干，係你无攞嚟煲汤。一德路，有你有我有干货
Melon问我，点解中间嘅menu要叫“一德路”，你啲文“干巴巴”，啃唔落。（边个敢问点解，我带佢出街！）
咁我就带佢睇下咩叫干货囖。
一德路是中国广州市越秀区的一条东西走向的道路，位於泰康路以西，和平东路以东，东接海珠广场，西连人民南路，长1150米，宽15-17米。清朝是广州南城墙；民国9年(公元1920年)拆建马路。因路旁有明清时期一德学社得名。
——百度百科
我哋从海珠广场出发，行过去万菱玩具批发城。
疫情之前，呢度都算生意兴隆，好多淘宝店都喺度进货。外国人都会喺度攞货带回国卖，或者睇啱就落订。今日天口㷫hing3，入去要测体温，我超咗，就无入喇。
玩具批发
一路晒住过嚟，先谂起，广州嘅特色：骑楼。呢度仲保留咗好多传统嘅骑楼建筑，可以百度嘅嘢，我就唔多讲。
路过见到旧时嘅“少年儿童图书馆”，细细个就从市二宫行过嚟借书。正如我细细个，就过嚟买文具返学校倒卖。从细喺呢边留低唔少脚毛。
最后面
果栋
往前行，就係石室，天主教广州教区最大教堂，国内现存最宏伟的双尖塔哥特式建筑之一，也是全球四座全石结构哥特式教堂建筑之一（另外三座是巴黎圣母院、威斯敏斯特教堂、科隆大教堂），由于教堂的全部墙壁和柱子都是用花岗岩石砌造，所以又称之为“石室”或“石室耶稣圣心堂”、“石室天主教堂”。疫情期间不开放。
石室
俯瞰是一个十字架。
注意区分沙面嘅基督教堂。
一路向西，我哋嚟到海味干货一条街。无错，呢度就係我哋嘅“干货”专区。
Melon话，终于知道我讲嘅“干货”同佢知道嘅“干货”有咩区别：一般人讲干货，好似开心果，剥开即食，你果啲干货，係咸鱼！（豪师弟话我可以将粤语技能挂上咸鱼
算係知音喇。一般人嘅“干货”係懒人包，冲剂。
我果啲，係煲汤嘅海味，需要你阿妈根据你嘅体质脾气，根据天气流感等情况，配以猪肉、苦瓜、霸王花之类嘅时令肉菜，加水慢熬，趁热饮。
如果你中意，都可以嚟一德路买啲俾你阿妈。
关于煲汤，喺北京都试过 白萝卜炖羊肉 但系无落海味干货，其实广州人习惯，系咪都落啲瑶柱吊味，唔落味精。
海味铺都养啲猫捉老鼠。有啲镇店神猫，都上过报纸做晒网红，我就唔多讲。
严重推荐一间年近半百嘅老店，林记鸡粥，始建于一九七八年。位于广州越秀区海珠南路157号店，一德路地铁站B出口附近。老店态度，首推老板娘，之前排晒队，唔忧做，态度极其“亲切”，大声唔代表无礼貌哈。今日去，人少咗啲，佢讲嘢它条咗好多。
咸煎饼係必点（可以买多几个行街）。第一次去嘅时候，阿姨喺楼上搓面粉。问我哋，啲饼好无食啊？我哋话好食，佢笑到见牙唔见眼，话，边係啫，一啲都唔好食。我哋话，真係好好食喎，佢笑得更加开心，搓饼落多几成力。呢啲就係工匠精神囖，有啲似我之前教书，做得开心，虽然无提成。
林记
鸡粥
名人试食
另一个就係艇仔粥，一碗无浮皮嘅艇仔粥係无灵魂嘅！食艇仔粥唔食浮皮嘅人，简直係亵渎咗艇仔粥！请你哋放开啲浮皮，等我嚟！
咁爽口弹牙，点可以唔食？可能有人知道制作工序啩，係囖，呢啲係猪皮，好补嘅~
和它的灵魂
不过呢度嘅牛河唔係好够镬气，可能係湿炒。马路对面果间正好多。
再向西，都係干货，零食，玩具，文具。最后面嘅就係一德路同人民南路交界嘅儿童公园，佢建成嘅时候，我已经超晒龄，无入过。
作为一个外地人，Melon逛过嘅街真係唔少，所以佢觉得我嘅介绍唔吸引。
佢都介绍咗一啲佢觉得广州好特别嘅嘢，比如土地公，金菠萝，香蕉。香港嘅所见所闻等。我觉得佢自己应该写返啲出嚟，因为我唔係好理解佢噏乜。
下面嘅嘢都係佢科普我嘅：
真光中学一睇个名就
知道係
教会学校
如培英培正
呢篇流水账比较水，唔係干货係水货。所以会收入光辉岁粤栏目。
光辉岁粤栏目，就係数一下广州一啲地方，而且百度有嘅嘢我就唔多讲。
主要话你知一德路栏目嘅由来，干货必须加其它材料，文火慢熬。
大数据推荐以下链接俾你：
史上最全粤语学习网址大全（货太干，需泡水3日）建议收藏用电脑打开
不会填词唔系我差 系广东话--粤语诗词自带BGM
长按以下二维码，关注公众号，查看menu“一德路”海味干货一条街，粤语、音韵干货陆续有更新。如果你有干货，欢迎来稿。
有機會一定要帶大家逛一德路，淘淘乾貨。
干货样板：
粤拼QA--请用粤语读出这些字--ngo hai zung gwok jan
我們的征途是星辰大海