10年去西伯利亚贝加尔湖游记 下 作者 朗读 岑然周

虽然纬度只比上海高出20度多眼，不过日照辰光邪气明显个长了，感觉太阳头一直吊垃头顶心浪，也弗晓得是啥个辰光了。外加俄罗斯还垃行夏令时：夏季比平常提早2个钟头，扛仔一来就比上海还早出1个钟头（经度浪比上海时区晏忒一钟头时），断命辰光就更加了：12点钟太阳头还垃东面，2点钟快太阳头再正中心，乃么3、4点种是顶热个辰光（一般性来讲每只地方个最高气温是垃2点钟）；11点钟吃早饭（伊拉本生早饭就晏）。2点钟中饭，7、8点钟夜饭，11点钟太阳头还无没落山。而夜头只月亮也显出来大，可能是离地面低个关系。

生煞一个典型个不会卷舌，开蹩脚普通话再加蹩脚英文个南方人，多数情况下头，人家几乎听不懂我个洋泾浜，一样我也听勿拎清乌里乌里个俄式英语忒中文，乃末索介人家讲人家个俄文，我开我个上海话，一头讲一头打手势……伊拉总归问“侬是从赤塔来个伐”，赤塔垃满洲里西头，蒙古朝北，是西伯利亚个大城市，交通枢纽。居民中多数布里亚特蒙古、汉人忒其他亚洲民族，外加从中国到贝加尔湖个陆地交通除忒借道乌兰巴托就只有从满洲里——赤塔——乌兰乌德一埭，一上来我当是是为老迭个道理。后头再晓得俄文蒙文里“赤塔”忒“支那”发音相鼻头。不过像煞当地人对上海齐比较熟悉，估计是勿关历史浪还是改革开放后，忒上海、上海产个中国货色接触比较多。垃西伯利亚顶大只城市伊尔库茨克，中国人市场卖野人头讲成功上海市场，有种中国人小饭店齐吊只“上海饭店”牌头（明明是东北菜）。

湖东岸巴尔古津山谷个雅里卡塔是我顶顶留恋个地方，因为在伊头一切齐可谓结合完美：自然景观、宗教人文……还有讨人欢喜个阿吉莎。 

此地自古以来一直是原始萨满圣地，后来藏传佛教传到了这里，有个PA来西喇嘛庙，忒当地其他喇嘛庙不同：此地没有转经筒没有白佛塔，只有块石头：据说几十年前IMGIMA女菩萨显灵（中国称吉祥天女，非观音），勒雅里卡塔山浪一块石头上显出了菩萨像（见照片），乃么布里亚特人乃至俄罗斯人竞相前来朝觐圣石，香火勿断。

在前往圣石山路浪，是茂密的山林，但跑到中途时一记头豁然开朗，眼门前是大片的朝圣者堆出的石阵（照片拍的太蹩脚，完全显现不出），可能其他人并没觉着啥，但我完全被这景象震牢了，乃至条迭山路每天都齐要跑伊好几大：有时一家头、有时跟阿吉莎、有时跟朝圣者、有时跟登山者……反正有事没事就往伊头去走这条山路看看石阵。并且迭能一周快一点也没疲忒：每趟都是同样的震撼忒湖岸边最大区别是：此地用水不便当，板要开车到什什远的山里取山泉水，汰浴么走很远路到最近的河里游泳当汰浴。好勒西伯利亚个水里汰浴，也算三生有幸了：虽然太阳头高挂头顶心，但勒水里却没一丝暖意，真真领笨能在水里悠然自得的这些蒙古人和俄罗斯人

滑稽个是：河边当地人都着了现代泳衣，只有我着老式汗背心平脚裤（早晓得贝加尔湖水冷根本没想过要游泳），肩上甩条毛巾，还一头洗衣服……一个外国人当是我是原住民：问我会不会讲布里亚特语蒙语……

 途中碰着一位勒布里亚特大城市乌兰乌德留学内蒙小姑娘，伊讲：每当勒布里亚特人海头看到蒙古包忒传统物事乃至萨满，总归觉着异常亲切。听了这句话我邪气感慨：毕竟“本是同根生”，却因为历史种种原因，不得不各归各散勒三个国家，从而讲不同语言，接受不同信仰忒生活方式……然而今朝伊拉又变得日渐“相同”——同样齐现代化了——无论勒内蒙、外蒙、还是西伯利亚，越来越多蒙古人好讲流利英语（因为迭牌地方旅游业都发达关系吧）、穿T恤（当然只勒短短的夏季）、电脑上网……并且开车子——而不再是骑马交关人包括当地人齐不解，伊头到底有啥好，花介大代价值得吗（因为没有邀请函，勒上海代办一个月签证2千五再加上过期又补买回程机票开销，比勒伊头所有吃行住宿加起来都贵……本生还想去蒙古，没想到上海代办签证独独几家齐狮子大开口3千，否则就只有自家去北京蒙古领馆，但拿勿着邀请函去了也没用场……相比之下同去伊头港台东南亚同胞办签证却易如反掌………迭趟真是深感大陆忒其他地方差距，还办世博会呢……），去欧美日本勿是蛮好吗……我回答只有一句：MORETHAN WORDS——勿但是西伯利亚贝加尔湖个景色、萨满个神秘、引人入胜个文物忒岩画……布里亚特人、鄂温克人……当然还有俄罗斯人个热情善良……迭一切让我流连忘返，以致签证过期……

 西伯利亚（鲜卑利亚）东北亚远东（包括内外蒙古、内外东北、库页岛）原住民族除忒阿伊努人是黄白混血个突厥系人种（苏武勒贝加尔湖牧羊辰光偷苏武羊个丁零人也是突厥）外，其他齐是黄种人，大致有：蒙古（柯尔克支、准格尔支、布里亚特支）、满族MANDARIN（肃慎人后代）、朝鲜、爱斯基摩、鄂温克鄂伦春（国外称埃文基，肃慎人后代）、赫哲人（肃慎人后代）、锡伯人（鲜卑后代）、达翰尔人（东胡要么契丹后代）、图瓦人（新疆也有）、乃蛮人、鞑靼人，其他还有一些无法确认族系只好以现在居地命名个：像库页人、雅库特人、楚克奇人、涅涅茨人、堪察加人等等。

 不同于其他蒙古支系，布里亚特人忒之前生活勒西伯利亚贝加尔湖个远古忒古代民族像肃慎、鄂温克有了传承关系，伊拉一部分祖先，勒被成吉思汗统一归入蒙古重构部族而开始游牧前，就像肃慎、鄂温克、鄂伦春人一样，勒“远东”——从西伯利亚、蒙古北部直到东面个大兴安岭、外兴安岭、黑龙江下游一带——森林里打猎（众所周知至今一些鄂族人仍勒西伯利亚山岭忒兴安岭里打猎）。“肃慎”“鄂温克”“布里亚特”迭些名称勒古西伯利亚语言中，齐带有自称“来自森林”个意思，所以近代布里亚特人也被称为森林布里亚特人。自从商周时代中原文明发达以来，迭些狩猎民族便忒所有其他北方民族（如像匈奴迭能个游牧民族）一道笼统的被中原贬称为“鬼方”、“北狄”、“胡人”，但有时也单独称为“肃慎氏/国”、“巴尔虎”……相当于后代所称呼个“林中部”、“林中百姓”。“巴尔虎”也就是今朝贝加尔湖东岸巴尔古津河流域忒巴尔古津山区，是原始布里亚特忒鄂族起源中心地，今朝仍是迭两族人口最集中个地方——居民齐是黄皮肤，除忒游客忒出于谋生需要难般见着俄罗斯人——迭忒几乎所有多多少少已俄罗斯化个其他远东地区形成了鲜明对比。勒一个多号头西伯利亚之行中，有一半快辰光是勒该山区。

元灭亡后，蒙古衰微，布里亚特忒鄂族人生活个这一地区逐渐受到了迅速崛起个满清个影响（直到20世纪初从伊拉个一些穿戴上还可以看出一些满清影个响，见照片）。17世纪，沙俄开始侵入迭些地区，“尼布楚”条约后，满清基本上结束了对这一地区个影响。直到20世纪初当地人仍保持了大部分习俗传统忒宗教信仰：布里亚特人半农半牧，鄂族人则继续打猎。虽然俄国个东正基督教理所当然成为了当地个官方宗教，但事实浪当地人勿是还保留着萨满传统就是老快接受了清末传得去个藏传佛教。

当苏俄最后击败了勒远东个沙俄残余后，于1930年代开始了大规模个“红色清洗”，俄国控制下个整个远东地区一并遭殃：当地所有DATSAN萨满忒喇嘛寺庙齐被当作“反动个”而被“清洗”忒了，取而代之个是红军纪念碑。今朝所见所有寺庙齐是后来重建个。也就是从这一时代起，布里亚特人忒其他远东亚洲原住民被从里到外、从思想到服饰“清洗”了一遍，传统逐渐丧失，逐渐俄化忒现代化：特别是俄语取代了本族语言成为了日常生活用语

不过即使是迭能，有种传统特别是宗教方面个仍顽强延续了下来，迭老大程度浪齐要归功于伊些冒了生命危险勒私底下里传承保存迭些物事个萨满法师忒喇嘛拉。过忒半个世纪后，人们重建了寺庙，迭些东西终于得以重见天日。而少数顽强个鄂族人坚持打猎至今。

至今西方人包括有种华人还勒不懈向该地区传播基督教，但忒藏传佛教巨大影响相比，收效甚微。反过来：交关世代生活勒远东个俄罗斯人逐渐接受了萨满忒喇嘛信仰，乃至于我看到一个邪气滑稽个现象：一些俄罗斯人甚至是年轻俄罗斯人反而比今日个布里亚特人更熟稔萨满忒喇嘛教传统：伊拉勒树浪扎彩带，吃布里亚特人个圣泉，乃至对石头顶礼膜拜。当然或许伊拉只是出于一种“实用”个目的，就像现在交关中国人一样：屋里供佛像保佑平安迭两年来自中国内蒙布里亚特人（布里亚特人大约一百多年前有一部南下勒内蒙定居）忒鄂族人中个“吉祥三宝”走红后，人们争勿罢争伊拉到底是布里亚特人还是鄂族人。特别当关系到一些现实问题时——比如鄂族人是“濒危”所以国家会给予某些优待，而布里亚特又普遍受蒙古族欢迎——伊拉本人也经常勒公开场合“改头换面”：一歇讲布里亚特语（基本接近蒙语）、一歇讲鄂族语……

从上述历史来看显然迭种争论没必要：布里亚特人忒鄂族人齐是“西伯利亚之子”、“巴尔虎之子”、“肃慎”忒“林中部”之子。迭两族人齐能歌善舞，相比而言，鄂族人还保留一些传统，布里亚特人则更多个俄化他现代化了。

有关“北大荒”忒“中国”：

了解历史个人一般齐会讲：“哦，贝加尔湖啊，老早勿是中国个吗，尼布楚条约割让给苏联了”。其实“中国”是个老含糊个词也就是“中央之国”，各个时代“中国”个概念都不同。最早商周时代“中国”差不多只是中原，所以写于伊个时代个《山海经》里：贝加尔湖经兴安岭黑龙江直到库页岛一带（山海经还特别提到了库页岛）忒中亚、南亚、东亚并称为“大荒北、西、南、东”，乃么今天有“北大荒”一词。“大荒”也就是所有忒“中国”有联系个地方中最遥远最蛮荒个。周灭商、周公东征平叛大胜（迭场战争对中原乃至整个东亚产生巨大影响）加上伊对文治武功个苦心经营，使周王朝忒整个中原勒整个亚洲声威大振，乃么迭些大荒地方个民族特别是北大荒个肃慎人纷纷前来表示名义浪个臣服。中原拿伊拉称为“荒服”，只要定时进贡，不受其他控制，是所有“服”等级里最低个。显然实际浪中原要真正控制“大荒”地区根本是鞭长莫及，早期以周公为典范个周王朝确实像孔子讲个是以德服人（周公是孔子从小个偶像），像肃慎人迭齐都是自愿前来“服”个。但后来王室腐败，并且试图以武力控制伊些“荒服”，乃么从此“荒服不至”，忒中原完全没有任何关系了。而后代伊些王朝，除忒像鲜卑元朝迭能由北方民族自家统治个朝代，没一个真正直接统治过贝加尔湖，至于满清对其个“影响”大部分只是勒“关外”时期，勒其入关“中国化”后就逐渐结束了。

可以看出：迭一地区及其民族除忒勒周初有面浪向个“服从”外，一直齐是独立于“中国”个，是勒“中国”体系影响范围之外自行发展个另一种亚洲体系。讲贝加尔湖本生是中国个其实是一种误解，而“尼布楚”条约对俄国忒满清而言可能是“平等”个：因为迭个本生就不是伊拉个家园，而对贝加尔湖忒原住民族来讲：根本没“平等”好讲，伊拉被两个外来征服者作为政治交易筹码而任意宰割，或许“落后就要手宰割”