＃Mall姐救春娇＃小剧场（下）＃
时：晚上十点
地：中环某Coffee Shop
人：余春娇（娇）、Mall姐凌敏（M）
［上回讲到余春娇说要结婚了……］
M：我就係想讲张志明。点解你咁唔自爱，要同个人渣结婚？係北京个时成日为左佢喊苦喊忽。本来我以为个衰人冇样好，迟早你都会飞咗佢。台北旅行遇着大地震，你又喊住打嚟，话佢净係顾住自己唔理你。转个头，唱首歌词唔岩Key嘅烂鬼歌，夹埋唔岩Beat嘅Band，搞场大龙凤向你求婚，你就应承？我一路以为你醒过Cherry，点知原来都係一样，俾男人玩完一次又一次。
娇：Mall姐。我已经係中女，我需要张志明。所以我决定博一博。
M：博？所以我从来都话女人应该嫁俾公司，係事业上搏杀、俾心机，就会有回报，唔似得感情，付出几多，收到几多，从来都唔合理。你依家连结婚都话要博？你话我知，你有冇唸清楚。
娇：我冇Mall姐你咁叻，唸嘢咁清洗理智。但係我问过同你一样咁叻嘅人，佢哋个答案都係50:50。博咗唔知得唔得，但唔博一定唔得。个个係张志明，所以我博。
M：咁冇保障嘅嘢，做咩要俾咁多心机去做去博？仲要俾机会一个有前科嘅男人？50:50，结婚都拎嚟赌，你係咪傻咗？
［沙律到］
娇：［拎起叉，拨弄沙律］成世人流流长，总会遇到几个仆街。但係又点知个仆街唔会改？或者我哋自己都係仆街呢。
M：余春娇，你讲咩？
娇：Mall姐，我睇韩剧话，如果将女人简单咁分成两种，一种就係需要另一半，一种就係可以食自己。［尝试将沙律中的菜、烟肉、蛋分开］张志明係仆街个个都知，见到女就痕，放狗都可以挂住沟女，放到狗都唔见埋。但係我好肯定，我好像、好需要佢帮我放狗。我唔可以日日的起心肝翻工之前晨咁早係海边跑步放狗。常满听你Order，可能係你train得佢好，但好大部分係因为佢爱你。
M：常满唸乜你都知，但係就唔知同张志明一齐係错？
娇：咁你知唔知常满好怕热？男人同狗一样，佢爱你嘅话可以就晒你，但始终都有爆煲嘅一日。其实无分男女同狗，个个都一样。Mall姐，你EQ咁高，对住贱人Gordon都俾佢激到掟电话。人，始终会爆煲。我想揾一个佢爆煲时我忍到，同时又可以有爱情，冇冲突，如果人生係50:50嘅话，咁都可以50%係係事业上求稳定，另外50%係係爱情上博一博啫。
M：［将碟抢到自己面前，将碟中沙律菜拨开，拨到自己碟中。静了片刻］揀咗日子未？
娇：揀好话你知！
M：［将只剩下烟肉和蛋的碟子还给春娇，自己食菜］条路自己揀，仆街唔好喊。
［春娇大笑，M微微扬起了嘴角］
－剧终－
Mall姐多理性都好
最终还是抵不过感性的一面
＃如果你也喜欢这种小剧场＃
＃喜欢请留言＃