沪语新山歌《隔壁阿王老滑头》

上次的《想起阿拉小辰光》只是我收在新书《上海壁角落》里的三首新山歌之一。七夕过去，感想发过，再来介绍第二首。

网上有过一个帖子，也许很多人都看到过，罗列了上海话中带有“老”、“头”、“子”这三个字的许多俚语。同理，我不愿意就这么抄出来。于是将带“老”字的俚语编一编，就有了这个《隔壁阿王老滑头》。

隔壁阿王老滑头，

当面讲好背后糗。

当面叫侬老克勒，

背后叫侬老木刻。

人前叫侬老法师，

人后叫侬老浮尸。

尊侬一声老懂经，

其实喊侬老甲鱼。

称倷夫妻老来少搭仔老来俏，

暗地里是老乌龟搭仔老菜皮。

看看像个老十三，

实际是个老屁眼。

老屁眼，老门槛，

就是迭只老举三。

踏仔一部老坦克，

还讲要吃老价钿，

老爷车能值几钿，

穷吹牛逼老面皮。

讲讲麻将老搭子，

弄弄副副老相公。

讲讲是个老酒彭，

醉后要敲老家什。

大家讲好老辰光，

只有伊做老弹簧。

看看像个老实头，

其实是个老姘头，

老吃老做老户头，

当场气煞老娘舅。

侬要问伊还钞票，

伊就是根老油条。

侬要叫伊辩是非，

伊就是只老浆糊。

侬要叫伊担肩胛，

伊就是只老黄牛。

晓得伊只老棺材，

就是迭眼老套头。

伊要继续老茄茄，

我送伊回老娘家。

我最近还写过：

苹果手机若打赏，请长按此二维码。

         欢迎关注本公众号。