粵語動畫 | 港式茶餐廳有幾求其？數完已經過咗食晏時間
中級班睇影片步驟：
1.成篇睇一次，了解整體。試住複述主要內容。
2.重新睇一次，可以暫停，記住詳細信息（每個餸嘅名，注意發音）。
好心機嘅同學，可以留言講下你覺得得意或者中意食嘅嘢。都可以整理下中級班課本嘅詞彙發上嚟，自己寫過印象深刻好多嘅~
3.再整體第一次，詳細咁複述一下。
4.同同學角色扮演影片裡面嘅點餐。去食飯嘅時候試試用。
呢啲生僻字點打？用→粵語拼音輸入法←，講咩就打咩，而且有聯想詞彙，容易打正確嘅字詞。
今日個午餐到底係乜嘢
麥兜：媽媽，我好肚餓啊 麥太：得啦，今日個午餐係乜嘢啊？
夥計：都係嗰啲嘢啦 麥太：即係乜嘢啊？
夥計：普普通通家常便飯噉啦 麥太：點家常法啊？
夥計：哦～咪又係來來去去有啲肉啊有啲菜啊撈埋撈埋打個生粉芡上去嗰啲嘢噉囉，你想跟飯定跟意粉啊？麥太：跟乜嘢嗟？你都冇講過午餐係乜 夥計：噉都係嗰啲嘢嘎啦，廿零蚊個餐又湯又剩唔通有得你食天九翅咩？求求其其有啲肉有啲菜蛋白質澱粉質撈撈埋埋打個白汁茄汁黑椒汁噉䂻zaang6得你懵口懵面咪攞返去返工返學返廠返寫字樓囉 唔係你估真係搵餐晏仔咁簡單啊。噉跟飯定跟意粉啊？
麥兜：媽媽，我想跟飯啊 麥太：跟乜嘢飯啫？食乜都未知啊 夥計：都估到啦，嚟嚟去去咪又嗰幾味嘢 麥太：邊幾味嘢啊？
夥計：噉都係嗰啲豬肉牛肉 瓜瓜菜菜 粟米肉粒 雙腸蛋飯 窩蛋牛飯 生炒牛飯 梅菜皖魚 味菜鮮尤 香茅豬扒 葡汁海鮮跟飯或意粉 三絲炒瀨 時菜斑球 香煎龍脷 沙爹牛河 吉列斑塊 涼瓜煮魚 鮮茄牛 反炒貴刁 咖喱雞 芙蓉蛋 俄羅斯牛肉 夏威夷雞扒 焗葡國雞飯 豉椒排骨 肉醬意粉 宮寶雞丁跟飯或意粉 麥兜：媽媽，我要宮寶雞「燈」啊 麥太：怕唔怕辣啊，啲宮寶雞丁？
夥計：唔怕～今日午餐冇宮寶雞丁 麥太：無你又講？夥計：我舉例嗟 麥太：噉你舉夠未啊？夥計：差不多啦 麥太：差幾多啊？夥計：都七七八八啦 麥太：唔好七七八八啦，你舉埋佢先喇 夥計：噉嚟嚟去去又確實不外乎嗰啲 滑蛋蝦仁 京都排骨 中式牛柳 西芹雞柳 紅燒豆腐 豉汁排骨 干炒牛河 叉燒煎蛋 魚香茄子 白汁雞絲跟飯或意粉 西炒飯 咕嚕肉 煙肉蛋 鹽焗雞 金沙骨 紮肉河 鹹魚雞粒飯 葡汁焗四蔬 蜆肉菠菜面 西西里牛肉 日式照燒雞 清湯牛白腩 滷水鵝肉 拼鹵蛋 刁草汁焗石斑， 嗱仲有燒肉雞 雞油雞 叉油雞 叉切雞 雞油雞切雞 雞叉燒肉 燒肉叉燒肉 叉雞叉油雞 油雞瀨 叉燒瀨 叉燒油雞燒鵝瀨 乳豬飯 乳豬叉油雞 油鴨飯 油雞米 叉燒油雞米 火腩油雞叉燒米 油豆腐 火腩油鴨 豉油皇炒米 係啵， 仲有潤腸啵，好靚啊我地呢度啲膶腸！
麥太：膶腸哈哇？好呀膶腸！噉你即係舉完例啦嘛？
夥計：舉完喇 麥兜：媽媽，我想跟飯啊 麥太：得啦！我問你，今日個午餐到底係乜嘢？
夥計：啊？家吓仲午餐？過晒鐘啦～～
感謝 阿村的法蘭克 及 古唐 老師幫手校對文字。
阿村的法蘭克正字科普，大家用俗字都ok啦：
D=啲(俗)=尐(正)
䂻住䂻住，或者叫人求其食啲嘢䂻飽個肚，係䂻，唔係撐
噃，no啵
咁gam3，噉gam2（俗字都是“咁”）
重有，仲有（俗字）
“晒”係粵語語助詞，完成之意，係正體字，曬係指日曬，繁體字
廣東嘅美食又邊只呢啲？睇睇以往美食介紹 ↓↓↓
陀地推薦你澳門香港美食，呢四間食過未？附帶勁乾嘅貨。叫多杯汽水送服。
長按以下二維碼，關注公眾號，查看menu“一德路”海味乾貨一條街，粵語、音韻乾貨陸續更新。有乾貨嘅朋友，歡迎賜稿哇。
另有“光輝歲月”栏目，介紹廣東的人和事。也歡迎大家來分享。
點擊圖片查看以下专辑，總有一款適合你。
粵語歌曲
粵拼大講堂
唐詩宋詞音韻
漢賢粵語漫畫
大數據推送以下鏈接畀你：
【粵音朗讀測試】外地人的粵語能學得多好？本地人就講得好？
我們的征途是星辰大海