礼拜三粤语晨读｜少年梦，有多少可以成真？
不问是劫是缘。
——《流光飞舞》唱陈淑桦/词黄霑
《少年夢》by 黃霑
由少年開始，就有個夢想：
做作曲人，等大家都唱我嘅歌。
少年夢，有幾多個可以成真？
亦都難怪同學對我存疑。
第一首歌，係中五嗰年寫好嘅，
試唱畀初戀女朋友聽。
小姐話：“好熟，好似喺邊度聽過。”
唔經唔覺臨摹咗人哋嘅作品，
原來呢個係初學創作嘅人，必有嘅通病。
所以處男作我冇發表。
之後，多得口琴老師梁日昭先生畀我機會，
1960年，開始咗我嘅寫詞生涯。
嗰次，居然一次過寫咗八首。
每首酬勞四十大元。
呢個價錢，
喺一毫紙就可以由深水埗坐巴士到九龍城嘅年代，
真係令人興奮！
八首歌，冇一首變成流行曲。
但係機會依然不斷噉嚟。
冇人教我寫詞嘅方法？
唔緊要！可以偷師。
前賢傑作，係我學詞嘅範本。
我一首一首分析，學佢哋嘅方法。
與此同時，
鑽研一本叫《Teach Yourself Song Writing》嘅書。
當時，最大名鼎鼎嘅詞人係李雋青先生，
他嘅歌詞，好接近口語，
但係感情深邃，深入淺出嘅作品，
係我自修填詞之道嘅課本。
另外一位對我寫詞生涯極有幫助嘅人，係華娃。
可以噉講，冇佢嘅從旁協助同鼓勵，
我嘅寫詞生涯，好可能捱唔到落去。
我回顧三十年嘅歌樂生涯，
覺得人人事事，
其實經過歲月沖洗，一切都會變得唔重要。
重要嘅係：我曾經努力過。
而且，完成咗一啲作品。
曾經努力過，喺努力嘅過程中，
似有所得，經已仿佛此生不枉。
而家，諗返起少年夢，就會會心而笑。
喺某個程度上，
我嘅少年夢已經成真：大家都喺度唱我嘅歌。
雖然，到今日，令我完全滿意嘅歌，
依然仲未出現。
我會繼續努力。
仍然喺度努力嘅朋友，我想話畀你聽：
機會一定會嚟嘅，只要你努力，少年夢就會成真。
其中，會有挫折，會有屈辱。
亦都會有幫助你嘅人。
對幫過你嘅人要永存感激。
屈辱過你嘅人，都應該感激。
冇咗佢哋，你唔會發奮。
而唔發奮，少年夢，又邊會成真？
原文
从少年时起，就有梦：
当作曲人，让大家都唱我的歌。
少年梦，有多少个可以成真？
也难怪同学对我存疑。
第一首歌，中五那年写好，
试唱给初恋女友听。
小姐说：“好熟，像在哪里听过似的。”
不知不觉临摹了别人作品，
原是初学创作的人，必有的通病。
所以处男作没有发表。
然后，得口琴老师梁日昭先生给我的机会，
1960年，开始了写词生涯。
那次，居然一口气写了八首。
每首酬劳四十大元。
这个价钱，
在一毛钱就可以由深水埗坐巴士到九龙城的年代，
真叫人狂喜！
八首歌，没有一首流行。
但机会居然不断地来。
没有人教我写词之道？
不要紧！可以偷师。
前贤杰作，成了我学词范本。
我一首一首分析，学他们的方法。
同时，
拼命啃一本叫《Teach Yourself Song Writing》的书。
当时，最大名鼎鼎的词人是李隽青先生，
他的歌词，很接近口语，
但感情深邃，深入浅出的作品，
是我自修填词之道的课本。
另外一位对我写词生涯极有帮助的人，是华娃。
可以说，没有她的从旁协助和鼓励，
我写词生涯，很可能捱不下去了。
我回顾三十年的歌乐生涯，
只觉得人人事事，
其实经过岁月冲洗，一切都会变得不重要。
重要的只是：我曾努力过。
而且，完成了一些作品。
曾经努力过，而在努力的过程中，
似有所得，已经仿佛此生不枉。
此刻，回想起少年梦，
不禁会心而笑。
在某一程度上，
我的少年梦成真了：大家都在唱我的歌。
虽然，到今天，
令我完全满意的歌，
依旧还没有出现。
我还会努力下去。
仍在努力中的朋友，
我想告诉你：机会一定会来的，
只要你努力，少年梦会成真。
其中，会有挫折，会有屈辱。
也会有帮助你的人。
对帮过你的永存感激。
屈辱过你的人，也应感激。
没有了他们，你不会发奋。
而不发奋，少年梦，那会成真？
夢想 mung6 soeng2
機會 gei1 wui6
發奮 faat3 fan5
摘文：细N
译：MJ.Ng
朗诵：Canny
音频后制：大嘜
往期回顾：第1至33期
礼拜三粤语晨读｜对我重要的，不是你有没有成就，而是你快不快乐
最新课程
11-12月最新粤语课程
香港留学粤语班
斋Talk班
全新斋talk班，一齐吹水唔抹嘴 · 12月3日(SUN)3:30pm
11月公开课
“3点3下午茶”手制港式小点心 · 11月26日(SUN)4:30pm
高级课程顾问｜Joyce-Tsui
全国热线：400-833-8323
微信ID：gangnizhi001
想学粤语？
长按二维码加课程顾问
获取更多课程信息