【学上海话】讲白相(15)重阳讲眼啥 作者:白米 改编:杨张悦 朗读:牛美华
【学上海话】讲白相(15)
重阳讲眼啥
作者:白米
改编:杨张悦
朗读:牛美华
今朝啊是重阳节,辣辣迭个传统个节日里向,勿要忘记陪伴自家个爷娘亲人长辈,登高望远,吃糕赏菊,品酒言欢。祝所有个老年朋友健康长寿。
下面呢我伲就一道来听听由白米先生写个,重阳讲眼啥。重阳节,又叫敬老节,敬老爱幼是我伲国家个传统美德。现在个家庭基本浪侪是独生子女搿一代,小囡个地位越来越高了,一个小囡六个大人宠,其中四个是老人,真勿得了。等伊长大成家立业,一对小夫妻倒要负担四个甚至更多个老人,哪能吃得消呢?
想到了我伲小辰光,尊敬老人好像是爷娘个事体,自家啊还只晓得辣辣白相,向阿爷阿娘外公外婆请声安至多了,还少勿脱会拨我伲吃好吃个物事。现在啊挨到自家做老人了,还有几家人家一本正经辣辣脱侬过重阳节呢?倒是老人自家寻找乐趣,老朋友之间发个微信问声好,或者约辣辣一道去吃吃饭、吃吃茶,还有身体蛮好、兴趣更加高眼个人,干脆啊就约好一道出去旅游了,长途短途侪可以个。也真个是,伲子囡圄即要忙工作忙事业,还要忙小囡读书学习,勿要侬去相帮伊拉照顾第三代已经是谢天谢地了,也算得上是子女对爷娘个照顾体贴了,但做老个总有眼放心勿落,还是会常庄去相帮相帮个。搿能一想,老人对子女最大个照顾是啥呢?依我看啊,就是先照顾好自家,拿自家个身体养养好,最好是勿要脱伊拉增加麻烦。
生活也是老现实个,老古话讲长病呒没孝子,老年人自家要想开眼,开心眼,自家活得轻松眼,至少来讲现在吃穿侪呒没啥问题了,就勿要去忧迭个愁伊个,啥个事体侪糊涂眼,身体自然会好个,迭能天天啊就是重阳节。白米 写于20171028
作者简介
作者白米老师简介:1945年冬月生,江南云间人氏。15岁迁居上海,一直住杨浦。六四年高中毕业后参加工作,因种种原因不得深造。书读不多,但爱好文学。四十年工作中断断续续与文字打交道,曾有几年纸媒编辑经历。现退休在家,有兴有闲,故而重操旧业,平时写写沪语乡土小文章,只有朋友同好间传阅。实足小人物一个,不足挂齿。
播音员简介
播音员牛美华老师简介:(“学上海话”微信公众号平台沪语示范播音员)
1983年7月考入闵行区广播电视台(原上海县人民广播电台),后分配颛桥站工作,担任编辑、沪语播音员,期间同时担任区、街镇相关文艺演出及活动主持。
任教闵行区中心小学、闵行汽轮小学、闵行区颛桥中心小学、闵行区田园外国语小学沪语兴趣班、颛桥镇社区学校沪语班。
△牛美华老师
请您欣赏牛美华老师朗读的更多作品!
【学上海话】“七朵金花”重逢记 作者:胡海明、高卢明 改编、播音:高佩明(“学上海话”微信公众号平台沪语示范首席播音员)2018-10-11
消息
扫描二维码
关注更多精彩
图片来自网络
责任编辑|杨张悦(上海海事大学)