རྒྱ་ཕིབས་འོག་གི་རྨི་ལམ། གླུ་ཚིག་རྨེ་སྤྲུལ་བསྟན་འཛིན་རྒྱ་མཚོ།【5】

རྨེ་ཡུལ་འབྲོག་སྡེ།
ཚིག རྨེ་སྤྲུལ་བསྟན་འཛིན་རྒྱ་མཚོ།དབྱངས། བདུད་བྷེ།རྡུང་ལེན་མཁན། བདུད་བྷེ།
ཕྱོགས་ཀྱི་རི་ཀླུང་ལྟ་ན་རབ་སྡུག་རྩི་ཤིང་མེ་ཏོག་ཚོམས་བུར་བཀྲ། །རྐ་ཆུ་རྨེ་ཆུ་གཡུ་འབྲུག་འཁྱིལ་འགྲོས་འཛིན་མའི་ཕང་བར་གྱ་གྱུར་རྩེན། །རིན་ཆེན་ནོར་བུའི་ཕུང་པོ་སྤུངས་འདྲའི་རྨེ་རྒྱལ་ལྷ་རི་བརྗིད་རེ་ཆེ། །ཨེ་མ་ལྷ་ཡུལ་ས་ལ་བབས་འདྲའི་གནས་འདི་ང་ཡི་ཕ་ཡུལ་ཡིན། ། ཕ་མཐའ་བྲལ་བའི་མཛེས་སྡུག་སྤངས་ལྗོངས་རྐང་བཞི་ཕྱུགས་ཀྱིས་ཕྱུར་བུར་གཏམས། །སྦྲ་ནག་གྲུ་བཞིའི་ཆོན་ཐག་སྟེང་ན་སྒོ་དར་དཀར་པོ་ལྷབ་ལྷུབ་གཡོ། །འབྲི་མོའོ་ངུར་སྒྲ་ན་ཆུང་བཞོན་མའི་ཁ་ཏོན་འདོན་པའི་དབྱངས་དང་སྡེབ། །བཅུད་ལྡན་འོ་མའི་རྒྱ་མཚོ་འཕྱུར་ཏེ་མར་གསར་ལྷུན་པོ་བཞིན་དུ་སྤུངས། །
དབྱར་གསུམ་སྐྱིད་པའི་ནམ་ཟླ་ཤར་སྐབས་རྩྭ་ལྗང་སྟེང་དུ་རྫི་བོར་བསྐྱོད། །མདོ་ཕྲུག་རྟ་ཕོ་གོམ་ལག་བདེ་བས་རྨིག་བཞིས་མེ་ཏོག་སིལ་མ་འཐུ། །སྟག་ཤར་གཞོན་ནུ་སྣང་བ་སྤྲོ་སྟེ་རྨེ་གླུ་རིང་མོ་ལེན་པའི་སྒྲ། །ཕྱོགས་འོང་མགྲོན་པོའི་རྣ་བའི་དཔྱིད་དུ་དྲི་ཟའི་པི་ཝང་ལྟ་བུར་སྙན། །
དགའ་སྐྱིད་རྩེད་འཇོའི་དུས་སྟོན་ཤར་སྐབས་བ་ཁ་མང་པོའི་སྒར་ཆེན་བཏབ། །གཡང་དཀར་ལུག་ཁྱུ་ཐང་ལ་བཀྲམ་འདྲའི་གུར་ཆུང་དཀར་པོའི་མཐའ་མི་མངོན། །དུད་ཞགས་ལོང་ལོང་སྨུག་སྤྲིན་འཁྲིགས་འདྲ་མི་ཚོགས་ཆེན་པོའི་ཁྲོམ་གྱི་དཀྱིལ། །རྟ་རྒྱུག་རྩལ་འགྲན་གླུ་གར་ཁྲོད་དུ་བདེ་སྐྱིད་དགོད་སྒྲ་ཆེམ་སེ་ཆེམ། ། རྨེ་ཡུལ་ཕྱུག་མོའི་སྙན་པ་ཐོས་ནས་ཕྱོགས་ཀྱི་བླ་སྤྲུལ་བརྒྱ་སྟོང་ཕྲག །པདྨའི་ཚལ་ལ་རྐང་དྲུག་ཇི་བཞིན་མ་བསྐུལ་བསོད་ནམས་དཔལ་དུ་བཀུགས། །ཟང་ཟིང་མཆོད་པས་ཐུགས་དམ་དགྱེས་བསྐངས་ཟབ་རྒྱས་ཆོས་ཀྱི་ཆར་ཕབ་སྟེ། །མ་ཎིའི་ཟབ་དབྱངས་འབྲུག་སྒྲ་ལྟར་བསྒྲགས་ས་འདི་འོག་མིན་ཞིང་དུ་བསྒྲུབས། །

བྱམས་བརྩེའི་འོད་ཁྱིམ་འཕྲིན་སྟེགས།

ང་ཚོ་འགྲོ་བ་མི་ཡིན་པ་དང་སྤྱི་ཚོགས་ལ་བརྟེན་ནས་གནས་ཡོད་པས།   མི་རེ་རེར་སྤྱི་ཚོགས་དང་འགྲོ་མིའི་བདེ་སྐྱིད་ཀྱི་ཆེད་དུ་ཡང་དག་པའི་བྱ་བ་བྱེད་རྒྱུའི་འགན་ཡོད།   གང་ཞེ་ན།   འབྱུང་གྱུར་གྱི་མིའི་རང་གཤིས་བཟང་པོ་ཞི་བདེའི་ཚོར་སྣང་ལྡན་པ་ཞིག་བྱུང་ན་ཚང་མ་ལ་ཁེ་བཟང་ཆེ་བ་སྨོས་མི་དགོས་མོད།  དེའི་ཕྱིར་ངེད་༼བྱམས་བརྩེའི་འོད་ཁྱིམ་༽གྱིས་བརླན་པའི་འཇིག་རྟེན་གསར་པའི་འཕྲིན་སྟེགས་ནང་(དུས་རབས་ཀྱི་ཅོང་བརྡས་)ཞིང་འབྲོག་གཉིད་ལས་སློང་ངེས་ན་འདིར་ཕེབས་པར་དགའ་བསུ་དང་གུས་འདུད་གྲངས་མེད་ཞུ་བཞིན་ཡོད།

གསལ་བཤད།

སྤྱི་སྟེགས་འདིར་རིན་ཐང་ཆེ་བའི་གཏམ་བཤད་དང་། ལོ་རྒྱུས་ངོ་སྤྲོད། གསོ་རིག་ལས་འཕྲོས་པའི་གལ་ཆེའི་འཕྲོད་བསྟེན་ཤེས་བྱ།  ཡུལ་ལུང་གོམས་སྤྱོད་ངོ་སྤྲོད།   ཡུལ་སྐོར་ཟིན་ཐོ། ཡ་མཚར་དངོས་བྱུང་སྐོར། ནང་ཆོས་དང་མཚན་རིག་ལས་འཕྲོས་པའི་ཀུན་སྤྱོད་དང་ལྟ་གྲུབ་སྐོར།  ད་དུང་འཆད་ཁྲིད་གལ་ཆེན་སོགས་འགོད་ཀྱིན་ཡོད་པས་རིན་ཐང་ཅན་རེ་ཡིས་རྒྱབ་སྐྱོར་ཡོང་བར་བཀའ་དྲིན་སྙིང་ནས་ཞུ།

འཕྲིན་སྟེགས་གཙོ་སྐྱོང་པས།

སྤྱི་སྟེགས་སུ་མི་སྒེར་དང་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ།  མྱུར་དུ་ང་ཚོར་འབྲེལ་གཏུགས་གྱིས་དང་དྲྭ་ངོས་ནས་བསུབ་ངེས་ཡིན།

版权为原著所有，著有侵犯到您的权益，请您与我们联系，我们将立即删除

སྤེལ་ཟིན་དག་ལ་གཟིགས་འདོད་ན།⬇️

དྲང་སྲོང་ལུངགི་ཉི་མའི་བཀའ་ཁྲིད་ཀྱི་ཟིན་བྲིས།[ཆ་ཚང་།]འཆད་ཁྲིད་པ། མཁན་པོ་ཁྱབ་བརྡལ།བཀའ་ཁྲིད་ཀྱི་ཟི【ཆ་