點科學系統學粵語發音？識講粵語仲要學粵拼？

點解要學粵拼？颖诗会攞嚟學唐詩宋詞音韻。係咪好𠮩𠹌？但係又可以按步操作。

仲有更加實用嘅原因: 学习、纠音、打字、粤语思维……

注：粤语拼音方案：以下简称“拼音”

　　平時online傾偈、返工寫report、返學寫paper……都要用到中文。

我哋知道，中國大陆嘅朋友打字常用汉语拼音，台灣嘅朋友打字常用註音（注音）。噉粵語地區係點輸入粵語嘅呢？

省城係點呢？成個廣東係點呢？廣西係點呢？香港係點呢？澳門係點呢？海南係點呢？其它國家嘅華人社區又係點嘅呢？

粵語區嘅打字生態豈係一個QQ表情足以表達嘅？

如果有人：

1、想教人學粤语，或者

2、自己想學好粤语，點可以系統咁提升？

學習拼音成本低、好處多：

事先聲明一點：

粵拼完全唔等同其他發音符號，唔同漢語拼音或者英語，唔好隨便按已有語音體系發音！

正確的粵拼入門到精通請睇 jyutping.org

一、粵語母語者及外地朋友學習語文：

遇到啲“𠮩𠹌”嘅字，唔識讀，唔知咩意思。呢個時候，我哋有字典！

簡單嚟講，我哋可以打開網上字典，比如：https://jyut.net/，將呢啲字copy過去。

如果想打呢啲字，可以試試手機手寫，電腦可以用搜狗輸入法的神奇功能“u漢字部件”，相信以後搜狗粵拼輸入法都會有此功能。比如：

二、粵語母語及我哋朋友提升發音準確度

小朋友可以牙牙學語，成年人通過模仿往往難以準確掌握。但係通過系統學習拼音，就可以組合音節發出準確嘅讀音。

比如：ngo5 hai6 zung3 gwok3 jan4 我哋就知道，“我”應該係有鼻音“ng”，“gwok”國，嘴巴要稍微張開，唔係“gok”角。

如果發好oe，就可以正確咁發出“zoeng”張“hoeng”香，等其他語言方言沒有的音。改變嘴型很重要。

三、‍‍‍‍‍‍‍‍便於粤语口語、書面語、普通話口語等不同情況之電腦輸入；

用漢語拼音打粵語，係咪好奇怪？下面有錯誤示範說明。要打咩語言用咩輸入法，先係正確嘅思考方式！

四、有利於粵語口語文學創作；

粵語廣播、電視、電影、歌曲，係咪好親切？如果我哋嘅報刊雜誌，書籍，漫畫，都用粵文創作，係咪會更加生動，貼地？

熟練使用粵拼打字之後更加由此效果

五、提升粵語語文標準化程度，便於教育、推廣；

正如漢語拼音同國際音標嘅應用，使得普通話同其他語言可以規範咁傳授同推廣，粵語拼音對標準化教育、推廣、測評起到重要且必要的作用。

（如果有類似雅思托福嘅粵語考試，你哋會唔會考？）

六、用粵語輸入法喺手機電腦打字。

真正做到“我手寫我口”，input=output！（下面詳細話你知！）

現時網上有唔少呢啲「学打粤语字」「拼音打粤语常用字攻略」之類嘅教學，但實情係……

▲ 網上一啲教大家以漢語拼音打粵字嘅方法（上下滑动查看↑↓）

呢啲係臨時解決方法，而非長久之計。

若長期依賴，會成爲影響自身語言思維嘅惡習。唔好睇小其破壞力，每當你用別種語言嘅拼音打一個字，你個腦就只會review嗰個字喺嗰種語言嘅發音一次，而非粵語。

即係變相將自己嘅母語由第一語言退化成第二語言，而不自知。

長此以往，不經不覺間你嘅講話習慣、發音、語言組織能力就會受到呢啲不正當輸入方式嘅嚴重破壞。

網絡上有各種錯字、別字、英文發音代替嘅亂象

▲ 粵文錯別字嘅亂象（上下滑动查看↑↓）

咁多奇奇怪怪嘅錯字，

皆因不少網友從前只能依賴一啲反人類嘅輸入方式打字

▲ 以普通話拼音打粵文嘅現象

用其它語言嘅輸入法解決當前打字需要係okay嘅，但係習慣咗就會對自身同母語生態造成不良影響，成爲惡習，故應儘早戒除。

要輸入乜嘢語言就用乜嘢語言嘅輸入法打字方爲正路。

經驗得知，目前最快嘅學習拼音嘅方式莫過於：

既然已經知道有正常嘅打字法，何不先打爲快呢？

参加搜狗输入法内测：我手写我口——为了粤语，我拼了！

零二博客（請看閱讀原文）之前嘅文章都有介紹唔同嘅輸入法，特別係小狼毫輸入法嘅反查功能，用來學習拼音效果極佳。相信只要大家做到坐言起行、改正日常嘅中文打字方式，就一定可以提升個人嘅語文水平、重拾母語語感。

此文由零二同穎詩共同編寫，由穎詩最終定稿。

长按以下二维码，关注公众号，查看menu“一德路”海味干货一条街，粤语、音韵干货陆续有更新。如果你有干货，欢迎来稿。

大數據推送以下鏈接畀你：

我們的征途是星辰大海
望復為盼