྱ་རིག་གཞུང་འཕྲིན་སྟེགས།

ཨ་ཙརྱ་རིག་གཞུང་འཕྲིན་སྟེགས་ནི་བོད་ཁུལ་དེང་རབས་ཀྱི་བརྡ་འཕྲིན་བརྒྱུད་ལམ་གསར་བ་ཞིག་ལ། འདིར་གར་དེང་རབས་ཀྱི་རྩིས་འཕྲུལ་དང་བརྡ་འཕྲིན་ཤེས་བྱ་སྣ་ཚོགས་ངོ་སྤྲོད་བྱེད་བཞིན་ཡོད་ལ།  ལྷག་པར་བོད་ཀྱི་རིགས་གནས་སློབ་གསོ་དང་། འཚོ་བའི་གྲུ་གར་གླན་པའི་གློག་བརྙན་སྣ་ཚོགས་རོ་མྱོང་བྱེད་ཐུབ་ལ། མ་ཟད་སྤྲོ་དགའི་སྣང་བ་སྟེར་བའི་གླུ་བྲོ་དང་བཞད་གར། དགའ་སྐྱོའི་རྟོགས་འགྱུ་གཟུགས་སུ་ཕབ་པའི་སྙན་རྩོམ་སོགས་མདོར་ན་སྔོན་དང་ད་ལྟའི་བོད་ཀྱི་ངག་ཐོག་རིག་གནས་གང་མང་རྒྱུས་ལོན་དང་ལོངས་སུ་སྤྱོད་ཐུབ། དེ་བས་འཕྲིན་སྟེགས་འདི་ནི་གནའ་དེང་གི་རིག་གནས་སྣ་ཚོགས་གསོག་ཉར་བྱ་སའི་བརྡ་འཕྲིན་གྱི་འཇིག་རྟེན་ཆུང་ཆུང་ཞིག་དང་ཡིད་འོང་གི་གར་སྟེགས་ཤིག་ཀྱང་ཅི་ལ་མིན།  

༄༅། །རྒྱལ་སྲས་གཞན་ཕན་མཐའ་ཡས་ཀྱི་ལུགས་ལྟར་

        ཀར་གླིང་ཞི་ཁྲོའི་དཀྱིལ་འཁོར་བཞུགས།

ཕྱི་ལོ་༢༠༢༡ལོའི་ཟླ་བཅུ་གཅིག་པ་དང་རབ་གནས་ལྕགས་གླང་ལོའི་ཟླ་དགུ་པའི་ནང་ཀར་གླིང་ཞི་ཁྲོའི་ཆོ་གའི་དངོས་གཞི་དང་དཀའ་འགྲེལ་གསལ་བྱེད་སྐྱ་རེངས་དང་པོའི་མཆན་འགྲེལ་ཉིན་བྱེད་སྣང་བའི་ཁྲིད་ཀྱི་དགོངས་པ་དང་བསྟུན། ཞི་བ་དང་ཁྲོ་བོའི་བཞུགས་གནས་ཀྱི་བཤད་པ་དག་ལག་ལེན་ལ་བསྟར་བདེ་བའི་ཕྱིར། འདིར་གཙོ་བོ་ལྷ་གནས་སོ་སོར་ཚོམ་བུ་བཀོད་པ་རི་མོའི་ལམ་ནས་གསལ་བར་བྱ་བ་ལ། 

དེ་ཡང་གཞལ་ཡས་ཁང་གི་སྟེང་ཁང་ཞི་བའི་དཀྱིལ་འཁོར་གྱི་དབུས་བུམ་པ་ཟླུམ་པོའི་ནང་གི་འཁོར་ལོ་རྩིབས་བཞིའི་ལྟེ་བའི་མཁའ་ལ་རྣམ་སྣང་ཡབ་ཡུམ་དང་དེའི་སྤྱི་བོར་ཀུན་བཟང་ཡབ་ཡུམ་བཏེགས་ལ། འཁོར་ལོ་རྩིབས་བཞིའི་ཤར་ཕྱོགས་སུ་རྡོར་སེམས་རིགས་ལྔ་ཡུམ་དང་བཅས་གཙོ་འཁོར་དྲུག་དང་། དེ་བཞིན་ལྷོར་རིན་ཆེན་རིགས་ཀྱི་གཙོ་འཁོར་དང་། ནུབ་ཏུ་པདྨ་རིགས་ཀྱི་གཙོ་འཁོར་བྱང་དུ་ཀརྨ་རིགས་ཀྱི་གཙོ་འཁོར་བཅས་སེམས་དཔའ་སེམས་མ་རྣམས་དང་། དེ་བཞིན་དུ་ཀུན་བཟང་ཡབ་ཡུམ་གྱི་སྟེང་དུ་ལྷ་ཡི་ཐུབ་པ་བརྒྱ་བྱིན་དང་། རྣམ་སྣང་ཡབ་ཡུམ་གྱི་འོག་ཏུ་དམྱལ་བའི་ཐུབ་པ་ཆོས་ཀྱི་རྒྱལ་པོ། འཁོར་ལོའི་ཤར་ལྷོའི་རྩིབས་མཆན་ལ་ཐག་བཟང་དང་། ལྷོ་ནུབ་ཏུ་ཤཱཀ་ཐུབ། ནུབ་བྱང་སེང་རབ། བྱང་ཤར་ཁ་འབར་བཅས་ཐུབ་པ་དྲུག་གོ། དེའི་ཕྱོགས་ཀྱི་སྒོ་བཞིའི་ཤར་སྒོར་ཡབ་རྣམ་རྒྱལ་དང་ཡུམ་ལྕགས་ཀྱུ་མ། ལྷོ་སྒོར་ཡབ་གཤིན་རྗེ་དང་ཡུམ་ཞགས་པ་མ། ནུབ་སྒོར་རྟ་མགྲིན་དང་ལྕགས་སྒྲོག་མ་ཡབ་ཡུམ། བྱང་སྒོར་བདུད་རྩི་འཁྱིལ་བ་དང་དྲིལ་བུ་མ་བཅས་སྒོ་བ་ཡབ་ཡུམ་བརྒྱད་དེ་ཞི་བའི་ལྷ་ཚོགས་བཞི་བཅུ་རྩ་གཉིས་བཞུགས་སོ།། 

ཁྲག་འཐུང་ཁྲོ་བོའི་དཀྱིལ་འཁོར།

གཞལ་ཡས་ཁང་གི་འོག་ཁང་སྒོ་སྦྲགས་ཅན་གྱི་དབུས་འཁོར་ལོ་རྩིབས་བཞིའི་ལྟེ་བའི་ནམ་མཁར་ཆེ་མཆོག་ཡབ་ཡུམ་དང་།  ཆེ་མཆོག་གི་འོག་དབུས་ཀྱི་གདན་ལ་བྷུདྡྷཱ་ཧེ་རུ་ཀ་དང་ཕྱོགས་བཞིའི་རྩིབས་སྟེང་དུ་བཛྲ་རཏྣ་པདྨ་ཀརྨ་བཅས་ཁྲག་འཐུང་གཙོ་བོ་ཡབ་ཡུམ་བཅུའོ།།

དཀྱིལ་འཁོར་གྱི་གློ་འབུར་དུ་ཀཽ་རཱི་སོགས་ཕྱོགས་མ་བཞི་དང་གྲུ་ཆད་དུ་པུསྐ་སོགས་མཚམས་མ་བཞི་བཅས་ཀོའུ་རཱི་བརྒྱད།

དཀྱིལ་འཁོར་གྱི་ཁྱམས་ནང་མ་གསེར་ཁྱམས་ལ་སིངྷ་བརྒྱད།

དཀྱིལ་འཁོར་གྱི་ཁྱམས་ནང་མའི་སྒོ་བཞི་རུ་སྒོ་མ་བཞི་སྟེ་སྲས་མོ་ཉི་ཤུའོ།།

དཀྱིལ་འཁོར་གྱི་ཁྱམས་ཕྱི་མའི་ཁྲག་ཁྱམས་སུ་ཕྱོགས་རེ་ལ་ལས་མཛད་དྲུག་དྲུག་དང་།

དེའི་སྒོ་ཕྱི་མ་བཞི་ལ་སྒོ་མ་བཞི་བཅས་དབང་མོ་ཉེར་བརྒྱད་བཅས་ཁྲག་འཐུང་ལྔ་བཅུ་རྩ་བརྒྱད་དོ།། 

སླར་ཡང་ཞི་ཁྲོའི་དཀྱིལ་འཁོར་གྱི་ས་བོན་དག་ངོས་འཛིན་བདེ་བའི་ཕྱིར་དུ་བཀོད་ན།

ཐོག་མར་བའི་དཀྱིལ་འཁོར་གྱི་ལྷ་ཚོགས་ཚོམ་བུ་ས་བོན་དང་བཅས་པ་བཞུགས།

གཉིས་པ་ཁྲོ་བོའི་དཀྱིལ་འཁོར་གྱི་ལྷ་ཚོགས་ཚོམ་བུ་ས་བོན་དང་བཅས་པ་བཞུགས།

དེ་ལྟར་ཞི་བ་བཞི་བཅུ་རྩ་གཉིས་དང་འབར་བ་ལྔ་བཅུ་རྩ་བརྒྱད་ཆེ་མཆོག་ཡབ་ཡུམ་དང་བཅས་ཞི་ཁྲོ་བརྒྱ་རྩ་གཉིས་བཅས་བཞུགས་སོ།།

       ཞེས་བོད་ཆུ་སྟག་ལོའི་ཟླ་༡ ཚེས་༣ ལ་ཨ་ཙརྱས་

ཁ་པར་ལམ་ནས་བསྒྲིགས།

སྒྱུ་འཕྲུལ་ཞི་ཁྲོའི་ལྷ་ཚོགས་བཞུགས།

 ལྷ་རེ་རེ་བཞིན་ངོས་ཟིན་བདེ་བའི་ཕྱིར་ཚོམ་ལྟར་བཀོད་པ།

བྱང་སེམས་ཞི་བའི་ལྷ་ཚོགས།

ཁྲག་འཐུང་ཁྲོ་བོའི་ལྷ་ཚོགས།

    འདིར་ཡང་བོད་ཆུ་སྟག་ལོའི་ཟླ་༨་ཚེས་༢༥་སྟེ་རིག་བཟང་རིགས་བཟང་མཁའ་འགྲོ་འདུ་བའི་དུས་ཚེས་དགེ་བར་ཞི་བ་དང་ཁྲོ་བོའི་ལྷ་ཚོགས་ཆེད་དུ་ངོས་ཟིན་བདེ་བར་བཀོད་པ་ཡིན་ལ།  

མ་ཟད་གོང་གི་པར་རིས་འདི་གཉིས་པོ་pngརྣམ་པ་བྱས་ནས་རྒྱབ་ལྗོངས་མེད་པར་བཟོ་ཡོད་པས་གཞི་གང་ལ་འཇོག་འདོད་པ་ཚོར་ཧ་ཅང་སྟབས་བདེར་བསྐྲུན་པའོ།།

ཞི་ཁྲོ་དམ་པ་རིགས་བརྒྱའི་ལྷ་ཚོགས་ངོས་ཟིན་བདེ་བར་པར་རིས་ཀྱི་ལམ་ནས་

སོ་སོའི་གཞུགས་གནས་ལྟར་མཚན་ནས་བསྙད་དེ་བཀོད་པ།

ཆ་འཕྲིན་སྐོར་གྱི་ཤེས་བྱ་སྣ་ཚོགས་ཤེས་འདོད་ན།

འོག་གི་ཁ་བྱང་དེ་དག་ལ་ནོན།

བརྙན། འཕྲིན་ཕྲན་འདི་དག་བཀོལ་ན་སེམས་ཆུང་བྱོས།

ཆ་འཕྲིན་ཤེས་བྱ་སྣ་ཚོགས་ཤེས་འདོད་ན་འདི་ནས་འབྲེལ།

   ཚང་མས་ངེས་དགོས་པའི་དོ་དམ་པའི་གསལ་བཤད།   འཕྲིན་སྟེགས་འདིའི་ཁེ་དབང་ནི་གཙོ་སྒྲུབ་པ་ཨ་ཙརྱ་ལ་དབང་བས།   འདི་གར་དོ་དམ་པས་ཆེད་དུ་བསྒྲིགས་པའི་ནང་དོན་དག་ཕྲིན་སྟེགས་གཞན་པས་དོ་དམ་པ་ཡིད་འཐད་མིན་པར་གང་འདོད་དུ་ཁ་བྱང་སོགས་རྐུ་བཤུ་བྱེད་མི་ཆོག་པར་མ་ཟད། གལ་ཏེ་ནང་དོན་རྐུ་མཁན་ཡོད་ན་རང་ཉིད་ལ་ཁྲིམས་ཆད་ཕོག་ངེས་པས་དེ་ལུགས་ཐུགས་འཇགས་འཚལ་ཞུ་བ་དང་། འཕྲིན་སྟེགས་འདི་གར་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཡོད་ཚེ་དོ་དམ་པར་འབྲེལ་གཏུག་བྱོས་དང་ཐད་ཀར་བསུབ་ངེས་ལགས།  

ཁྱེད་ཉིད་ཨ་ཙརྱའི་རིག་གཞུང་འཕྲིན་སྟེགས་སུ་ཕེབས་པར་དགའ་བསུ་ཞུ། ཉིད་ཀྱིས་ཕྲན་ལ་རྒྱབ་སྐྱོར་དང་དོ་ཁུར་གནང་བར་སྙིང་ནས་བཀའ་དྲིན་ཆེ་ཞུ་བ་དང་ཆབས་ཅིག  གཞན་ཁྱོད་ལ་འཕྲིན་སྟེགས་འདིར་འགོད་དགོས་པའི་རྩོམ་ཡིག་དང་།  གླུ་དང་རྡུང་ལེན། གསལ་བརྡ། ཚོང་ལས་བརྡ་ཁྱབ་སོགས་ཡོད་ན། དོ་དམ་པར་འབྲེལ་བ་བྱོས་དང་རིན་གོང་ཧ་ཅང་སླ་མོའི་སྒོ་ནས་ཁྱོད་ལ་རྒྱབ་སྐྱོར་བྱེད་ངེས།

 

སྒྲིག་སྦྱོར་པ།  ཨ་ཙརྱ། 

རིག་གཞུང་འཕྲིན་སྟེགས་ནི་བོད་ཁུལ་དེང་རབས་ཀྱི་བརྡ་འཕྲིན་བརྒྱུད་ལམ་ཞིག་ཡིན་པས། 

འདིས་ཁྱོད་ཀྱི་འཚོ་བའི་དགོས་མཁོ་སྐོང་ཐུབ་པར་སྨོན།