上海滩码头奇遇记
上海靠海，海纳百川，出入依赖码头。老上海方言中，“码头“是城市和市场的代名词，闯世界叫跑码头，外地叫外码头。码头鱼龙混杂，浙东人来上海，大多坐海船，十六铺码头上岸。江苏人很多是一顶小船，从江南蛛网密布的河道中穿梭，“摇“到上海滩，苏州河边、洋泾浜畔，船停下来的地方，就成了码头，生儿育女开枝散叶，大家都成为“上海人“。初来乍到十里洋场，乡巴佬难免闹笑话，上海人揶揄土包子：“你是不是十六铺刚上来？“说这话的，自己可能也是十六铺上来的。有人的地方就有江湖，何况还是四方辐辏的大码头。伊利亚·卡赞的电影《码头风云》（On the Waterfront）里，马龙·白兰度有句经典台词：想听我的人生哲理吗？先下手为强。（Do you want to hear my philosophy of life?Do it to him before he does it to you.）什么是码头？这就是码头。
关于老上海的码头风云，各种书籍电影反映得很多了，今天“老周望野眼“要说的，是在码头上发生的一件平白无奇的小事。一个毛手毛脚的小伙子和一个搔首弄姿的老板娘之间擦出的一点小火花。前两天说了上海滑稽鼻祖刘春山以及他表演的《滑稽演讲》、《热水袋》，其中《热水袋》的唱词，多少有点下三路的内容。事实上刘大师还有一只小段《滑稽游码头》，比《热水袋》还要俗一点，说这一段，一开始有点顾虑。再一想，表演压成唱片公开出版，唱词白纸黑字印出来，有什么不能讲的呢？既然说到上海的码头，不妨就来听一听好了。
1931年百代唱片灌录
滑稽游码头（头段）
叫乃末要唱游码头。游码头人家游过三关六码头，我唱要游过四关八码头。上天走下头再要入地游，上天走侬天上缺少天堂路，入地游侬地上缺少地门口。眼门前话飞艇多来勿过头，随便那俚个先生搞落念块头。坐一只飞艇云端里向兜一兜，此乃就叫上天游。格末入地游只要走到新世界，地洞里向走一走，此乃就叫入地游。由东走，走到浦东烂泥渡，碰着个八十三岁老老头，气力大来勿过头，挑子念担大蒜头。朝西走，走到徐家汇，百代公司喊我唱只游码头。朝南走，南嗨走到南铁厂，碰着一位老先生，拉块拉块、这块这块、辣你妈妈江北朋友小工头。北嗨走，走到沪宁火车站，火车两部会掉龙头。夷场浪向圈子来兜，东新桥别转来朝北走，六马路挺开两横头，了拉电车亭子门口头。有爿茶馆二层楼，招牌三字就叫朝阳楼，凉棚搭拉门口头，招牌挂拉廊檐头，上头卖九个头，下头再卖八个头。十把茶壶九把漏，开店老板癞痢头。洒开水堂倌六指头，洒起开水大花头。特耳轮登……外加凤凰三点头。六指头下手嗡鼻头，瘌痢头养出女儿塌鼻头。老板娘娘大块头，老板娘娘吃饱饭，勿肯拿啥生意做，袅袅额额立了门口头。头浪向，青丝头发墨亮油，前刘海了额角头，后底头，梳一个爱司头。极细二条眉毛分左右，琼瑶鼻对牢樱桃口。老板娘娘出风头，三寸一条硬领头。裁缝师傅真考究，领头上钉子四档盘香钮。热水袋袋手里抱，热水袋外头包块大绢头。老板娘娘一件旗袍短勿过，下底头露出两只脚馒头。老板娘娘块头叫实在大，两只奶奶抖了抖。屁股高来像个坟墩头，屁股上好摆一只小钵头。两只脚走到大马路，断命屁股甩到城里三牌楼。
滑稽游码头（二段）
碰着我只浮尸触霉头，吃饱仔夜饭叫唔啥做，夷场浪向拿圈子来兜。茶馆门口走一走，老板娘看见对我弯弯手。我对老板娘得得头，伊来对我做迷眼，我末对伊嗅鼻头。两家头，挽手同行望朝里，辣声恁房门关嘞紧来不过头。老板娘拿我帽子来探脱，衣裳脱到脚板头。眼无扎勾头，臂膀做枕头，身浪向盖仔五条大被头。两家头，不认得同床同被同枕头。话老仔面皮会得睏了一横头。老板晓得心光火，骂伊拉娘子轻骨头。为啥道，房间里别人家汉浪头才不偷，一偷刘春山搭棚戏长脚浮尸小滑头。瘌痢头喊仔堂倌六指头，再喊相帮嗡鼻头，领仔女儿塌鼻头，瘌痢头嘞，六指头嘞，嗡鼻头嘞塌鼻头，一塌刮子四家头，行来走到厨房里，镬盖头，洗帚头嘞，铜勾头，菜刀头，火钳头嘞火叉头。瘌痢头来拿出一盒洋煤头，六指头拔仔两个纸拆头。还有嗡鼻头仓头拿着一只油盏头。还有塌鼻头，蜡扦浪向拔着一根蜡烛头。瘌痢头划上杨煤头，六指头点着纸拆头，嗡鼻头先点油盏头，该面塌鼻头，点着一支蜡烛头。瘌痢头，手里拿一把大斧头，六指头掮起一把大榔头，还有嗡鼻头，捏仔两根硬柴头。还有塌鼻头，顶顶小手里拿一根棒柱头。瘌痢头大斧头跑来跑拉着前头。六指头，嗡鼻头，塌鼻头，大榔头，硬柴头，棒柱头，三家头，（踢踏踢踏）跟了屁股头。行来走到房间里，要捉我浮尸汉浪头。弄得我升箩不拿才拿斗，伴了帐子角落头。窗口里向不好跑，门口里向好勿缕，老板跑拉个着前头。看见我末眼睛抬，鼻头嗅，斧头掼到踏板浪，第二只浮尸六指头，掮起一把大榔头，掮起榔头拿我来打，肚皮浪，哔哩吧啦，吧啦哔哩，哔啦吧啦，吧啦哔啦，结咧硌落，硌落结咧，被伊敲仔六榔头。作孽娘，嘴里向敲出来交交关关侪是香烟头。
浪奔浪流十六铺，万里涛涛江水永不休。人来人往多少年，Do it to him before he does it to you.人与人之间的那点事，是否还一样像戏文一样在不断上演？
最近我还写了
扫描以下二维码关注“老周望野眼”