སློབ་དཔོན་དཔའ་བོས་མཛད་པའི་རྩ་བའི་ལྟུང་བ་བཅུ་བཞི།｜མཁན་པོ་རིག་དར།

རྒྱ་གར་སྐད་དུ།བཛྲ་ཡཱ་ན་མཱུ་ལ་པ་ཏི། 

བོད་སྐད་དུ།རྡོ་རྗེ་ཐེག་པ་རྩ་བའི་ལྟུང་བ། 

འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།།

ཀུན་ནས་དང་བས་བླ་མ་ཡི།།

ཞབས་ཀྱི་པདྨར་རབ་བཏུད་དེ།།

རྩ་བའི་ལྟུང་བ་བཅུ་བཞི་ནི།།

རྒྱུད་ལས་གསུངས་པ་བཤད་པར་བྱ།། 

༡

གང་ཕྱིར་རྡོ་རྗེ་འཛིན་པ་ཡིས།།

དངོས་གྲུབ་སློབ་དཔོན་རྗེས་འབྲང་གསུངས།།

དེ་བས་དེ་ལ་བརྙས་པ་ནི།།

རྩ་བའི་ལྟུང་བ་དང་པོར་བཤད།།

༢

བདེ་གཤེགས་བཀའ་ལས་འདས་པ་ནི།།

ལྟུང་བ་གཉིས་པ་ཡིན་པར་གསུངས།།

༣

རྡོ་རྗེ་སྦུན་པ་ཁྲོས་ནས་ནི།།

ཉེས་པ་བརྗོད་པ་གསུམ་པ་ཡིན།།

༤

སེམས་ཅན་རྣམས་ལ་བྱམས་པ་སྤོང༌།།

བཞི་པ་ཡིན་པར་རྒྱལ་བས་གསུངས།།

༥

ཆོས་ཀྱི་རྩ་བ་བྱང་ཆུབ་སེམས།།

དེ་སྤོང་བ་ནི་ལྔ་པ་ཡིན།།

༦

རང་ངམ་གཞན་གྱི་གྲུབ་པའི་མཐའ།།

ཆོས་ལ་སྨོད་པ་དྲུག་པ་ཡིན།།

༧

ཡོངས་སུ་མ་སྨིན་སེམས་ཅན་ལ།།

གསང་བ་སྒྲོགས་པ་བདུན་པ་ཡིན།།

༨

ཕུང་པོ་སངས་རྒྱས་ལྔ་བདག་ཉིད།།

སྨོད་པར་བྱེད་པ་བརྒྱད་པ་ཡིན།།

༩

རང་བཞིན་དག་པའི་ཆོས་རྣམས་ལ།།

སོམ་ཉི་ཟ་བ་དགུ་པ་ཡིན།།

༡༠

གདུག་ལ་རྟག་ཏུ་བྱམས་ལྡན་པ།།

བྱེད་པ་དེ་ནི་བཅུ་པར་འདོད།།

༡༡

ཆད་སོགས་མ་ཡིན་ཆོས་རྣམས་ལ།།

བརྟགས་པ་ལས་ནི་བཅུ་གཅིག་པ།།

༡༢

སེམས་ཅན་དང་དང་ལྡན་པ་ཡི།།

སེམས་སུན་འབྱིན་པ་བཅུ་གཉིས་པ།།

༡༣

དམ་ཚིག་ཇི་བཞིན་རྙེད་པ་དག།

མི་བསྟེན་པ་དེ་བཅུ་གསུམ་པ།།

༡༤

ཤེས་རབ་དང་བཞིན་བུད་མེད་ལ།།

སྨོད་པར་བྱེད་པ་བཅུ་བཞི་པ།།

འདི་དག་རྣམ་པར་སྤངས་པ་ཡི།།

སྔགས་པས་དངོས་གྲུབ་ཉེ་བར་འཐོབ།།

གཞན་དུ་དམ་ཚིག་ལས་ཉམས་ན།།

ཉམས་པས་བདུད་ཀྱིས་གཟུང་འགྱུར་ཏེ།།

དེ་ནས་སྡུག་བསྔལ་མྱོང་འགྱུར་ཞིང༌།།

ཐུར་དུ་བལྟས་ཏེ་དམྱལ་བར་འགྲོ།།

དེ་བས་ང་རྒྱལ་བཅོམ་ནས་ནི།།

རང་གི་འཁྲུལ་པ་ཤེས་བྱས་ལ།།

ཅི་འབྱོར་བ་ཡིས་བླ་མ་ལ།།

ཐུབ་པའི་སྤྱན་སྔར་མཆོད་བྱས་ནས།།

གསུམ་ལ་སྐྱབས་འགྲོ་ནས་བརྩམས་ཏེ།།

བྱང་ཆུབ་སེམས་སོགས་སྔོམ་པ་དག།

གལ་ཏེ་བདག་ལ་ཕན་འདོད་ན།།

སྔགས་པས་འབད་དེ་བླང་བར་བྱ།།

---

རྡོ་རྗེ་ཐེག་པའི་རྩ་བའི་ལྟུང་བ། སློབ་དཔོན་ཆེན་པོ་རྟ་དབྱངས་ཀྱིས་མཛད་པ་རྫོགས་སོ།།

བྱམས་བརྩེའི་འོད་ཁྱིམ་འཕྲིན་སྟེགས།

ང་ཚོ་འགྲོ་བ་མི་ཡིན་པ་དང་སྤྱི་ཚོགས་ལ་བརྟེན་ནས་གནས་ཡོད་པས།   མི་རེ་རེར་སྤྱི་ཚོགས་དང་འགྲོ་མིའི་བདེ་སྐྱིད་ཀྱི་ཆེད་དུ་ཡང་དག་པའི་བྱ་བ་བྱེད་རྒྱུའི་འགན་ཡོད།   གང་ཞེ་ན།   འབྱུང་གྱུར་གྱི་མིའི་རང་གཤིས་བཟང་པོ་ཞི་བདེའི་ཚོར་སྣང་ལྡན་པ་ཞིག་བྱུང་ན་ཚང་མ་ལ་ཁེ་བཟང་ཆེ་བ་སྨོས་མི་དགོས་མོད།  དེའི་ཕྱིར་ངེད་༼བྱམས་བརྩེའི་འོད་ཁྱིམ་༽གྱིས་བརླན་པའི་འཇིག་རྟེན་གསར་པའི་འཕྲིན་སྟེགས་ནང་(དུས་རབས་ཀྱི་ཅོང་བརྡས་)ཞིང་འབྲོག་གཉིད་ལས་སློང་ངེས་ན་འདིར་ཕེབས་པར་དགའ་བསུ་དང་གུས་འདུད་གྲངས་མེད་ཞུ་བཞིན་ཡོད།

གསལ་བཤད།

སྤྱི་སྟེགས་འདིར་རིན་ཐང་ཆེ་བའི་གཏམ་བཤད་དང་། ལོ་རྒྱུས་ངོ་སྤྲོད། གསོ་རིག་ལས་འཕྲོས་པའི་གལ་ཆེའི་འཕྲོད་བསྟེན་ཤེས་བྱ།  ཡུལ་ལུང་གོམས་སྤྱོད་ངོ་སྤྲོད།   ཡུལ་སྐོར་ཟིན་ཐོ། ཡ་མཚར་དངོས་བྱུང་སྐོར། ནང་ཆོས་དང་མཚན་རིག་ལས་འཕྲོས་པའི་ཀུན་སྤྱོད་དང་ལྟ་གྲུབ་སྐོར།  ད་དུང་འཆད་ཁྲིད་གལ་ཆེན་སོགས་འགོད་ཀྱིན་ཡོད་པས་རིན་ཐང་ཅན་རེ་ཡིས་རྒྱབ་སྐྱོར་ཡོང་བར་བཀའ་དྲིན་སྙིང་ནས་ཞུ།

འཕྲིན་སྟེགས་གཙོ་སྐྱོང་པས།

སྤྱི་སྟེགས་སུ་མི་སྒེར་དང་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ།  མྱུར་དུ་ང་ཚོར་འབྲེལ་གཏུགས་གྱིས་དང་དྲྭ་ངོས་ནས་བསུབ་ངེས་ཡིན།

版权为原著所有，著有侵犯到您的权益，请您与我们联系，我们将立即删除

སྤེལ་ཟིན་དག་ལ་གཟིགས་འདོད་ན།⬇️

དྲང་སྲོང་ལུངགི་ཉི་མའི་བཀའ་ཁྲིད་ཀྱི་ཟིན་བྲིས།[ཆ་ཚང་།]འཆད་ཁྲིད་པ། མཁན་པོ་ཁྱབ་བརྡལ།བཀའ་ཁྲིད་ཀྱི་ཟི【ཆ་